Tusitusiga Paia
Mose 5


Mataupu 5

(Iuni–Oketopa 1830)

Ua fanauina e Atamu ma Eva o fanau—Ua osi e Atamu taulaga ma auauna atu i le Atua—Ua fananau mai Kaino ma Apelu—Ua fouvale Kaino, ua sili lona alofa ia Satani nai lo le Atua, ma ua avea ma Malaia—Ua salalau le fasioti tagata ma le amioleaga—Ua talai atu le talalelei mai le amataga.

1 Ma sa oo ina ua mavae ona tutuli ese o i laua e A’u, o le Alii le Atua, sa amata ona galueaiina e Atamu le eleele, ma apule i manu vaefa uma o le fanua, ma ’ai ana meaai ma le afu o lona muaulu, e pei ona poloaiina ai o ia e A’u o le Alii. Ma sa galue foi Eva, lana ava, faatasi ma ia.

2 Ma sa iloa e Atamu lana ava, ma sa afanau e ia ia te ia o atalii ma eafafine, ma sa amata ona latou ifanafanau ma uluuluola i le lalolagi.

3 Ma e mai lena taimi ma agai atu i le lumanai, sa amata ona vaevae taitoalua o atalii ma aafafine o Atamu i le laueleele, ma e galueaiina le laueleele, ma tausi lafu manu, ma sa latou fananauina foi atalii ma afafine.

4 Ma o Atamu ma Eva, lana ava, sa valaau atu i le suafa o le Alii, ma sa laua faalogoina le siufofoga o le Alii mai le ala agai i le Faatoaga o aEtena, ua fetalai mai ia i laua, ae sa laua lē vaai atu ia te ia; aua sa punitia i laua mai ona eluma.

5 Ma sa tuu mai e ia ia i laua poloaiga, ia la atapuai atu i le Alii lo laua Atua, ma ofoina atu euluai manu o a laua lafu, mo se taulaga i le Alii. Ma sa iusiusitai Atamu i poloaiga a le Alii.

6 Ma ina ua mavae aso e tele, sa oo mai se aagelu a le Alii ia Atamu, ua fetalai mai: Aisea ua e osi atu ai etaulaga i le Alii? Ma sa fai atu Atamu ia te ia: Ou te lē iloa, ae na poloaiina ai a’u e le Alii.

7 Ma ona fetalai mai lea o le agelu, e faapea mai: O lenei mea o se afaatusa lea o le etaulaga a le Toatasi na Fanaua e le Tamā, o lē ua tumu i le ialofa tunoa ma le upumoni.

8 O le mea lea, ia e faia mea uma e te faia i le asuafa o le Alo, ma ia e esalamo ma ivalaau atu i le Atua i le suafa o le Alo e faavavau.

9 Ma i lena aso na afio ifo ai le aAgaga Paia i luga o Atamu, o lē e molimau i le Tamā ma le Alo, ua fetalai mai: O A’u o le eToatasi na Fanaua e le Tamā mai le amataga, mai le taimi nei ma le agai i luma ma le faavavau, aua talu ai ona ua e ipa’ū ia mafai ona olaveaiina oe, ma tagata uma, le toatele lava e mananao i ai.

10 Ma i lena aso na viia ai e Atamu le Atua ma sa afaatumuina, ma sa amata ona evavalo e uiga i aiga uma o le lalolagi, ua fai mai: Ia viia lava le suafa o le Atua, aua ona o la’u solitulafono ua pupula ai o’u mata, ma o le a ou maua i le olaga lenei le iolioli, ma o le a ou toe vaai i le Atua i le otino.

11 Ma o aEva, lana ava, sa faalogo atu i nei mea uma ma sa fiafia, ua fai mai: Ana lē seanoa la ta solitulafono po ua lē maua e i taua ni efanau, ma po ua lē mafai ona ta iloa le lelei ma le leaga, ma le olioli o le togiolaina o i ta’ua, ma le ola e faavavau ua tuu mai e le Atua ia i latou uma o e e usiusitai.

12 Ma sa viia e Atamu ma Eva le suafa o le Atua, ma sa la afaailoa atu mea uma i o laua atalii ma afafine.

13 Ona sau ai lea o aSatani i totonu o i latou, ua fai mai: O a’u foi o se atalii o le Atua; ma sa ia faatonu mai ia te i latou, ua fai mai: Aua tou te talitonu i ia mea; ma sa latou lē etalitonu i ai, ma sa sili atu lo latou ialolofa ia Satani nai lo le Atua. Ma e sa amata mai i lena taimi ma agai atu i le lumanai ona ofaaletino, faalelagona, ma faatiapolo tagata.

14 Ma sa valaau atu le Alii le Atua i tagata uma i soo se mea e ala i le aAgaga Paia ma poloaiina i latou e ao ina latou salamo;

15 Ma o le toatele sa atalitonu i le Alo, ma salamo i a latou agasala, o le a efaaolaina; ma o le toatele sa lē talitonu ma lē salamo, o le a itausalaina; ma sa tulei atu afioga mai le fofoga o le Atua i se poloaiga mau; o le mea lea, o le a faataunuuina lava i latou.

16 Ma o Atamu ma Eva, lana ava, sa lē tu’ua le valaau atu i le Atua. Ma sa iloa e Atamu lana ava o Eva, ma sa to o ia ma fanauina aKaino, ma sa fai mai: Ua ou maua se tama tane mai le Alii; o le mea lea o le a lē mafai ai e ia ona teena ana afioga. Ae faauta, sa lē faalogo Kaino, ua fai mai: O ai le Alii e tatau ai ona ou iloa o ia?

17 Ma sa toe to Eva ma fanauina lona uso o aApelu. Ma sa efaalogo Apelu i le siufofoga o le Alii. Ma o Apelu sa leoleo mamoe, ae o Kaino sa galueaiina le fanua.

18 Ma sa sili atu le aalofa o Kaino ia Satani nai lo le Atua. Ma sa faatonu o ia e Satani, ua fai atu: eFai se taulaga i le Alii.

19 Ma i le gasologa o taimi, sa oo ina aumai e Kaino mai fua o le eleele se taulaga i le Alii.

20 Ma o Apelu, sa aumai foi e ia mai ulua’i manu o lana lafu, ma le ga’o o i ai. Ma sa aloaia e le Alii Apelu, ma lana ataulaga;

21 Ae o Kaino, ma lana ataulaga, sa lē aloaia e le Alii. O lenei sa iloa e Satani lenei mea, ma sa fiafia i ai o ia. Ma sa ita tele Kaino, ma sa faa’ū’ū o ia.

22 Ma sa fetalai mai le Alii ia Kaino: Aisea ua e ita ai? Aisea ua e faa’ū’ū ai?

23 Afai e te faia mea lelei, e atalia oe. Ma afai e te lē faia mea lelei, ua taoto mai le agasala i le faitotoa, ma ua manao Satani ia maua oe; ma vagana ua e faalogo mai i a’u poloaiga, o le a Ou tuu atu oe, ma o le a faia ia te oe e tusa ma lona manao. Ma o le a e pule ia te ia;

24 Aua e mai le taimi nei i luma o le a avea oe ma tamā o ana pepelo; o le a ta’ua oe o le aMalaia; aua sa e faapea foi ae le’i i ai le lalolagi.

25 Ma o le a faapea ane i taimi e oo mai—E faapea o nei amea inosia na mai ia Kaino; ona sa teena e ia le fautuaga sili na mai le Atua; ma o se fetuu lenei o le a Ou tuu i luga o oe, vagana ai ua e salamo.

26 Ma sa ita Kaino, ma sa lē toe faalogo i le siufofoga o le Alii, po o Apelu, lona uso, o lē na savali i le paia i luma o le Alii.

27 Ma sa faanoanoa Atamu ma lana ava i luma o le Alii, ona o Kaino ma ona uso.

28 Ma sa oo ina ave e Kaino se tasi o afafine o ona uso ma ana ava, ma sa sili atu lo laua aalolofa ia Satani nai lo le Atua.

29 Ma sa fai atu Satani ia Kaino: Tauto mai ia te a’u i lou fa’aī, ma afai e te ta’ua o le a e oti; ma ia faatauto ou uso i o latou ulu, ma i le Atua soifua, ia latou le ta’ua; ona afai latou te ta’ua, o le a latou feoti lava; ma o lenei ina ia lē iloa e lou tamā; ma o le aso nei o le a ou tuu atu ai lou uso o Apelu i ou lima.

30 Ma sa tauto Satani ia Kaino o le a faia e ia e tusa ma ana poloaiga. Ma o nei mea uma sa faia faalilolilo.

31 Ma sa fai mai Kaino: E moni lava o a’u o Mahana, o le pule o lenei mealilo tele, ina ia mafai ona ou afasioti ma maua mea. O le mea lea na ta’ua ai Kaino o eMahana Pule, ma sa mitamita o ia i lana amioleaga.

32 Ma sa alu atu Kaino i le fanua, ma sa talanoa Kaino ma Apelu, lona uso. Ma sa oo a’o i ai i laua i le fanua, sa tulai atu Kaino e faasaga ia Apelu, lona uso, ma fasioti ia te ia.

33 Ma sa amitamita Kaino i le mea ua ia faia, ua fai mai: Ua ou saoloto; e moni lava o lafu a lo’u uso ua i o’u lima.

34 Ma sa fetalai mai le Alii ia Kaino: O fea Apelu, lou uso? Ma sa fai atu o ia: Ou te lē iloa. O a’u ea o se aleoleo o lo’u uso?

35 Ma sa fetalai mai le Alii: O le a le mea ua e faia? Ua tagi mai ia te a’u le leo o le toto o lou uso mai le eleele.

36 Ma o lenei o le a fetuuina oe mai le eleele ua faamaga mai lona gutu e tali le toto o lou uso mai lou lima.

37 A e galueaiina le eleele o le a lē tuu mai e ia ia te oe lona malosi mai le taimi nei ma le agai i luma. O le a avea oe o se atagata solasola ma maumausolo i le lalolagi.

38 Ma sa fai atu Kaino i le Alii: Sa afaaosoosoina a’u e Satani ona o lafu a lo’u uso. Ma sa ou ita foi; ona sa e talia lana taulaga ae lē o la’u; ua tele atu lo’u faasalaga nai lo le mea ou te lavatia.

39 Faauta ua e tuli ese a’u i le aso nei mai luma o fofoga o le Alii, ma o le a natia a’u mai i ou fofoga; ma o le a avea a’u ma tagata solasola ma maumausolo i le lalolagi; ma o le a oo mai foi o ia o lē e mauaina a’u o le a fasioti ia te a’u, ona o a’u amioletonu, ona o ia mea ua lē natia mai le Alii.

40 Ma o A’u o le Alii na fai atu ia te ia: Ai se e faaoo le oti ia te oe, o le a faafitu ona tauimasui ia te ia. Ma o A’u o le Alii sa tuuina se afaailoga i luga o Kaino, ne’i faaoo le oti ia te ia e se e maua o ia.

41 Ma sa tapunia ese Kaino mai aluma o le Alii, ma sa mau faatasi ma lana ava ma le toatele o ona uso i le laueleele o Nota, i le itu i sasa’e o Etena.

42 Ma sa iloa e Kaino lana ava, ma sa to o ia ma fanauina Enoka, ma sa fanauina foi e ia atalii ma afafine e toatele. Ma sa fausia e ia se aai, ma sa ta’u e ia le igoa o le aaai i le igoa o lona atalii, o Enoka.

43 Ma sa fanauina Irata ia Enoka, ma isi atalii ma afafine. Ma sa fanaua e Irata Mekuala, ma isi atalii ma afafine. Ma sa fanaua Metusaeli e Mekuala, ma isi atalii ma afafine. Ma sa fanaua e Metusaeli o Lameko.

44 Ma sa ave e Lameko ia te ia ni ava e toalua; o le igoa o le tasi o Ata, ma o le igoa o le isi, o Sela.

45 Ma sa fanaua Iapalu e Ata; o ia o le tamā o e e mau i faleie, ma sa avea i latou ma tagata tausi lafu manu; ma o le igoa o lona uso o Iupalu, o lē o le tamā o i latou uma o e ta kitara ma okeni.

46 Ma o Sela, sa fanauina foi e ia Tupalu Kaino, o se tufuga o mea uma e fai i apamemea ma le u’amea. Ma o le tuafafine o Tupalu Kaino o Naama.

47 Ma sa fai atu Lameko i ana ava, o Ata ma Sela: Faalogo mai i lo’u leo, oulua ava a Lameko, faalogo mai i la’u tautala atu; ona ua ou fasiotia se tagata i lo’u manu’a, ma o se taule’ale’a i lo’u tiga.

48 Afai e faafitu ona tauimasui o Kaino, e moni o Lameko o le a afaafitugafulu ma le fitu;

49 Ona sa ulu atu Lameko i se afeagaiga ma Satani, e pei ona faia e Kaino, lea na avea ai o ia ma Mahana Pule, o le pule o lena mealilo tele na tuuina mai e Satani ia Kaino; ma o Irata, le atalii o Enoka, ina ua iloa e ia la latou mealilo, sa amata ona faaali atu e ia i atalii o Atamu;

50 O le mea lea, ona o le ita, na fasioti ai e Lameko o ia, e lē pei ona faia e Kaino, i lona uso o Apelu, ina ia maua ai mea; ae sa fasiotia Irata e Lameko ona o le tautoga.

51 Ona, mai i aso o Kaino, sa i ai se apulega faalilolilo, ma o a latou galuega sa faia i le pouliuli, ma sa latou iloa tagata taitoatasi o o latou uso.

52 O le mea lea na fetuu ai Lameko e le Alii, ma lona aiga, ma i latou uma o e na osifeagaiga ma Satani; ona sa latou lē tausia poloaiga a le Atua, ma sa lē fiafia ai le Atua, ma sa lē auauna mai o ia ia te i latou, ma o a latou galuega sa o ni mea inosia ia, ma sa amata ona salalau atu i totonu o aatalii uma o tagata. Ma sa i ai ia mea i totonu o atalii o tagata.

53 Ma o ia mea sa lē tautalagia i totonu o afafine o tagata, ona sa ta’u e Lameko le mealilo i ana ava, ma sa la’ua fouvale e faasaga ia te ia, ma sa ta’u atu ia mea faalauaitele, ma sa lē i ai le agaalofa;

54 O le mea lea na inosia ai Lameko, ma tuli ese i fafo, ma lē sau ai i totonu o atalii o tagata, ne’i oti o ia.

55 Ma sa faapea ona amata ona salalau galuega o le apouliuli i totonu o atalii uma o tagata.

56 Ma sa fetuu e le Atua le lalolagi i se fetuu tiga, ma sa toatama’i i e amioleaga, atoa ma atalii uma o tagata o e na faia e ia;

57 Aua sa latou lē faalogo i lona siufofoga, pe talitonu i lona aAtalii Pele e Toatasi, o ia lava na ia folafola mai o le a afio mai i le vaeluaga o taimi, o lē na saunia a o le i faavaeina le lalolagi.

58 Ma sa faapea ona amata ona talai atu o le aTalalelei, mai le amataga, ua folafola atu e eagelu paia ua auina atu mai luma o le Atua, ma i lona lava siufofoga, ma i le imeaalofa o le Agaga Paia.

59 Ma sa faapea ona faamautuina o mea uma ia Atamu, i se sauniga paia, ma talai atu ai le Talalelei, ma auina atu se poloaiga, e tatau ona i ai i le lalolagi, seia oo i lona iuga; ma sa faapea lava. Amene.