Jeje Ko Rekwojarjar
Moses 5


Jebta 5

(Juun–Oktoba 1830)

Adam im Iv rej neje ajri ro—Adam ej ajiļo̧k katok im jerbal n̄an Anij—Kein im Ebel rej ļotak—Kein ej jum̧ae, ej iakwe Setan eļapļo̧k jān Anij, im ej erom Rimarok—Uror im nana rej ajeeded—Gospel eo kar kwaļo̧k e jān jinoin.

1 Im ālikin men kein bwe ālikin N̄a, Irooj Anij, Iaar kadiwōjļo̧k er, bwe Adam eaar jino katōke bwidej eo, im n̄an apepe ioon aolep mennin mour ko in meļaaj, im n̄an m̧ōn̄ā kijen pilawā jān menokadu in turin mejān, āinwōt N̄a Irooj Iaar jiron̄ e. Im Iv, barāinwōt, lio pāleen, eaar jerbal ippān.

2 Im Adam eaar jeļā lio pāleen, im lio eaar akeotak n̄an e m̧aan ro im bkōrā ro, im rekar jino cwōrļo̧k im n̄an koobrak laļ.

3 Im jān iien en m̧aanļo̧k, m̧aan ro im akōrā ro nejin Adam rekar jino ajej ruo ian ruo ian ilo āneo, im n̄an katōke āneo, im n̄an lali mennin mour ko, im rekar barāinwōt neje m̧aan ro im kōrā ro.

4 Im Adam im Iv, lio pāleen, rekar kūr ioon etan Irooj, im rekar ron̄ ainikien Irooj jān ettoļo̧k iturin Jikin Kallib in aIden, ej ekkōnono n̄an er, im rekar jab lo E; bwe rekar m̧wijkōk jān bim̧aan Mejān.

5 Im Eaar leļo̧k n̄an er kien ko, bwe ren akabun̄-jar n̄an Irooj aer Anij, im bwe ren ajeļo̧k bm̧aanje ko in mennin mour ko aer, n̄an juon katok n̄an Irooj. Im Adam eaar cpokaki kien ko an Irooj.

6 Im ālikin elōn̄ raan ko juon aenjeļ an Irooj eaar waļo̧kļo̧k n̄an Adam, im ba: Etke kwōj ajiļo̧k bkatok ko n̄an Irooj? Im Adam eaar ba n̄an e: Ij jab jeļā, ijello̧kun ke Irooj eaar jiron̄ eō.

7 Innām enjeļ eo eaar kōnono, im ba: Men in ej juon akakōļļeen bkatok eo an eo Nejin Eaar Make Keotak in Jemān, eo ej obrak kōn cjouj im m̧ool.

8 Kōn menin, kwōn kōm̧m̧an aolep men kwōj kōm̧m̧ani ilo aetan Nejin, im kwōn bukeļo̧k im ckūr ioon Anij ilo etan Nejin jān kiiō n̄an indeeo.

9 Im ilo raan en aJetōb Kwōjarjar ar wōtlo̧k ioon Adam, eo eaar kam̧ool kōn Jemān im Nejin, im ba: N̄aij eo bNejin Emake Keotak in Jemān jān jinoin, jān iien in im indeeo, bwe āinwōt am kar cwōtlo̧k kwōn maron̄ bōk dlo̧mo̧o̧r, im aolep armej, em̧ool jon̄an wōt eo ekōņaan.

10 Im ilo raan eo Adam eaar wūjtake Anij im kar aobrak, im kar jino bkanaan kōn aolep nukwin ko an laļ, im ba: En jeraam̧m̧an etan Anij, bwe kōnke bōd eo aō māj ko meja repeļļo̧k, im ilo mour in inaaj clan̄lōn̄, im bar juon alen ilo dkanniōk inaaj lo Anij.

11 Im aIv, lio pāleen, eaar ron̄ aolep men kein im eaar m̧ōņōņō, im ba: Eļan̄n̄e ar jab kōn bōd eo ad ejamin naaj kar wōr bineed, im jamin naaj kar jeļā em̧m̧an im nana, im lan̄lōn̄ kōn lo̧mo̧o̧ren eo ad, im mour indeeo eo me Anij ej leļo̧k n̄an aolep ro rej pokake.

12 Im Adam im Iv raar wūjtake etan Anij, im rekar akwaļo̧k aolep men kein n̄an m̧aan ro im kōrā ro nejier.

13 Im aSetan ar itok ilubwiljier, im ba: N̄aij barāinwōt juon nejin Anij; im eaar jiron̄ er, im ba: Jab tōmake e; im raar bjab tōmak e, im raar ciakwe Setan eļapļo̧k jān Anij. Im armej rekar jino jān iien en m̧aanļo̧k dm̧ōm̧ ilo kanniōk, juwaļōn̄ļōn̄, im rianōk devil.

14 Im Irooj Anij eaar kūr ioon armej raņ jān aJetōb Kwōjarjar ijoko jabdewōt im jiron̄ er bwe ren ukeļo̧k;

15 Im jon̄an wōt ro raar atōmak ilo Nejin, im kar ukeļo̧k jān jero̧wiwi ko aer, renaaj bmour; im jon̄an wōt ro raar jab tōmak im jab ukeļo̧k, renaaj cjako; im naan ko raar ilo̧k jān lo̧n̄iin Anij ilo juon kean̄ epen; kōn menin rej aikuj in kūrm̧ool.

16 Im Adam im Iv, lio pāleen, raar jab bōjrak jān kūr ioon Anij. Im Adam eaar jeļā Iv lio pāleen, im lio ar etta im keotake aKein, im ba: Iaar bōk juon em̧m̧aan jān Irooj; kōn menin e ej jab maron̄ joļo̧k naan ko An. A lo, Kein eaar jab eo̧ron̄e, im ba: Wōn in Irooj bwe in aikuj jeļā E?

17 Im lio eaar bar etta im keotake ļeo jatin aEbel. Im Ebel eaar beo̧ron̄ ainikien Irooj. Im Ebel eaar rilale sip, a Kein eaar rikatōk bwidej.

18 Im Kein eaar aiakwe Setan eļapļo̧k jān Anij. Im Setan eaar jiron̄ e, im ba: Kwōn bkōm̧m̧ane juon joortak n̄an Irooj.

19 Im ke ej eļļā iien ālikin men kein Kein ar bōktok jān leen bwidej juon joortak n̄an Irooj.

20 Im Ebel, eaar barāinwōt bōktok m̧aanje in mennin mour ko an, im matōk eo aer. Im Irooj ar kautiej Ebel, im ajoortak eo an;

21 A n̄an Kein, im n̄an ajoortak eo an, Eaar jab kautieje. Kiiō Setan eaar jeļā mennin, im eaar bun̄-būruōn kake. Im Kein eaar kanooj illu, im eaar bwilo̧k mejān.

22 Im Irooj eaar ba n̄an Kein: Etke kwōj illu? Etke ej bwilo̧k mejam̧?

23 Eļan̄n̄e kwōj kōm̧m̧an em̧m̧an, kwe naaj abōk eok. Im eļan̄n̄e kwōj jab kōm̧m̧an em̧m̧an, jero̧wiwi ej kōppao iturin kōjām eo, im Setan ekōņaan bōk eok; im ijello̧kun wōt n̄e kwo naaj eo̧ron̄ kien ko Aō, Inaaj kōtļo̧k ļo̧k eok, im enaaj n̄an kwe ekkar n̄an kōņaan ko an. Im kwo naaj irooj ioon;

24 Bwe jān iien im m̧aanļo̧k kwo naaj jemān riab ko an; im naaj ņa etam̧ aRimarok; bwe kwe kwaar bar barāinwōt m̧okta jān laļ.

25 Im naaj ba kake ilo iien ko rej itok—Mennin ajōjō kein rekar jebar jān Kein; bwe e eaar jab bōk kapilōk eo eļapļo̧k eo kar jān Anij; im en̄in ej lia eo me I naaj likūt ioom, ijello̧kun n̄e kwōj ukeļo̧k.

26 Im Kein eaar illu, im jab ron̄jake ļo̧k wōt ainikien Irooj, im jab ron̄jake Ebel, ļeo jatin, eo eaar etetal ilo kwōjarjar im̧aan Irooj.

27 Im Adam im lio pāleen raar būrom̧ōj im̧aan Irooj, kōnke Kein im ļōm̧aro jein im jatin.

28 Im ālikin men kein Kein ar bōk juon ian kōrā ro nejin ļōm̧aro jein im jatin n̄an pāleen, im rekar aiakwe Setan eļapļo̧k jān Anij.

29 Im Setan ar ba n̄an Kein: Kwōn kanejnej n̄an eō jān būruōm, im eļan̄n̄e kwōj ba kake kwo naaj mej; im kanejnej kōn ļōm̧aro jeiūm̧ im jatim kōn bōraer, im jān Anij emour, bwe reban ba kake; bwe eļan̄n̄e rej ba kake, renaaj lukkuun mej; im men in bwe jemam̧ en jab maron̄ jeļā kake; im rainin inaaj lewōj jatūm Ebel ilo peim.

30 Im Setan ar kanejnej n̄an Kein bwe enaaj kar kōm̧m̧an ekkar n̄an naan in jiron̄ ko an. Im aolep men kein rekar kōm̧m̧an ilo ittino.

31 Im Kein eaar ba: Em̧ool N̄aij Mahan, karo eo an ittino in eļap, bwe imaron̄ auror im bōk eļapļo̧k. Kōn menin Kein kar ņa etan Karo bMahan, im eaar kōmmejāje ilo an nana.

32 Im Kein eaar ilo̧k ilo meļaaj eo, im Kein eaar ekkōnono ippān Ebel, ļeo jatin. Im ālikin men kein ke erro kar pād ilo meļaaj eo, Kein ar jutak ņae Ebel, ļeo jatin, im eaar m̧an e.

33 Im Kein eaar akōmmejāje ilo men eo eaar kōm̧m̧ane, im ba: N̄a ianemkwōj; em̧ool bwijin in mennin mour ko an ļeo jatū rej wōtlo̧k tok ilo peiū.

34 Im Irooj eaar ba n̄an Kein: Ewi Ebel, ļeo jatūm? Im E ba: Ij jab jeļā. N̄a arikōjparok jatū ke?

35 Im Irooj eba: Ta eo kwaar kōm̧m̧ane? Ainikien bōtōktōkin ļeo jatūm ej kūr n̄an Eō jān bwidej.

36 Im kiiō kwo naaj lia jān laļ eo me ekar kōpeļļo̧k lo̧n̄iin n̄an bōk bōtōktōkin ļeo jatūm jān peim.

37 N̄e kwōj katōke laļ enaaj ban jebar n̄an eok kajoor eo an. Juon arikoto-kotak im ruwamāejet kwo naaj erom ilo laļ in.

38 Im Kein eaar ba n̄an Irooj: Setan ar akapo eō kōnke bwijin in mennin mour ko an ļeo jatū. Im iaar illu barāinwōt; bwe joortak eo an Kwaar bōk e im jab eo aō; aō kaje eļapļo̧k jān aō maron̄e.

39 Lo Kwaar kadiwōjļo̧k eō rainin jān im̧aan mejān Irooj, im jān im̧aan Mājam̧ inaaj tilekek; im inaaj juon rikoto-kotak im juon ruwamāejet ilo laļ; im naaj ālikin men kien, bwe eo ej lo eō enaaj m̧an eō, kōnke nana ko aō, bwe men kein rej jab ņojak jān Irooj.

40 Im N̄a Irooj Iaar ba n̄an e: Jabdewōt eo ej m̧ane eok, idenoņe naaj bōke ioon jiljilimjuon alen. Im N̄a Irooj Iaar likūt juon akakōļļe ioon Kein, n̄e jabdewōt ej lo e im m̧ane e.

41 Im Kein eaar m̧wijkōk jān aim̧aan mejān Irooj, im ippān lio pāleen im elōn̄ iaan ro jein im jatin raar jokwe ilo āneen Nod, turear in Iden.

42 Im Kein ar jeļā lio pāleen, im lio eaar etta im keotake Inok, im eaar barāinwōt keotak elōn̄ m̧aan ro im kōrā ro nejin. Im eaar kalōk juon jikin kwelo̧k, im eaar ņa etan ajikin kwelo̧k eo ej etņake ļeo nejin, Inok.

43 Im n̄an Inok ar ļotak Irad, im bar m̧aan ro im kōrā ro nejin jet. Im Irad eaar keotake Mihujael, im bar m̧aan ro im kōrā ro jet. Im Mihujael ar keotake Mitushael, im bar m̧aan im kōrā ro nejin jet. Im Mitushael eaar keotake Lemek.

44 Im Lemek eaar bōk n̄an e ruo pāleen kōrā; im etan eo juon ar Eda, im etan eo juon, Zilla.

45 Im Eda ar keotak Jabal; e eaar jemān ro rej jokwe ilo em̧ nuknuk, im rekar rilale kattle; im ļeo jatin etan ar Jubal, eo ekar jemān aolep ro rej jebjeb arp im paip.

46 Im Zilla, eaar barāinwōt keotak Tubal Kein, juon rikaki in ro rekapeel rijerbal otemjej in brass im māāl. Im kōrā eo jatin Tubal Kein kar etan Neema.

47 Im Lemek ar ba n̄an lim̧aro pāleen, Eda im Zilla: Kom̧in ron̄jake ainikiō, kom̧ kōrā pāleen Lemek, eo̧ron̄ kōnono in aō; bwe iaar m̧an juon armej eo ar kakinejnej eō, im juon em̧m̧aan em̧m̧an ded eo ar kōmetak eō.

48 Eļan̄n̄e naaj idenoņeik Kein jiljilimjuon alen, em̧ool Lemek enaaj ajiljilimjuonn̄oul im jiljilimjuon alen;

49 Bwe Lemek kōnke eaar deļo̧n̄ ilo juon abujen ippān Setan, ālikin jekjek eo an Kein, ijo im eaar erom Karo Mahan, karo in ittino eo eļap me kar leļo̧k n̄an Kein jān Setan; im Irad, ļeo nejin Inok, kōnke kar jeļā ittino ko aer, kar jino in kwaļo̧k e n̄an em̧m̧aan ro nejin Adam;

50 Kōn menin Lemek, kōnke eaar illu, eaar m̧an e, jaab āinwōt kar Kein, ļeo jein Ebel, n̄an wōt bōk eļapļo̧k, a eaar m̧an e kōn wōt kanejnej eo.

51 Bwe, jān raan ko an Kein, eaar wōr juon akanejnej ittino, im jerbal ko aer rekar ilo marok, im rekar jeļā armej otemjej ro me raar jeir im jatier.

52 Kōn menin Irooj eaar kaliaik Lemek, im m̧weo im̧ōn, im aolep ro rekar kōm̧m̧an bujen ippān Setan; bwe rekar jab kōjparok kien ko an Anij, im eaar jab kam̧ōņōņōik Anij, im Eaar jab jipan̄ er, im jerbal ko aer rekar mennin jōjō, im kar jino ajeeded ilubwiljin aolep am̧aan ro nejin armej raņ. Im e ekar ilubwiljin m̧aan ro nejin armej raņ.

53 Im ilubwiljin kōrā ro nejin armej raņ men kein kar jab kōnono kaki, kōnke Lemek ekar kōnono mennin ittino in n̄an kōrā ro pāleen, im rekar jum̧ae e, im kar kabun̄bun̄ļo̧k men kein ijoko rettoļo̧k, im kar jab wōr aer jouj;

54 Kōn menin Lemek rekar dike, im kadiwōjļo̧k e, im eaar jab itok ilubwiljin m̧aan ro nejin armej raņ, n̄e eab mej.

55 Im āindein jerbal ko an amarok rekar jino kajoorļo̧k ilubwiljin aolep m̧aan ro nejin armej raņ.

56 Im Anij eaar kaliaik laļ kōn juon lia ekōmetak, im Eaar illu ippān ro renana, ippān aolep m̧aan ro nejin armej raņ ro Eaar kōm̧anm̧an er;

57 Bwe reban kar eo̧ron̄ Ainikien, im jab tōmake aNejin Eaar Make Keotake, em̧ool E eo Eaar kabun̄bun̄ļo̧k En kar itok ilo ioļapļap in iien, eo kar kōpooje m̧oktaļo̧k jān foundasōn eo an laļ.

58 Im āindein aGospel eo kar jino in kwaļo̧k naan kake, jān jinoin, im kar kabun̄bun̄ļo̧k jān benjeļ ekwōjarjar ro kar jilkinm̧aanļo̧k jān im̧aan mejān Anij, im jān Ainikien make, im jān mennin cletok eo an Jetōb Kwōjarjar.

59 Im āindein aolep men ko otemjeļo̧k kar kapeni n̄an Adam, jān juon kain̄i ekwōjarjar, im Gospel eo kar kwaļo̧k naan kake, im kean̄ eo kar jilkinm̧aanļo̧k, bwe en pād ilo laļ in, m̧ae jem̧ļo̧k in; im ekar āindein. Amen.