Ami ndi Mbet eke Jesus Christ

Ndise

idiɔŋɔ Ibuot-ikɔ eke Iwaad 2024

Akananam afo emekere ntak emi, ke ama ɔkɔkɔk mme owo udɔŋɔ, Jesus edidɔhɔ usuk mmɔ ete ekutiŋ enɔ owo ndomokiet (se Mark 7:36)? Ntak kiet ekeme edi-di ye oruk mme anditiene emi Enye okoyomde. Afo emekeme edikere ete edieke mme owo etiŋde ebaŋa mme edikɔk mmɔ ke oro eyedi eti usuŋ ɔnɔ Jesus edinyene ediwak mme anditiene. Nte ededi, Jesus ikinehede iyom mme anditiene. Enye okoyom mme mbet.

Jesus ɔdɔhɔ Peter ye Andrew ete, “Etiene mi” (Matthew 4:19). Edikabare eke Joseph Smith eke ufaŋ oro okot ete, Ami ndi enye emi mme prophet ekewetde ebaŋa, etiene mi” (Edikabare eke Joseph Smith, Matthew 4:18 [ke Matthew 4:19, se ewewtde ke idak-isɔŋ a]). Ikoot oro ikidige man edisaŋa ye Enye ke esisit ini. Enye okoyom mmɔ edi mme mbet Esie ke nsinsi.

Enye ikinehede iyom mmɔ ete ese nte Enye ekpepde mme owo ŋkpɔ, amade mme owo, mme anamde mme utibede-ŋkpɔ. Enye okoyom mmɔ ndinam ukem oro. Enye okoyom utom Esie man akabare edi utom mmɔ. Ndimekl Christ ɔwɔrɔ ke mmɔ eyekpep edi-nam ŋkpɔ nte Enye akanamde nyuŋ nkere ŋkpɔ ukem nte Enye ekekerede. Mmɔ eyekpep edidu uwem nte Enye okodude, ndien Enye eyekpep mmɔ onyuŋ ɔnɔ mmɔ unwam emi mmɔ ediyomde man ekabare etie nte Enye ɔfɔn.

Ndise

Jesus Christ

Ikɔ Greek eke mbet edi mathetes. Oro ɔwɔrɔ okpon akan ndidi anditiene mme eyen ufɔkŋwed. Oro esiwak edikabare ndi nte owo emi ekpepde-utom. Ke eyo Christ, mme mbet ekesimek ete-ufɔk eto owo emi mmɔ eyomde ndikpep utom nto ye ekikere ndikabare mme ete-ufɔk ke idem mmɔ. Christ ikinamke oruk edi-nam oro. Enye ama okpuhɔ nte ekesinamde ndien akabare esiyom mme mbet Esie. Mfin emi, Christ okokot nnyin ete idi itiene Enye. Enye okot nnyin ndidi mbet Esie onyuŋ ɔkwɔrɔ ikɔ Esie kotu ikɔt Esie man mmɔ ekpenyene nsinsi uwem (se 3 Nephi 5:13).

Nkaiferi kiet emi otode Haiti ke idut Caribbean okowut udɔŋ esie ke ndidi mbet Christ oto ke edikot ufan esie emi mikidige owo ufɔk Abasi ete asaŋa ye enye edika mbono FSY kiet. Ke akpa ini ete ufan esie ikiyomke edinyime eyen-anwan esie man aka. Mme adausuŋ Ufɔk Abasi edi-nam anwaŋa ebaŋa nti ifiɔk-ukpep emi enye edibɔde ye mme nti ɔnɔitem young adult emi edisede enye enyin. Ete oro ama enyime ɔnɔ eyen esie ndika, ndien ke edikutde ukpuhɔde emi edika oro akanamde ke uwem esie, enye nko edinyime ɔnɔ enye ndika mme esop Ufɔk Abasi ndien—ke ufaŋ ɔfiɔŋ itiokiet—ama ana baptism.

Akparawa kiet emi otode Argentina ke Usuk America okowut udɔŋ esie ke ndidi mbet Christ oto ke edibuana usuk uyo esieye ufan kiet ke nte mmɔ ewatde ke bus eka ufɔkŋwed. Ini emi enye atade edisim nde emi iniŋe coffee odude, enye ɔdɔhɔ ke akananam imɔ isitaha nde oro koro iduhe owo ufɔkemana mmɔ emi esiŋwɔŋde coffee. Oro ama ɔtɔŋɔ nneme abaŋa Ufɔk Abasi, emi adade ekesim edikot man edi mme esop, ke akpatre anamde ufan esie ediduk Ufɔk Abasi onyuŋ edika mission ke Chile.

Idihe kpukpru owo edinemede-nneme ibaŋa Ufɔk Abasi mme edikotde ete edi edinam Ufɔk Abasi edinyime ediduk. Oro edi ntre. Idihe kpukpru owo emi Christ eketiŋde ikɔ ɔnɔ kini utom ukwɔrɔ-ikɔ Esie ke isɔŋ ekeduk ntre. Edi, nte nnyin imekde edidi mbet Jesus Christ nyuŋ nkwɔrɔ ikɔ Esie, Enye eyenɔ nnyin uko ye edisana unwam. Nnyin iyekpep nte idikabare ibiet Enye ɔfɔn, ndien se mme mbet esinamde edi oro.