Ehendu Chupe

Che hermano ha hermanakuéra pohayhuetéva, che’aguijevete ko tecnologia, jepuru rupive ikatuha ñañembyaty ja’adora hağua ko Domingo pyhareve. Jajehovasapyreite piko jaikuaávo Jesucristo evangelio ojerrestaura hague ko yvy ári!.

Umi semana ohasava’ekuépe, heta ñande apytépe oĩ jarekóva interrupción ñande vida personal-pe. Umi terremóto, inundación, incendio, plága ha umi oguerúva o’interrumpi ñane rutina ha ogueru o’escasea umi alimento, umi alimento básico jepeve ha avei pirapire.

Opa ko’ã pa’ŭme pofelisita ha a’agradece peẽme peiporavo haguére pehendu Ñandejára ñe’ẽ ko’ã momento de confusión-pe, pejojajúvo orendive ko conferencia general-pe. Pe pytũmby okakuaáva oúva jehasa’asy reheve ojapo Jesucristo resape omimbive. Pepensamínte umi mba’e porã peteĩ teĩ ñande ikatúva jajapo ko’ã tiempo de agitación global aja. Pene mborayhu ha jerovia Salvador-re ikatu ha’e pe mávape omokyre’ỹtava ojuhu haĝua Jesucristo evangelio plenitud Restauración.

Ko’ã mokõi año ohasava’ekuépe, Hermana Nelson ha che roñerreuni miles pendeapytépe ndive ko mundo jerére. Roñerreuni penendive arenas al aire libre-pe ha avei salones de bailes umi hotel-ha rupi. Káda tendápe añandu aĩha umi Ñandejára oiporavóva renondépe ha ahechaha Israel ijatyha hína che resa renondépe.

Javivi umi ára “ñande ypykuéra oha’arõva’ekue tuicha expectativa reheve.”¹ Jareko asiento tenondevéva jahecha haĝua en vivoprofeta Nefi ohechava’ekue vision-pe mante, Tupã Cordero pu’aka oguejýramo “umi Ñandejára tavayguakuéra konveniogua ári, isarambíva opa yvy ape ári; ha oguereko hikuái hi’arma ramo tekojoja ha pe Tupã pu’aka tuicha verapýpe.”²

Peẽ che hermano ha hermanakuéra peime umi kuimba’e, kuña ha mitãnguéra Nefi ohechava’ekue apytépe. Pepensami upévare!

Taha’e ha’éva peikohápe térã mba’épa pene circunstancia, Ñandejára Jesucristo ha’e pendeSalvador ha pe Tupã profeta, José Smith, ha’e pende profeta. Ha’e oñepreodenava’ekue ko yvy pyenda oñemoĩ mboyve guive ha’e haĝua upe profeta ko última dispensación-pe ĝuarã, “mba’eve ndojejokomo’ãihápe” ³ santokuéragui. Pe revelación osyry meme gueteri Ñandejáragui ko Restauración proceso continuo aja.

Mba’e he’ise peẽme ĝuarã Jesucristo evangelio ojerrestaura hague ko yvy ári?

¡He’ise peẽ ha pende familiakuéra ikatutaha pejesella oñondive tapiaite ĝuarã! He’ise peẽ peñemongarai haguére peteĩ oguerekóvare Jesucristo autorida ha peñekonfirma Itupao miembroicha, ikatuha pedisfruta meme pe Espiritu Santo kompañia -gui. Ha’e pendegiáta ha penemo’ãta. He’ise araka’eve ndapejehejamo’ãi consuelo’ỹre térã pehupyty’ỹre Tupã pu’aka penepytyvõ haĝua. He’ise sacerdocio pu’aka ikatuha penderovasa perresivi aja umi ordenansas esenciales ha pejapo konvénio Tupã ndive ha peñongatu umíva. Mba’eichaigua ánklapa ñane ángape ĝuarã ko’ã añetegua, uvei ko’ã ára yvytu’atã ipochývo hína.

Mormón Kuatiañe’è omombe’u umi mokõi civilización guasu ymaguare jejupi ha ije’a. Ijistoria ohechauka mba’éichapa ndahasyiete hetápe ğuarã hesarái Tupãgui, orrechasa umi Ñandejára profeta momarandu ha oheka poder, popularida ha umi placeres de la carne.⁴ Heta jey, umi profeta ymaguare odeklara “umi mba’e tuicha ha hechapyrãva tavayguakuérape ğuarã, ha’ekuéra ndogueroviáiva.”⁵

Ndaha’éi iñambuéva ñande árape. Añokuéra ohasávape, oñehendu mba’e guasuete ha hechapyrãva umi púlpito ojededikáva guie opa ko yvy jerére. Upevére, hetave oĩ ndo’adoptái umi añetegua, taha’e ndoikuaáigui moõpa ohekáta⁶ térã ohendúgui umi ndorekopáivape añetegua térã orrechaságui upe añetegua umi actividades mundanas rehe.

Pe adversario ivale hína. Miles de año aja ojapókuri hína iporãva tojehecha ivaívaicha ha ivaíva iporãvaicha.⁷ Imensajekuéra ipuhatã, hova’atã ha ha’éntese.

Ha katu ñande Ru Yvagagua mensaje-kuéra iñambuete hechapyrãicha. Oñekomunika peteĩ manéra simple, kirirĩ ha hesakãporãvape ndaikatuiva voi ñantende vai.⁸

Ejemplo-rã, káda Ha’e opresenta Ita’ýra Unigénito yvyporakuérape, ojapo sa’i ñe’ẽ reheve. Monte de la Transfiguración-pe, Pedro, Santiago ha Juan-pe Tupã he’i: “Kóva ha’e Che Ra’y ahayhuetéva: ehendu Chupe.”⁹ Iñe’ẽ umi nefitakuéra oikóva’ekue Abundancia-pe ha’ékuri: “Péina ápe che Ra’y Ahayhuetéva, chembovy’avéva, amboverapy haguépe che réra; ehendu Chupe”¹⁰ Ha José Smith-pe, upe declaración pypukúpe o’abriva’ekue ko dispensación, Tupã he’ínte: “Kóva ha’e Che Ra’y Ahayhuetéva. Ehendu Chupe!”¹¹

Ko’áğa, che hermano ha hermanakuéra pohayhuetéva, pekonsiderami umi hecho ko’ã mbohapy káso ha’eva’ekuépe, pe Túva opresenta mboyvemi Ita’ýrape, umi oĩva involucrado-pe, henyhẽ kyhyjégui, ha desesperación-gui jepeve.

Apóstolekuéra okyhyje ohechávo Jesucristo-re ojerepávo peteĩ arai Monte de la Transfiguración-pe.

Nefitakuéra okyhyje ohasa haguére heta ára ñehundi ha iñipytũva rehe.

José Smith oĩkuri peteĩ pytũmby mbarete apytépe pe yvága oje’abri mboyvemi.

Ñande Ru oikuaa ojerepávo ñanderehe incertidumbre ha kyhyje, upe ñanepytyvõvétava opa mba’égui ha’e ñahendu Ita’ýrape.

Jahekárõ ñahendu, ñahendu añete, Ita’ýrape, jajegiáta jaikuaa hağua mba’épa jajapova’erã oimeraẽ circunstancia-pe.

Pe ñe’ẽ ñepyrŭ Doctrina y Convenios-pe ha’e ehendúke¹² he’iséva “ehendu reguerekóvo intención neñe’ẽrendutaha.”¹³ Ehendúke he’ise “Ehendu Chupe”; ehendu pe Salvador he’íva ha upéi ejapysaka Imomarandu rehe. Umi mokõi ñe’ẽme: “Ehendu Chupe”, Tupã ome’ẽ ñandéve pe modelo éxito, vy’apavẽ ha vy’ápe ğuarã ko tekovépe. Ñaime ñahendu hağua Ñandejára ñe’ẽ, ñahendu, ha jajapysaka umi he’ívare ñandéve!

Jahekávo jahávo ha’e hağua Jesucristo discípulo, ñane ñeha’ã ñahendu hağua Chupe iñintencionalvéva’erã ára ha ára. Oñeikotevẽ peteĩ ñeha’ã conciente ha py’ỹi ñamyanyhẽ haĝua ñande rekove ára ha ára iñe’ẽ, hekombo’e ha añeteguakuéragui.

Ndaikatúinte jajerovia umi información jajuhúvare umi redes sociales-pe. Miles ha millones ñe’ẽ reheve oĩva linea-pe ha peteĩ mundo henyhẽva marketing-gui oĩ memehápe infltrado umi adversario ñeha’ã hi’apuhatã ha añaitéva reheve, moõ ikatu jaha ñahendu hağua Chupe?

Jahakuaa escritura-kuérape. Umíva ñanembo’e Jesucristo ha iñevanhéliogui, Iñexpiasiõ tuichakue ha pe ñande Ru tuicha plan de felicidad ha rredensiõgui. Ñeñapymi ára ha ára Tupã ñe’ẽme i-crucial ñande supervivencia espiritual-pe ğuarã, especialmente ko’ã ára tuicha agitación jave. Jajadeleita aja Cristo ñe’ẽme ára ha ára, Cristo ñe’ẽnguéra he’íta ñandéve mba’éichapa ñambohovaiva’erã umi jehasa’asy araka’eve ñaimo’ã’ỹva ñambohovaketaha.

Ikatu avei ñahendu Chupe templo-pe. Ñandejára Róga ha’e peteĩ óga oñe’aprendetahápe. Upépe Ñandejára ñanehekombo’e Ha’e oikuaaháicha. Upépe káda ordenanza ñanembo’e Salvador-gui. Upépe ña’aprende mba’éichapa ñamboykeva’erã pe vélo ha ñañekomunika porãve yvága ndive. Upépe ña’aprende mba’éichapa ikatu ñamondýi pe adversario ha jaipuru pe Ñandejára sacerdocio pu’aka ñañemombarete haĝua ñandejupe ha umi jahayhúvape. Mba’eichaitépa jaipota memeva’erã peteĩ teĩ ñande jaheka refugio upépe.

Oñemopu’ã vove Ko’ã COVID-19 restriccion temporal, pemboykemi peteĩ tiempo regular pe’adora ha peservi haĝua templo-pe. Káda minuto upe tiempo-gui penderovasáta peẽ ha pende familiakuérape umi mba’eve ambue mba’e ikatuháicha. Pejuhu tiempo pemedita hağua umi pehendu ha peñandúvare peime aja upépe. Pejerure Ñandejárape tapenembo’e mba’éicha pe’abrikuaa yvága pehovasa hağua pende rekove ha umi pehayhu ha peservíva rekove.

Ko’áğa ndaikatúi ramo jepe ja’adora templo-pe, po’invita pembohetave hağua pende participación historia familiar-pe, oikehápe investigación historia familiar ha indexación. Apromete peẽme pembohetavévo pene tiempo templo-pe ha historia familiar-pe, pemongakuaáta ha pemoporãvéta avei pende katupyry pehendu haĝua Chupe.

Avei ñahendu Chupe hesakãve ñarrefinávo ñande katupyry jahechakuaa haĝua Espiritu Santo ñe’ẽmbegue. Araka’eve naiñimportantevéi ko’áĝagui jaikuaa mba’éichapa oñe’ẽ pe Espíritu Santo. Deidad-pe, Espiritu Santo ha’e upe mensajero. Ha’e oguerúta pene akãme umi mba’e Túva ha Ita’ýra oipotáva peẽ perresivi. Ha’e ningo upe consolador. Ha’e oguerúta py’aguapy temiandu pene korasõme. Ha’e otestifika umi añeteguágui ha okonfirmáta mba’épa añetegua ñahendu ha jalee aja Ñandejára ñe’ẽ.

Ambopyahu che jerure’asy pejapo haĝua oñeikotevẽva pemongakuaa haĝua pende kapasida espiritual perresivi haĝua revelación personal.

Pejapórõ upéva, penepytyvõta peikuaa hağua mba’éichapa pehova’erã tenonde gotyo pende rekovére, mba’épa pejapova’erã tiempo de crisis aja ha mba’éichapa pehechakuaa ha pemboykeva’erã umi adversario tentación ha mbotavy.

Ha, ipahápe, ñahendu Chupe jajapysakárõ umi profeta, vidente ha revelador ñe’ẽnguérare. Umi oñe’ordenava’ekue Jesucristo Apóstol ramo akóinte otestifika Chugui. Ha’ekuéra oseñala pe tape jaha aja tenonde gotyo umi ñane experiencia mortal laberinto hasýva rupive.

Mba’épa ojehúta intencionalmente pehendu ramo, ha pejapysaka ramo pe Salvador he’iva’ekuére ha pe Ha’e he’íva hína ko’áğa Iprofetakuéra rupive? Apromete peẽme pejehovasataha poder adicional reheve pegueropu’aka hağua umi tentación, jehasa’asy ha kangy. Apromete peẽme milagro pene matrimonio, relaciones familiares ha pende mba’apo araguávape. Ha apromete peẽme pende kapasida peñandu haĝua góso okakuaataha umi turbulencia okakuaa ramo jepe pende rekovépe.

Ko conferencia general Abril 2020-gua ha’e ñane tiempo ñaromandu’a hağua peteĩ evénto omoambueva’ekue ko mundo. Ro’antisipávo ko José Smith Primera visión 200 aniversario, Primera Presidencia ha consejo de los Doce Apóstoles roñeporandu mba’épa ikatu jajapo ñaromandu’a porã hağua ko evento singular.

Upe Teofanía omoñepyrũ Jesucristo Evangelio plenitud Restauración ha ñanemoinge pe Dispensación de la plenitud de los tiempos-pe.

Roñeporandu romopu‘ãva‘erãpa peteĩ monuménto. Ha katu rokonsiderávo pe impacto histórico úniko ha internacional oguerekóva pe Primera Visión, roñandu impresión rojapova’erãha peteĩ monumento ha katu ndaha’éi granito ni itágui ha katu ñe’ẽnguéragui – ñe’ẽnguéra proclamación solemne ha marangatu rehegua – ojehaíva, ndaha’éi ojetalla haĝua “tablas de piedra”-pe ha katu ojegrava haĝua “tablas de carne” ñane korasõmeguápe.¹⁴

Oñe’organisa guive Tupao, ojejapo cinco proclamación-nte, ha’évo ipaháva: “La Familia: Peteĩ Proclamación ko múndope ĝuarã”, opresentava’ekue presidente Gordon B. Hincley 1.995-pe.

Ko’áğa rohechávo ko époka significativa múndo historia-pe ha Ñandejára mandáto oñembyaty hağua Israel isarambívape ñembosako’ípe Jesucristo Jeju Mokõiháme ğuarã, ore, Primera Presidencia ha Consejo de los Doce Apóstoles, rojapo ko proclamación. Itítulo: “Jesucristo evangelio plenitud Restauración: Peteĩ proclamación ko múndope ğuarã.” Ojejapo Jesucristo Tupao Santokuéra Ára Pahapegua Primera Presidencia ha Consejo de los Doce Apóstoles rupive. Oreko fécha abril 2020-pe. Añembosako’ívo ko árape ğuarã, agrava raẽve ko proclamación Arboleda Sagrada-pe, José Smith ohecha haguépe peteĩha jey pe Túva ha Ta’ýrape.

“Ore solemnemente roproklama Tupã ohayhuha Ita’yrakuérape opa múndo retãme. Tupã pe Túva ome’ẽ ñandéve Ita’ýra Ohayhuetéva, Jesucristo, ñegueronase divino, hekove ijojaha’ỹva ha isakrifísio expiatorio ijapyra’ỹva. Túva pu’aka rupi, Jesús oikovejey ha ohupyty victoria ñemano ári. Ha’e ningo ñande Salvador, ñane ehémplo ha ñane Redentor.

“Ojapo dosciento áño, peteĩ pyhareve porã jave primavera 1820-pe, mitãrusu José Smith, oñeha’ãvo oikuaa hağua mba’e tupaópepa ojoajuva’erã, oho oñembo’e hağua peteĩ ka’aguýpe hi’ağuiva hógagui estado de Nueva York, Estados Unidos-pe. Ha’e oreko porandukuéra hi’ánga salvasiõre ha oguerovia Tupã ogiataha chupe.

“Humilda reheve, rodeklara iñembo’e ñembohováirõ, Tupã upe Túva ha Ita’ýra Jesucristo, ojehechauka hague José-pe ha omoñepyrũ ‘opa mba’e restauración’ (Hechos 3:21) oje’e haguéicha Biblia-pe. Ko Visión-pe, José o’aprende umi Apóstol ñepyrŭha omanomba rire, Cristo Tupao, Nuevo Testamento-gua, okañy hague yvy árigui, José ha’etaha tembipuru iñemoĩ jeýpe.

“Ro’afirma, upe Túva ha Ta’ýra dirección guýpe, ouhague yvagagua mensajero-kuéra ohekombo’évo José-pe ha omopu’ã jey hağua Jesucristo Tupao. Juan el Bautista, oikovejeýva, omoĩjey pe autorida oñemongarai hağua ñeñapymi rupi angaipa rremisiõrã. Mbohapy umi Doce apóstol ñepyrŭha – Pedro, Santiago ha Juan – omoĩjey upe apostolado ha sacerdocio autorida llavekuéra. Ou avei ambuekuéra, ijapytypekuéra Elias upe Profeta, omoijeýva pe autorida oñembojoaju hağua familiakuéra tapiaite ğuarã relaciones eternas-pe ohóva amogotove ñemanógui.

“Rome’ẽ avei testimonio José Smith-pe oñeme’ẽ hague Tupã don ha pu’aka ombohasa haĝua peteĩ registro ymaguare, Mormón Kuatiañe’ẽ: Ambue Jesucristo Testamento. Umi Texto sagrado kuatiaroguépe oĩ peteĩ Jesucristo ministerio personal ñemombe’u yvyporakuéra hemisferio occidental-gua apytépe Ijeikovejey riremi. Ombo’e ko tekove propósito ha omyesakã Cristo doctrina, ifundamentálva upe propósitorã. Peteĩ escritura ramo omoirŭva Biblia-pe, Mormón Kuatiañe’ẽ otestifika opaite umi yvypóra ha’eha peteĩ Túva Yvagagua oporohayhúva ra’y ha rajykuéra, Ha’e oguerekoha peteĩ plan divino ñande rekovépe ğuarã ha Ita’ýra Jesucristo, oñe’ẽha avei ko árape, ojapo haguéicha ára ymaguarépe.

“Rodeklara Jesucristo Tupao Santokuéra Ára Pahapegua, oñe’organisava’ekue 6 de Abril 1.830-pe, ha’eha Cristo Tupao Nuevo Testamento-pegua oñemoĩjeyva’ekue. Ko Tupao oñemboguapy ipiedra angular, Jesucristo, rekove perfecto ha Iñexpiasiõ iinfinito ha Irresurresiõ literal ári. Jesucristo ohenói jey Apostol-kuéra ha ome’ẽ chupekuéra sacerdocio autorida. Ha‘e ñane‘invita opavavépe jaju hağua Hendápe ha Itupaópe, jarresivi hağua pe Espiritu Santo, umi ordenansa salvasiõrã ha jahupyty hağua góso hi‘aréva.

“Ohasáma dosciento áño Tupã pe Túva ha Ita’ýra Ohayhuetéva, Jesucristo, omoñepyrũ hague ko Restauración. Millones ko múndope oñañuã ko’ã evénto ojeprofetisa’akue kuaapy.

“Vy’a reheve rodeklara upe Restauración oñeprometeva’ekue ohoha tenonde revelación continua rupive. Ko yvy araka‘eve ndaha‘emo‘ãvéima ha‘eháicha, Tupã ‘ombyatýta[gui] opa mba‘e Cristo-pe’ (Efesios 1:10).

“Reverencia ha aguije reheve, Ore, Ijapostolkuéra ramo ro’invita opavavépe oikuaa hağua – ore roikuaaháicha – yvagakuéra ojepe’aha. Ro‘afirma Tupã oikuaaukaha hína Hembipota Ita‘ýra ha tajyrakuéra ohayhuetévape ğuarã. Rotestifika umi o’estudiáva ñembo’e reheve pe Restauración mensaje ha o’actua jerovia reheve ojehovasataha ohupyty hağua itestimonio tee idivinidad ha ipropósitogui ombosako’i hağua ko mundo Ñandejára ha Salvador, Jesucristo, Jejujey Mokõiha oñepromete’akuépe ğuarã.”¹⁵

Hermano ha hermana-kuéra porohayhuetéva, kóva ha’e ore proclamación ko múndope ğuarã bicentenario-pe Jesucristo evangelio plenitud Restauración rehegua. Oñembohasákuri 12 ñe’ẽme. Ha pya’e ojejapóta avei ambue ñe’ẽnguérape. Oĩta mandi disponible tupaogua sitio web-pe, ikatutahágui pehupyty peteĩ kópia; Pe’estudia pene’año ha pene familia ha pene amigokuéra ndive. Pejepy’amongetami umi añeteguáre ha pepensa impacto oguerekótavare pende rekovépe pehendurõ ha pejesarekorõ umívare, ha pejapysaka ramo umi mandamiento ha konvénio ohóvare hesevekuéra.

Che aikuaa José Smith ha’eha profeta preordenado Ñandejára oiporavova’ekue o’abri hağua ko dispensación paha. Ha’e rupive Ñandejára tupao oñemoĩjey ko yvy ári. José Osella itestimónio huguy reheve. Mba’eichaitépa ahayhu ha a’onrra chupe!

Tupã oikove! Jesus ha’e upe Cristo! Itupao ojerrestaurákuri! Ha’e ha Itúva, ñande Ru Yvagagua, oñangareko ñanderehe. Atestifika Jesucristo réra sagrado-pe, amén