Seminelí mo e ʻInisititiutí
Ko e Kaveinga Ngāue ʻo e Seminelí mo e ʻInisititiuti Fakalotú


“Ko e Kaveinga Ngāue ʻo e Seminelí mo e ʻInisititiuti Fakalotú,” Ko e Kaveinga Ngāue ʻo e Seminelí mo e ʻInisititiuti Fakalotú (2022)

“Ko e Kaveinga Ngāue ʻo e Seminelí mo e ʻInisititiuti Fakalotú,” Ko e Kaveinga Ngāue ʻo e Seminelí mo e ʻInisititiuti Fakalotú

Ko e Kaveinga Ngāue ʻo e Seminelí mo e ʻInisititiuti Fakalotú

Ko ʻetau taumuʻá ke tokoni ki he toʻu tupú mo e kakai lalahi kei talavoú ke fakaloloto ʻenau ului kia Sīsū Kalaisí mo ʻEne ongoongolelei kuo fakafoki maí, taau ke maʻu ʻa e ngaahi tāpuaki ʻo e temipalé, pea teuteuʻi kinautolu, honau ngaahi fāmilí, mo e niʻihi kehé ki he moʻui taʻengata mo ʻenau Tamai Hēvaní.

Ke aʻusia ‘etau taumuʻá:

Moʻui ʻAki

‘Oku tau moʻui ‘aki ‘a e ongoongolelei ‘o Sīsū Kalaisí pea faifeinga ke maʻu ‘a e takaua ʻo e Laumālié. ʻOku hoko ʻa ʻetau tōʻongá mo e vā fetuʻutakí ko ha sīpinga lelei ʻi he ʻapí, ʻi he loki akó, pea ʻi he tukui koló. ʻOku tau feinga maʻu pē ke toe lelei ange ʻa ʻetau faifatongiá, ʻiló, tōʻongá mo e ʻulungāangá. ʻOku tau fakafanongo lelei ki he kau palōfita moʻui ʻa e ʻOtuá mo muimui ki heʻenau ngaahi akonakí mo e fakahinohino fakalaumālié.

Akoʻi

ʻOku tau fakatefito ʻa e aʻusia fakaako takitaha ʻia Sīsū Kalaisi mo ʻEne sīpingá, ngaahi ʻulungāangá, mo e mālohi ʻo e huhuʻí. ʻOku tau tokoniʻi e kau akó ke ako ʻa e ongoongolelei ʻo Sīsū Kalaisi kuo fakafoki maí ʻo hangē ko ia ʻoku hā ʻi he folofolá pea mo e ngaahi lea ʻa e kau palōfitá. ʻOku tau tokoniʻi e kau akó ke fakahoko honau fatongiá ʻi heʻenau ako ʻiate kinautolu pē. ʻOku tau faifeinga ke fakaafeʻi ʻa e Laumālie Māʻoniʻoní ke fakahoko Hono fatongiá ʻi he aʻusia fakaako takitaha.

Tataki

ʻOku tau fakafenāpasi hotau tuʻunga fakatakimuʻá ki he sīpinga ʻa Sīsū Kalaisí. ʻOku mau fakaafeʻi mo poupouʻi atu e toʻu tupu mo e kakai lalahi kei talavou kotoa pē ke kau ki he seminelí mo e ʻinisititiutí. ʻOku tau kumi ke fakamālohia ʻa kinautolu ʻoku tau tatakí, fakahoko lelei ʻa e ngāué, mo langaki ʻa e uouangataha mo e niʻihi kehé. ʻOku tokoniʻi mo poupouʻi ʻe heʻetau ngaahi ngāué ʻa e tokotaha kotoa pē, ngaahi fāmilí, mo e kau taki lakanga fakataulaʻeikí.