“Edinyene Mbuɔtidem ke Christ Mbemiso Enye Afiak Edi,” Kabaŋa Nsɔŋɔnda eke Iwaad Apr. 2024.
Ɔfiɔŋ-ke-ɔfiɔŋ Etop Kabaŋa Nsɔŋɔnda eke Iwaad , Ɔyɔhɔ Ɔfiɔŋ Inaŋ 2024
Edinyene Mbuɔtidem ke Christ Mbemiso Enye Afiiak Edi
Mbon Nephi ema enyene mbuɔtidem mbemiso Andinyaŋa ekededi, ndien nnyin imikeme edinyene mbuɔtidem mbemiso Enye afiak edi.
Akananam nte afo emekere se edidide ke edinyene mbuɔtidem ke Andinyaŋa mbemiso Enye ekedi ke isɔŋ? Mbon Nephi eset ekenyene ndinam oro kpɔt—“ebeŋe idem ebet Messiah, enyuŋ ebuɔtidem ke enyne emi edidide nte enye ama edidi” (Jarom 1:11).
Ke eyo mfin, nnyin iminyene ŋwed Abasi ye ŋwed mbuk emi etiŋde ikɔ ntiense ete ke Jesus Christ ama odu uwem, akpa-mkpa, ndien afiak eset. Nnyin iminyene mbuɔtidem ke Andiyaŋa emi ama ekededi. Edi nnyin nko iminyene mbuɔtidem ke Andinyaŋa kiet emi edi fiakde idi.
Mbemiso Jesus Christ Ekedi, mbon Nephi Ema Enyene Mbuɔtidem Ke:
Man ebɔ erifen ke mme idiɔkŋkpɔ mmɔ.
“Owo ekededi emi edinimde ke Christ eyedi, ukem oro edi bɔ erifen ke mme idiɔkŋkpɔ mmɔ, onyuŋ adatesit ye ata akamba idara, kpa nte ke enye edi kaŋa kotu mmɔ” (Mosiah 3:13; median ŋkpɔ).
Erifen nnɔ idem mmɔ
“Ndien uyo edi ɔnɔ mi, ete: Enos, efen mme idiɔkŋkpɔ fo. … Ke ntre, ema emen ndudue mi efep. Ndien ami ndɔhɔ nte: Jehovah, enam didie? Ndien enye ɔdɔhɔ mi ete: Ke ntak mbuɔtidem fo ke Christ emi afo akananam mukopke unyuŋ ukwe. Ndien ediwak isua ebe efep mbemiso enye ediyarare idemesie ke obukidem; … mbuɔtidem fo amanam fi okop nsɔŋidem” (Enos 1:5–8; median ŋkpɔ).
Anam mme utibe-ŋkpɔ
“nnyin ima ifiɔk Christ, inyuŋ inyene idorenyin ibaŋa ubɔŋ esie ke ediwak mme isua ikie mbemiso edidi esie. … Tutu ete ke nnyin ke akpanikɔ ikeme edinɔ uyo ke enyiŋ Jesus ndien mme eto esuk ibuot enɔ nnyin, ye mme obot, ye mme mbufut inyaŋ-ibom” (Jacob 4:4, 6; median ŋkpɔ).
Ɔbɔde eriyayare.
“Ama odu ediwak owo emi mbuɔtidem mmɔ ekenehede enyene ɔsɔŋɔ, kpa mbemiso Christ ekededi, emi owo mikemeke edisio mmɔ ke ikpehe, edi ema enehede ekut ke mme enyin mmɔ” (Ether 12:19; median ŋkpɔ).
Mbemiso Jesus Christ Afiak Edi, Nnyin Imikeme Edinyene Mbuɔtidem Ke:
Edibɔ erifen-nnɔ, ifen-inɔ idem nnyin, inam mme utibe-ŋkpɔ, inyuŋ ibɔ eriyarare (ukem nte mbon Nephi).
Ibeŋe-idem nnyin inɔ edidi Esie
Nte nnyin idomode man inim ediomi nnyin, nnyin ke ibeŋe-idem man ikiduŋ ke obio-ubɔŋ celestial. “Koro esese, uwem emi edi ini emi anade nte mme owo ebeŋe idem ndisobo ye Abasi; iŋ, sese usen uwem emi edi usen emi anade nte mme owo enam mme utom mmɔ” (Alma 34:12).
Ibeŋe ererimbot inɔ edidi Esie.
President Russell M. Nelson ama okot nnyin ete idi ubak ke “mkpon-nkan utom enamde ke ererimbot”—nditaŋ Israel mbok. Ete nnyin ke Enyɔŋ ama osio ediwak nti spirit Esie onim—ndusuk, ami mmekeme ndidɔhɔ nte, ata eti otu-mbon Esie, ɔnɔ akpatre ini emi. Nti spirits oro—ata nti mbon oro, mbon uko oro—edi mbufo!”1
Enyene mbuɔtidem ke mme ini afanikɔŋ.
Ini emi Andinyaŋa edifiakde idi, ndinen owo eyedu ke emem. Andinyaŋa eyeda ukara, ndien eyenehede se mikinenke. “Koro Jehovah eyedu ke ufɔt mmɔ, ndien ubɔŋ esie eyedoro mmɔ ke idem, ndien enye eyedi edidem mmɔ ye ɔnɔ-ibet mmɔ” (Doctrine and Covenants 45:59).
Enyene mbuɔtidem ke Eriset-ke-mkpa.
Kpukpru owo eyeset. Nnyin iyenyene mme nsana-mma, ikpɔkidem emi midikpaha aba. Nnyin imikeme edifiak edikut mbon ima nnyin emi ema ekebe efep. “Spirit ye obuk eyediana kiet kpa nte ekedide; mme ndido ye ɔkpɔ eyefiak etie nte ekedide, kpa nte nnyin idide idahaemi” (Alma 11:43).
Mbon Nephi eset ema enyene mbuɔtidem ke Christ mbemiso Enye ekededi. Nnyin imikeme edinyene mbuɔtidem ke Andinyaŋa eyefiak edi—ke ini “[nnyin] idikutde [Enye] ke mme obubit enyɔŋ, ɔyɔhɔde ye odudu ye akwa ubɔŋ” (Doctrine ye Covenants 45;44; se nko Mme Utom 1:11). Didie ke edidiɔŋɔ ete ke Enye eyefiak edi ɔkpuhɔ se afo anamde mfin ami?
©2024 eketode Intellectual Reserve, Inc. Ekpan kpukpru unen ndimiŋ nwed emi. Ekemiŋ ke USA. Enyime edikabare ke Ikɔ Mbakara: 6/19. Enyime ndikabare: 6/19. Ɔfiɔŋ-ke-ɔfiɔŋ Edikabare Etop eke Abaŋade Nsɔŋɔnda eke Iwaad, Ɔyɔhɔ Ɔfiɔŋ Inaŋ. Language. 19353 553