1 Mo ^aAdam i bin mekem folem voes blong God, mo i bin askem ol boe blong hem blong oli sakem sin.

2 Mo Adam i bin go wetem waef blong hem bakegen, mo waef blong hem i bonem wan boe, mo Adam i bin singaotem nem blong hem, ^aSet. Mo Adam i bin givim glori long nem blong God; hem i talem: “God i givim wan nara sid long mi, we i tekem ples blong Ebel, we Ken i bin kilim hem i ded.”

3 Mo God i bin soemaot hemwan long Set, mo hem i no bin go agens, be i bin givim wan ^asakrifaes we bae Lod i akseptem, semmak long hemia blong brata blong hem, Ebel. Mo hem tu, hem i bin gat wan boe, mo hem i putum nem blong hem se, Inos.

4 Mo nao, ol man ia oli stat blong ^aprea long nem blong Lod, mo Lod i bin blesem olgeta;

5 Mo oli bin raetem wan ^abuk blong histri, mo insaed long hem, oli bin raet long lanwis blong Adam, from se God i bin givim raet long plante long olgeta we hem i bin singaotem blong oli raetem samting tru long spirit blong ^binsperesen;

6 Mo tru long olgeta man ia, oli bin tijim ol pikinini blong olgeta blong rid mo raet; oli bin gat wan lanwis we i klin evriwan mo i no gat samting i spolem.

7 Nao, semfala ^aPrishud ia, we i bin stap stat long stat, bae i stap tu long en blong wol.

8 Nao, Adam i talem profesi ia, taem ^aTabu Spirit i bin pusum hem blong talem, mo oli bin raetem ^bfamli laen blong ol ^dpikinini blong God. Mo hemia i bin ^ebuk blong ol jeneresen blong Adam, we i stap talem: Long taem we God i bin krietem man, hem i bin mekem man i semmak long hem;

9 Semmak olsem ^abodi blong hemwan, God i bin krietem ^btufala, man mo woman; mo hem i bin blesem tufala, mo i bin putum ^dnem blong tufala se, Adam, long taem ia we hem i bin krietem tufala mo tufala i kam ol ^esol we oli bin laef long graon ia we i stap antap long ^fples we God i stap putum leg blong hem antap long hem.

10 Mo ^aAdam i bin laef wan handred mo teti yia, mo i bin gat wan boe we i semmak olsem hem, i semmak long ^bpikja blong hem, mo i singaotem hem, Set.

11 Mo ol dei blong Adam, afta we hem i gat boe blong hem, Set, i eit handred yia, mo hem i bin gat plante boe mo gel;

12 Mo namba blong evri dei we Adam i bin laef long hem i naen handred mo teti yia, mo afta, hem i bin ded.

13 Set i bin laef wan handred mo faef yia, mo hem i bin gat Inos, mo hem i bin talem profesi long evri dei blong laef blong hem, mo hem i bin tijim boe blong hem, Inos, long ol wei blong God; taswe, Inos tu i bin talem ol profesi.

14 Mo Set i bin laef, afta we hem i bin gat Inos, blong eit handred mo seven yia, mo hem i bin gat plante boe mo gel.

15 Mo ol pikinini blong ol man oli bin fulap long fes blong graon. Mo long tetaem ia, Setan i bin ^arul bigwan long medel blong ol man, mo i bin strong insaed long hat blong olgeta; mo stat long taem ia i go, i bin gat ol wo mo blad we i bin ron; mo han blong man i bin stap go agensem stret brata blong hem, mo kilimded hem, from ol ^bsikret wok, mo fasin blong lukaotem paoa.

16 Namba blong evri dei blong Set, i naen handred mo twelef yia, mo afta, hem i bin ded.

17 Mo Inos i bin laef naenti yia, mo hem i bin gat ^aKenan. Mo Inos mo namba blong ol pipol blong God we i bin stap, i bin kamaot long kantri ia, we oli bin singaotem Sulon, mo oli bin go stap long graon blong promes, we hem i bin singaotem folem nem blong boe blong hem, we hem i bin singaotem Kenan.

18 Mo Inos i bin laef, afta we hem i bin gat Kenan, kasem eit handred mo fiftin yia, mo hem i bin gat plante boe mo gel. Mo namba blong evri dei blong Inos i bin naen handred mo faef yia, mo afta, hem i bin ded.

19 Mo Kenan i bin laef seventi yia, mo hem i bin gat Mahalalel; mo Kenan i bin laef afta we hem i bin gat Mahalalel, blong eit handred mo foti yia, mo hem i bin gat ol boe mo ol gel. Mo namba blong evri dei blong Kenan, i bin naen handred mo ten yia, mo afta, hem i bin ded.

20 Mo Mahalalel i bin laef blong sikstifaef yia, mo hem i bin gat Jared; mo afta we hem i bin gat Jared, Mahalalel i bin laef eit handred mo teti yia, mo hem i bin gat ol boe mo ol gel. Mo namba blong evri dei blong Mahalalel i bin eit handred mo naentifaef yia, mo afta, hem i bin ded.

21 Mo Jared i bin laef wan handred mo sikstitu yia, mo hem i bin gat ^aInok; mo afta we hem i bin gat Inok, Jared i bin laef eit handred yia, mo hem i bin gat plante boe mo gel. Mo Jared i bin tijim Inok long saed blong evri wei blong God.

22 Mo hemia i famli laen blong ol boe blong Adam, we i bin ^apikinini blong God, we God hemwan, i bin toktok wetem hem.

23 Mo oli bin ol ^aman we oli stap prijim stret mo gud fasin, mo oli bin toktok mo ^bprofesae, mo i bin singaotem evri man, long evri ples, blong oli ^dsakem sin; mo oli bin tijim ol pikinini blong ol man blong gat ^efet.

24 Mo i bin hapen se namba blong evri dei blong Jared i bin naen handred mo sikstitu yia, mo afta, hem i bin ded.

25 Mo Inok i bin laef sikstifaef yia, mo hem i bin gat ^aMetusela.

26 Mo i bin hapen se Inok i bin go raon long kantri, long medel blong ol pipol; mo taem hem i bin raon, Spirit blong God i bin kam daon aot long heven, mo i bin stap wetem hem.

27 Mo hem i bin harem wan voes we i kam long heven, we i stap talem: Inok, boe blong mi, profesae long ol pipol ia, mo talem long olgeta—Yufala i sakem sin, from olsem ia nao Lod i talem: “Mi ^akros bigwan wetem ol pipol ia, mo strongfala kros blong mi i girap agensem olgeta from hat blong olgeta i kam strong tumas, mo ^bsora blong olgeta i nomo save harem samting, mo ae blong olgeta oli ^dnomo save luk longwe;

28 Mo blong plante jeneresen i go, stat long dei we mi bin krietem olgeta, oli bin ^ago lus, mo oli tanem baksaed blong olgeta long mi, mo oli lukluk long ol kaonsel blong olgetawan nomo long sikret; mo long rabis fasin blong olgeta, oli bin mekem plan blong kilimded man, mo oli no bin obei long olgeta komanmen we mi bin givim long papa blong olgeta, Adam.

29 Taswe, oli bin mekem giaman promes long olgetawan bakegen, mo, tru long ^astrong promes ia blong olgeta, oli bin karem ded i kam long olgetawan; mo mi rere long wan ^bhel blong olgeta, sapos oli no sakem sin;

30 Mo hemia wan toktok we mi talem wetem atoriti we mi bin sendem i go long stat blong wol ia, mo i kamaot long maot blong mi, stat long fandesen blong wol, mo tru long maot blong ol wokman blong mi, ol papa blong mi, mi bin talemaot wetem atoriti, olsem we bae i go aot long wol kasem ol en blong hem.”

31 Mo taem Inok i bin talem ol toktok ia, hem i bodaon long wol, long fored blong Lod, mo i bin toktok long fored blong Lod, i talem se: “Olsem wanem nao yu glad blong mi save stanap long fes blong yu, from mi mi wan yang boe nomo, mo evri pipol oli no laekem mi nating from mi ^ano save toktok gud; taswe, ?from wanem nao mi wokman blong yu?”

32 Mo Lod i bin talem long Inok: “Yu go mo mekem olsem we mi givim oda long yu blong mekem, mo bae i no gat man i stikim yu. Openem ^amaot blong yu, mo toktok bae i fulap long hem, mo bae mi givim long yu paoa blong toktok, from we evri man i stap long han blong mi, mo bae mi mekem olsem we mi luk se i gud.

33 Talem long ol pipol ia: ‘Yufala i ^ajusum tedei, blong wok blong Lod God, we i bin mekem yufala.’

34 Luk, Spirit blong mi i stap long yu, taswe, evri toktok blong yu, bae mi talem se i tru; mo ol ^abigfala hil bae oli ronwe long fored blong yu, mo ol ^breva bae oli jenisim rod blong olgeta; mo bae yu stap wetem mi, mo bae mi stap wetem yu; from hemia, yu ^dwokbaot wetem mi.”

35 Mo Lod i bin toktok long Inok, mo i bin talem long hem: “Rabem ae blong yu wetem graon, mo afta, wasem olgeta, mo bambae yu luk. Mo hem i bin mekem.”

36 Mo hem i bin luk ol ^aspirit we God i bin krietem; mo hem i bin luk tu ol samting we ae ^bblong bodi blong man i no save luk; mo stat long tetaem ia i go, toktok ia i bin kamaot olbaot long kantri se: “Lod i mekem wan ^dsia i girap blong ol pipol blong hem.”

37 Mo i bin hapen se Inok i bin go long kantri, long medel blong ol pipol, i bin stap stanap antap long ol hil mo ol hae ples, mo i bin stap krae long wan voes we i laod, i bin stap testifae agensem ol wok blong olgeta; mo evri man i bin ^aharem nogud from ol toktok we hem i bin talem.

38 Mo oli bin kam antap long ol hae ples blong harem hem, we i stap talem long ol man we oli lukaot long ol tenet se: “Yufala i stastap long ples ia, mo yufala i mas lukaot long ol tenet, be mifala, bae mifala i go longwe blong luk sia, from se hem i stap talem profesi, mo i gat wan defren kaen samting i stap long kantri; wan wael man i kam stap long medel blong yumi.”

39 Mo i bin hapen se taem oli harem hem, i no gat man i putum han blong hem antap long man ia; from se fraet i kam long olgeta evriwan we oli bin harem hem; from se hem i stap wokbaot wetem God.

40 Mo wan narafala man, we nem blong hem i Mahija, i kam long man ia mo i talem long hem se: “Talem stret long mifala se ?huia yu, mo yu yu kam long weaples?”

41 Mo man ia i talem long olgeta se: “Mi kam long kantri blong Kenan, graon blong ol papa blong mi, wan graon blong stret mo gud fasin kam kasem tedei. Mo papa blong mi i bin tijim mi long evri wei blong God.

42 Mo i bin hapen se taem mi bin stap aot long kantri blong Kenan, tru long solwota long Is, mi bin luk wan visen; mo luk gud, mi luk ol heven, mo Lod i bin toktok long mi, mo i bin givim wan oda long mi; taswe, from stamba tingting ia blong obei long komanmen, nao mi talem ol toktok ia.”

43 Mo Inok i bin gohed long toktok blong hem, i stap talem: “Lod we i bin toktok long mi, hem i semfala God ia blong heven, mo hem i God blong mi, mo God blong yufala, mo yufala i ol brata blong mi; mo ?from wanem yufala i stap lukluk long ol ^atingting blong yufalawan nomo, mo yufala i tanem baksaed long God blong heven?”

44 Hem i bin mekem ol heven; ^awol ia i ^bples we hem i putum leg blong hem antap long hem; mo fandesen blong wol ia, i blong hem. Luk, hem i putum wol ia i stap, mo hem i tekem wan grup blong ol man i kam long wol ia.

45 Mo ded i bin kam long ol papa blong mifala; be, mifala i save olgeta, mo mifala i no save talem se hemia i no tru, mo faswan long olgeta evriwan, mifala i save, we hem i Adam.

46 From se wan buk blong ^ahistri, mifala i bin raetem, folem paten we fingga blong God i bin givim; mo i stap long stret lanwis blong mifala.

47 Mo taem Inok i bin talem ol toktok blong God, ol pipol oli bin seksek, mo oli no bin save stap long ples we Inok i stap long hem.

48 Mo hem i bin talem long olgeta: “From se Adam i bin ^afoldaon, nao yumi stap; mo tru long foldaon blong hem, ^bded i kam; nao yumi tu, yumi fesem bigfala harem nogud mo trabol.”

49 Luk, Setan i bin kam long medel blong ol pikinini blong man, mo i bin ^atemtem olgeta blong oli wosipim hem; mo ol man oli kam ^bman blong folem fasin blong wol, oli gat ^drabis tingting, mo oli mekem samting olsem devel, mo God i ^esakemaot olgeta long fes blong olgeta.

50 Be God i bin mekem ol papa blong mifala oli save se evri man oli mas sakem sin.

51 Mo hem i bin singaotem papa blong mifala, Adam, long voes blong hem, i talem se: “Mi mi God; mi bin mekem wol, mo ol ^aman ^bbifo oli kam blong gat wan bodi blong mit mo bun.”

52 Mo God i bin talem tu long hem se: “Sapos yu tanem yu long mi, mo lisin gud long voes blong mi, mo biliv, mo sakem sin from evri fasin blong brekem loa, mo ^akasem baptaes, insaed long wota, long nem blong Wan Stret Pikinini Ia Nomo blong mi, we i fulap long ^bgladhat mo trutok, we hem i ^dJisas Kraes, ^enem ia nomo we bae i kamaot andanit long heven, we tru long hem ^ffasin blong sevem man bae i kam long ol pikinini blong ol man, nao bae yu kasem presen we i Tabu Spirit, mo askem evri samting long nem blong hem, mo wanem samting we bae yu askem, bae hem i givim long yu.”

53 Mo papa blong mifala, Adam, i bin toktok long Lod, mo i bin talem: ?From wanem nao man i mas sakem sin mo kasem baptaes insaed long wota? Mo Lod i bin talem long Adam: “Luk, mi bin ^afogivim yu long ol fasin we yu bin brekem loa insaed long Garen blong Iden.”

54 Stat long tetaem ia i go, toktok ia i bin go long medel blong ol pipol, ^ase Pikinini blong God i bin ^bpem praes from fasfala rong, mo tru long hemia, ol sin blong ol papa mo mama i no save stap antap long hed blong ol ^dpikinini blong olgeta, from se oli fri long sin stat long stat blong wol.

55 Mo Lod i bin toktok long Adam, i talem se: From se ol pikinini blong yu oli bon long sin blong wol, nao, taem oli stat blong groap, ^asin i bon insaed long hat blong olgeta, mo oli testem samting we i ^bkonkon blong mekem se oli save glad long wanem we i gud.

56 Mo God i givim long olgeta blong save wanem samting i gud mo wanem samting i nogud; taswe, oli fri blong ^amekem samting blong olgetawan nomo, mo mi bin givim wan narafala loa mo komanmen long yu.

57 Taswe, yu mas tijim samting ia long ol pikinini blong yu; se evri man, long evri ples, oli mas ^asakem sin, sapos no, i no gat wei we bae oli save kasem kingdom blong God, from se i no gat samting ^bwe i no klin we i save stap long ples ia, o ^dstap long ples we God i stap long hem; from we, long lanwis blong Adam, ^eMan blong Tabu Fasin, hemia nem blong hem, mo nem blong Wan Stret Pikinini ia nomo blong hem i ^fPikinini blong Man, we i Jisas Kraes, wan ^gJaj we i stret mo gud, we bae i kam long medel blong taem.

58 From hemia, mi givim wan komanmen long yu, blong yu tijim olgeta samting long ol ^apikinini blong yu, mo yu no holemtaet wan samting, mo bae yu stap talem:

59 Se, from fasin blong brekem loa, nao foldaon i kam; mo foldaon ia i mekem ded i kam; mo from se oli bon oli kam long wol ia tru long wota, mo blad, mo ^aspirit, we mi mi mekem, mo olsem ia nao, aot long ^bdas, wan sol i kam laef, nao long semfala wei, yufala i mas ^dbon bakegen insaed long kingdom blong heven, tru long ^ewota, mo Spirit, blong kam klin tru long blad, we i blad blong Wan Stret Pikinini Ia Nomo blong mi; blong yufala i kam tabu mo fri long evri sin, mo blong yufala i ^fstap glad long ol ^gtoktok blong laef we i no save finis long wol ia, mo stap glad long laef we i no save finis long wol we i stap kam, we i ^hglori ia we man i no save ded.

60 From we, tru long ^awota, yufala i obei long komanmen; tru long Spirit, yufala i ^bkam blong no gat rong, mo tru long ^dblad, yufala i kam blong kam ^etabu;

61 From hemia, mi givim blong i stap wetem yufala; rekod blong heven; ^aSpirit blong Givhan; ol trutok blong glori ia we man i no save ded, we bae oli givim pis; trutok long saed blong evri samting; samting ia we i givim laef long evri samting, we i mekem evri samting i laef; samting ia we i save evri samting, mo i gat evri paoa folem waes tingting, sore, trutok, jastis, mo jajmen.

62 Mo nao, luk, mi talem long yu: “Hemia nao ^aplan blong fasin blong sevem man we i blong evri man, tru long blad blong ^bWan Stret Pikinini Ia Nomo blong mi, we bambae i kam long medel blong taem.”

63 Mo luk, evri samting i ripresentem wan samting, mo evri samting, mi bin krietem mo oli stap blong ^atestifae abaot mi, tugeta, ol samting we oli blong laef ia, mo ol samting we oli blong spirit; ol samting we oli stap long heven antap, mo ol samting we oli stap antap long graon, mo ol samting we oli stap insaed long graon, mo ol samting we oli stap andanit long graon, tugeta antap mo andanit: evri samting oli stap testifae abaot mi.

64 Mo i bin hapen se, taem Lod i bin toktok finis wetem Adam, papa blong yumi, nao Adam i bin krae long Lod, mo ^aSpirit blong Lod i tekemaot hem, mo i tekem hem i go insaed long wota, mo i stap andanit long ^bwota, mo i tekem hem i kamaot long wota.

65 Mo olsem ia nao hem i bin kasem baptaes, mo Spirit blong God i kamdaon long hem, mo olsem ia nao hem i ^abon long saed blong Spirit, mo man we i stap ^binsaed long hem i kam laef.

66 Mo hem i bin harem wan voes we i kamaot long heven we i stap talem se: “Yu yu kasem ^abaptaes wetem faea, mo wetem Tabu Spirit. Hemia ^bwitnes blong Papa, mo blong Pikinini, stat long taem naoia i go mo blong oltaem;

67 Mo yu yu blong ^aoda ia blong hem we i bin stap we hem i no gat stat blong ol dei mo en blong ol yia, stat long ful taem we i no save finis i go kasem ful taem we i no save finis.

68 Luk, yu yu ^awan wetem mi, wan pikinini blong God; mo olsem ia nao evriwan i save kam ol ^bboe blong mi. Amen.”