Skucha E

Mi kerido rumannan, kon gradisí mi ta ku, pa medio di uso di téknologia, nos por a reuní huntu pa adorá riba e Djadumingu mainta aki. Esta bendishoná nos ta pa sa ku e evangelio di JesuCristu a wòrdu restourá na e mundu!

Den e delaster simannan, mayoria di nos a ekspenshá interupshon den nos bida personal. Teremoto, kandela, inundashon, plaga, i loke ta bin despues a interumpí rutinan i kousa eskases di kuminda, suministro, i ahoro.

Meimei di esaki, nos ta felisitá boso i gradisí bosopa skohe di skucha e bos di Señor durante e tempunan di turbulensia dor di uni ku nos den e konferensia general aki. E skuridat kresiente ku ta kompañá tribulashon ta laga e lus di JesuCristu briya mas briyante. Djis pensa di e bondat ku kada unu di nos por hasi durante e tempu trastorno global. Boso amor pa i e fe den e Salbador por bien bèrdè ta e katalisadó pa un hende diskubrí e restaurashon di e plenitut di e evangelio di JesuCristu ku a siguí.

Den e delaster dos aña, Hermana Nelson i ami a topa ku miles di boso rònt mundu. Nos a reuní ku boso den arena pafó i den salanan di hotél. Den kada lokalidat, mi a sinti ku mi ta den presensia di e elehínan di Señor i ku mi tabata mirando e reunion di Israel pasa dilanti mi wowonan.

Nos ta biba den un tempu ku “nos antepasadonan a warda ku speransa ansioso.”¹ Nos tin di stul te dilanti pa ta testigu bibu loke e profeta Nefi a mirasolamente den vishon, i ku “e poder di e Cordero di Dios” lo descendé “riba e pueblo di kombenio di Señor, ku tabata plamá riba tur e superfisie di e tera; i nan tabatin komo arma nan rektitut i e poder di Dios den gran gloria.”²

Boso, mi rumannan, ta entre e hòmbernan i muhénan, i muchanan ei ku Nefi a wak. Pensa riba esei!

Lòs di unda bo ta biba òf kiko bo sirkunstansha ta, e Señor JesuCristu ta bo Salbador, i Dios Su profeta Jose Smith, ta bo profeta. El a wòrdu preordená promé ku e fundamentu di e mundu pa ta e profeta di e delaster dispensashon aki, ora “nada lo wòrdu retené13³ pa e Santunan. Revelashon ta sigui flui for di Señor durante e proseso kontinuo di e Restourashon.

Kiko ta nifiká pa bo ku e evangelio di JesuCristu a wòrdu restourá na e mundu?

E ta nifiká ku abo i bo famiapor wòrdu seyá na otro pa semper! E ta nifiká ku dor ku abo a wòrdu boutisá dor di un [oersona] ku tin e outoridat di JesuCristu i a wòrdu onfirmá un miembro di Su (glesia, bo por gosa di e konstante kompaño di e Spiritu Santu. E lo guia i protehá bo. E ta nifiká ku bo nunka lo bo no wòdu lagá sin konsuelo òf sin akseso na e poder di Dios pa yuda bo. E ta nifiká ku e poder di saserdosio por bendishoná bo ora bo hañaordenasanan esensial i sera kombenio ku Dios i warda nan. Esta un amker pa nos alma ta e bèrdatnan aki, spesialmente durante e tempunan aki kaminda e tempestat ta nas brutu.

E Buki di Mormon su registrá e klasiko subi i kai di dos sivilisashon mayó. Nan hiatoria tga demostrá kon fásil e ta pa e mayoria di e oublo pa lubidá Dios, revhasá atvertensinan di Señor Su profetanan, i buska poder, popularidat, i plasernan di e karni.⁴ Kada bes di nobo, profetanan antiguo a deklará “kosnan grandi i maravioso na e pueblo, loke nan no a kere.“⁵

E no ta diferente den nos tempu. Durante e añanan, kosnan grandi i maravioso a wòtdu tendé di pulitonan dediká rònt mundu. Tòg mayoria hende no a brasa e bèrdatnan aki—sea pas♀ nan no sa unda pa buskanan⁶ òf pasó nan ta skucha esnan ku no tin e bèrdat komletu òf pasó nan a rechasá bèrdat pa kosnan di mundu.

E atversario ta sabí. Pa miles di aña el a bin ta laga bon parse malu i malu parse bon.⁷ Su mensahe tin e tendensia di ta duru, fuerte i di broma.

Sinembargo, mensahenan di nos Tata Selestial ta kompletamente diferente. E ta komuniká sepel, keu, i ku klaridat asina sorpendente ku nos no por kompronde E robés.⁸

Por ehèmmpel, kada biaha ku E a introdusí Su Unifenito na hende riba tera, El a hasi esei kuremarkabel poko palabra. Riba e Seru di Transfigurashon na Pedrom Santiago i Juan, Dios a bisa, “Esaki ta Mi Yu Stimá, skucha E.”⁹ u palabranan na e Nefitanan Bountiful antiguo tabata “Ata’ki mi Yu Stmá, den kual Mi ta komplasí, den kual Mi a glorifiká mi nèmber—boso skucha E.”¹⁰ I na Jose Smith, den e deklarashon profundo ku a duna apertura na e dispensashon aki, Dios simplemente a bisa, “Esaki ta Mi Yu Stimá. Skucha E!“¹¹

Awor, mi kerido rumannan, konsiderá e echio ku den tres nomento ku nos a kaba di menshoná, djis promé ku e Tata introdusí e Yu, e hendenan inbolikt=rá tabata den un estado di miedu i, den sierto grado, desesperá.

E Apòtelnan tabatin miedu ora nan a mira JesuCristu rondoná pa un nubia riba e Seru di Transfigurashon.

E Nefitanan tabaton miedu pas~ nan a pasa den distrukshon i skuridat pa diferente dia.

José Smith abata den gara di un forsa di skuridat djis promé ku shelu a habri.

Nos Tata SElestial sa ku ora nos ta rondoná dor di inseguridat i miedu, loke lo yuda nos mas tantu ta skucha Su Yu.

Pasó ura nos buska pa skucha—skucha di bèrdat—Su Yu, nos lo wòrdu guiá pa sa kiko hasi den kada sirkunstansha.

E promé palabra den Doctrina y Convenios ta skucha.¹² E ta nifiká “pa skucha ku e inyemshon pa obedesé.”¹³ Pa skucha ta nifiká pa “Skucha E”—pa tende kiko e Salbador ta bisa i pa duna oido na Su konseho. Den e dos palabranan— “Skucha E”— Dios ta duna nos e patronchi pa eksito, felisidat, i goso den nos bida. Nos tin ku skucha e palabranan di Señor, skucha na nan, iduna oidona loke El a bisa nos.

Miéntras nos ta buska pa ta disípulonan di JesuCristu, nos esfiersonan ta pa skucha E mester hasié ku mas intenshon. E ta rekeri esfuerso konsiente i konsistente pa yena nos dianan bibando Su palabranan, Su enseñansanan, Su bèrdtbab.

Nos simplemente no por konfia riba informashon ku nos ta topa riba medianan sosial. Ku biones di palabra online i den un mundu saturá di merkadeo ku konstantemente ta infiltrá dor di esfuerso ruidoso i nefousto di e atversario, unda hos por bai pa skucha E?

Nos por bai tèmpel pa risibi inspirashon.” Nan ta siña nos di JesuCristu i Su evangelio, e magnitut di Su Ekpiashon, i nos Tasa Su gran plan di felisidat i redenshon. Emershon dianriamente den palabra di Dios ta krusial pa sobribensha spiritual, spesialmente den e dianan ki di oumento di komoshon. Ora nos ta fiesta den e palabranan di Cristu diariamente, e alabranan di Cristu lo bisa nos kon pa kontestá e difikultat ku nunka nos a pensa ku nos lo engrentá.

Tambe nos por Skuacha E den e tèmpel. Señor Su kas ta un kas di enseñansa. Einan Señor ta siña na Su mes manera. Einan kada ordenansa ta siña tokante e Salbador. Einan nos ta siña kon pa habri e velo i kominiká mas kla ku shelu. Einan nos ta siña kon pa reboká e atversario i probecha di e poder di Señor Su saserdosio pa fortalesé nos i esnan ku nos ta stima. Kon ansioso kada un di nos mester ta pa buska refugio einan.

Ora e restrinshonnan temporal di COVID-19 wòrdu kitá pot fabor programá tempu regular pa adorá i sirbi den e tèmpel. Kada minüt di e tempu ei lo bendishoná bo i bo famia di manera ku nada otro por. Tuma tempu pa reflekshoná loke bo tende i sinti ora bo ta einan. Puntra Señor pa siña bo kon pa habri e shelunan pa bendishoná bo bida i e bidanan di esnan ku bo ta stima i sirbi.

Ounke adorá den tèmpel awor aki no ta posibel, mi ta invitá bo pa oumentá bo partisipashon den historia familiar, inkluyedo investigashon di historia familiar i indeksa. Mi ta primintí ku si bo oumentá bo tempu den obra di tèmpel i historia familiar, lo bo oumenta i mehorá pa skucha E.

Nos tambe ta Skucha E mas kla ora nos refiná nos abilidat pa rekonosé e susuro di e Spiritu Santu. Nunka e no tabata mas imperativo pa sa kon e Spiritu ta papia ku bo, ku awor aki. Den Deidat, E Spiritu Santu ta e mensahero. E lo trese pensamentunan na bo mente ku e Tata i e Yu ke pa nos risibí. E ta e Konsolador. E ta trese un sentiemntu di pas na bo kurason. E ta testifiká di nèrdat i lo konfirmá loke ta bèrdat ora bo ta tende i lesa e palabra di Señor.

Mi ta renobá mi ruego na boso pa hasi loke ta nesesario pa oumenta bo kapasidat spiritual pa risibí revelashon personal.

Hasiendo esei ta yuda bo pa sa kon pa bai dilanti den bo bida, kiko pa hasi durante tempunan di krisis, i kon pa diserní i evitá e tentashonnan i e desepshonnan di e atverdario.

I, finalmente, nos ta skucha E ora bos duna oido na e profetanan, videntenan, i reveladornan. Apòstelnan ordená i JesuCristu semper ta testifiká di Dje. Nan ta mustra e kaminda miéntras nos ta traha nos kaminda den e laberinto ku ta kibra kurason di e eksperenshanan temporal.

Kiko ta bai pasa ora bo tende, skucha, i duna oido na loke e Salbador a bisa i loke E ta bisando awor dor di Su profetanan? Mi ta primintí bo, ku bo ta wòrdu bendishoná ku poder adishonal pa atendé ku tentashon, luchanan, i debilidatnan. Mi ta primintí milagernan den bo matrimonio, relashonnan famiar, i trabou diario. I mi ta primintí bo ku bo kapasidat pa sinti goso lo oumentá asta si turbulensia krese den bo bida.

E nkonferensia general di aprel 2020 aki, ta nos tempu pa konmemorá un suseso ku a kambia e mundu. Ora nos tabata antisipá e di 200 aniversario di Jose Smith su Promé Vishon, e Promé Presidensia i e Konseho di e Diesdos Apòstelnan a reflekshoná kiko nos lo por hasi pa konmemorá di un manera apropiá e suseso úniko aki.

E manifestashon di Deidat ei a inisiá e Restourashon di e plenitut di e evangelio di JesuCristu i a start e dispensashon di plenitut di tempunan.

Nos a puntra nos mes ku mester a lanta un monumento. Pero miéntras nos tabata konsiderá e impakto úniko históriko i internashonal di e Promé Vishon ei, nos a sinti e impreshon pa traha un monumento no di ggranit òf piedra pero di palabra—palabranan di un proklamashon solém i sagrado—skirbí, no grana den “tablanan di Piedra” pero mas bien grabá den “tablanan di karni” di nos kurason¹⁴

For di tempu ku e Iglesia a keda organisá, solamente sinku proklamashon a wòrdu emití, ku e delaster ku tabata “E Famia Un Proklamshon pa e Mundu,” presentá pa Presidente Gordon B. Hinckley na 1995.

Awor miéntras nos ta kontemplá e tempu importante den historia di e mundu i Señor Su mandamentu pa reuní Israel esparsí den preparashon pa e Segunda Benida di JesuCristu, nos, e Promé Presidensia i e Konseho di e Diesdos Apòstelnan, ta emití e siguiente proklamashon. Su título ta “E Restourashon di e Plenitut di e Evangelio di JesuCristu: Un Proklamashon Bisentenario pa e Mundu.” E ta outorisá pa e Promé Presidensia e Konseho di e Diesdos Apòstelnan di E Iglesia di JesuCristu di e Santunan di Delaster Dianan. E ta fechá Aprel 2020. Pa prepará pa awe, mi a graba anteriormente e proklamashn aki den e Arboleda Sagrado, kaminda Jose Smith promá a mira E Tata i e Yu.

“Nos ta proklamá solemnemente ku Dios ta stima Su yunan den tur pais di e mundu. Dios e Tata a duna nos e nasementu divino, e bida inkomparabel, i e di e sakrifisio ekspiatorio infinito di Su Yu stimá, JesuCristu. Dor di e poder di e Tata, JesuCristu a lanta atrobe i a gana e viktoria riba morto. E ta nos Salbador. nos Ehèmpel, i nos Redentor.

“Dosshen aña pasá, riba un mainta bunita di primavera den 1820, [e] hóben Jose Smith, buskando pa sa kua iglesia e mester uni [na dje], a bai den e mondi pa hasi orashon serka di su kas na nort di New York, [na] Merka. E tabatin pregunta tokante e salbashon di su alma i a konfia ku Dios lo dirigié.

“Den humildat, nos ta deklará ku komo kontesta riba su orashon Dios e Tata i Su Yu, JesuCristu, a aparesé na Jose i a inougurá e ‘restitushon di tur kos’ (Hechos 3:21) manera predisí den e Beibel. Den e vishon aki, el a siña ku despues di e morto fi e Apòstelnan original, Cristu Su Uglesia di Testamènt Nobo a wòrdu pèrdí na mundu. Jose lo ta instrumental den su regreso.

“Nos ta afirmá ku bou di direkshon di e Tata i e Yum mensaheronan Selestial a bin pa instruí Jose i restablesé e Iglesia di JesuCristu. E [ser] resusitá Juan Boutista a restourá e outoridat pa boutisá dor di imershon pa e remishon di pikánan. Tres di e diesdos Apòstelnan original—Pedro, Santiago i Juan—a restourá e apostolado i e yabinan di e outoridat di saserdosio. Otronan tambe a bin, inkluyendo Elias, ku a restourá e outoridat pa uni famianan huntu pa semper den relashonnan eterno sigui despues di morto.

“Tambe nos ra duna testimonio ku [na] Jose Smith a wòrdu duná e poder di Dios pa tradusí un registro antiguo: e Buki di Mormon—Un Otro Tèstamènt di JesuCristo. [E] páginanan di e reksto sagrado ta inkluí un registro di e ministerio personal di JesuCristu na e pueblo di e Hemisferio Oksidental poko despues di Su Resurekshn. E ta siña di e bida su propósito i ta splika e doktrina di Cristu, ku ta sentral pa e propósito ei. Komo un skritura ku ta kompañá e Beibel, e Buki di Mormon ta testifika ku tur hende ta yu [hòmber i yu muhé] di un Tata Selestial amoroso, ku E tin un plan divino pa nos bida, i ku Su Yu, JesuCristu, ta papia awendia. meskos ku den dianan di antaño.

“Nos ta deklará ku E Iglesia di JesuCristu di e Santunan di e Delaster Dianan, organisá riba 6 aprel 1830, ta Cristu Su Iglesia di Tèstamènt Nobo. E Iglesia aki ta ankrá den e bida perfekto di e piedra angular prinsipal, JesuCristu, i den Su Ekspiashon infinito i Resurekshon literal. JesuCristu un biaha mas a yama Apòstelnan i a duna nan outoridat di saserdosio. E ta invitá nos tur pa bini serka Dje i Su Iglesia, pa risibí e Spiritu Santu, e ordenansanan di salbashon i pa haña goso duradero.

“Dosshen aña awor a pasa for di e Restourashon aki a inisiá pa Dios e Tata i Su Yu Stimá, JesuCristu. Miones rònt mundu a brasa e konosementu di e susesonan profétiko aki.

“Ku plaser nos ta deklará ku e Restourashón primintí ta avanzá dor di la revelashón kontinuo. E mundu nunka mas lo ta meskoa, ya ku Dios lo ‘reuní huntu den un tur e kosnan di Cristu’ (Efesionan 1:10).

“Ku reverensia i gratitut, nos komo Su Apòstelnan ta invitá tur [hende] pa sa—manera nos sa—ku e shelunan ta habrí. Nos ta afirmá ku Dios ta duna di konosé Su boluntat pa Su yunan stima. Nos ta testifiká ku esnan ku den orashon studia e mensahe di e Restourashon i aktua den fe lo wòrdu bendishoná pa haña nan propio testimonio di su divindat i di su propósito pa prepará e mundu pa e Segunda Binida primintí di nos Señor i Salbador, JesuCristu.”¹⁵

Rumannan stimá, esei ta e proklamashon pa e mundu tokante Mi ta bendishoná boso pa sa ku e Restourashon di e evangelio di JesuCristu den su plenitut. El a wòrdu tradusí den 12 idioma. Otro idiomanan pronto lo sigui. E lo ta disponobel unmediatamente riba e sitio web di Iglesia, di kual bo por optené un kopia. Studi’é dem privá i ku bo miembronan di famia i amigunan. Reflekshoná e bèrdatnan i pensa di e i,pakto ku e bèrdatnan ei lo tin riba bo bida si bo lo ke tende nan, skucna e mandamentunan i kombenionan ha nan, i duna oido ku ta kompañá nan.

Mi sa ku Jose Smith ta e profeta preordená ku Señor a skohe pa inougfurá dispensashon. Dor di dje Señor Su Iglesia a wòrdu restourá na mundu. Jose a seya su testimonio ku su sanger. Kuantu mi ta stim’É i ta honr’É!

Dios ta biba! Jesus ta e Cristu! Su Iglesia a wòrdu restourá! E i Su Tata, Nos Tata Selestial, ta kuida nos. Asina mi ta testifiká den e sagrado nòmber di JesuCristu, amèn.