ዳግም ከመምጣቱ በፊት በክርስቶስ ማመን

“ማንኛውም ክርስቶስ ይመጣል በማለት የሚያምን ለኃጥያቱ ስርየት ያገኛል እርሱም በመካከላቸውም እንደመጣን አይነት በታላቅ ደስታ ሃሴት ይሆናሉ” (ሞዛያ 3፥13፤ አጽንኦት ተጨምሮበታል)።

“እናም ድምፅ ወደእኔ መጣ፣ እንዲህም አለኝ፦ ኢኖስ ኃጢያትህ ይቅር ተብሎልሃል። … ስለሆነም፣ በደሌ ተወግዶልኛል። እናም ጌታ፣ ይህ እንዴት ሆነ? አልኩት። እናም እርሱም አለኝ፦ ባላየኸውና ሰምተህ በማታውቀው በክርስቶስ ባለህ እምነት ምክንያት ነው። እናም እራሱን በአካል ከመግለፁ በፊት ብዙ አመታት ያልፋሉ፤ … ሂድ እምነትህ አድኖሃል” (ኢኖስ 1፥5–8 አጽንኦት ተጨምሮበታል)።

“ስለክርስቶስ ማወቃችን እናም እርሱ ከመምጣቱ ከብዙ መቶ አመታት በፊት በክብሩ ተስፋ [ነበረን] …። በእውነት በኢየሱስ ስም ስንገስፅ ያም ዛፉ፣ ወይንም ተራራው ወይም የባህሩ ሞገድ ይታዘዝልናል” (ያዕቆብ 4፥4፣ 6 አጽንኦት ተጨምሮበታል)።

“ክርስቶስ ከመምጣቱም በፊት እንኳን በእምነታቸው እጅግ የበረቱ ብዙዎች ነበሩ፤ እነርሱም በመጋረጃው ስር ሊጠበቁ አልተቻሉም፤ ነገር ግን በእውነትም በእምነት አይን [አዩቸው]” (ኤተር 12፥19፤ አጽንኦት ተጨምሮበታል)።

ቃል ኪዳኖቻችንን ለመጠበቅ ስንጥር፣ በሰለስቲያል መንግስት ውስጥ ለመኖር እየተዘጋጀን ነን። “እነሆም፣ ይህ ጊዜ ለሰዎች እግዚአብሔርን ለመገናኘት የዝግጅት ወቅት ነው፤ አዎን፣ እነሆ የዚህ ህይወት ቀናት ሰዎች ስራቸውን የሚያከናውኑባቸው ቀናቶች ናቸው” (አልማ 34፥32)።

“በምድር ላይ ካሉት በላይ ታላቅ በሆነው [እስራኤልን የመሰብሰብ] ሥራ” አካል እንድንሆን በፕሬዚዳንት ራስል ኤም ኔልሰን ተጋብዘናል። “የሰማይ አባታችን ብዙዎቹን ክቡር መናፍስቶቹን፣ ምናልባትም ምርጦቹን ቡድን፣ ለዚህ መጨረሻ ደረጃ በማዘጋጀት አስቀምጦ ነበር። እነዚያ ክቡራን መናፍስት—ምርጦቹ ተጫዋቾች፣ እነዚያ ጀግኖች— እናንተ ናችሁ!”¹

አዳኙ ዳግም ሲመጣ ጻድቃን በሰላም ይኖራሉ። አዳኙ ይነግሣል፣ ኢፍትሐዊነትም ይስተካከላል። “ጌታም ከእነርሱ መካከል ይገኛልና፣ እናም ክብሩም በእነርሱ ላይ ያርፋል፣ እናም እርሱም ንጉሳቸውና ህግ ሰጪአቸው ይሆናል” (ትምህርት እና ቃል ኪዳኖች 45፥59)።

የሰው ዘር በሙሉ ከሞት ይነሳል። ፍጹም፣ የማይሞት አካል ይኖረናል። በሞት የተለዩንን የምንወዳቸውን ሰዎች ዳግም ማየት እንችላለን። “መንፈስም ከስጋ ጋር ፍፁም በሆነ ሁኔታ በድጋሚ አንድ ይሆናል፣ እግርና እጅ እናም መገጣጠሚያዎች ተገቢ በሆነ ሁኔታ፣ እኛ አሁን ባለን አምሳል ይመለሳሉ” (አልማ 11፥43)።