Peju ha pepertenece

Upevére, ha’évo Jesucristo discípulo he’iseve ñañe’ẽ ha japredikánte Cristo-gui. Pe Salvador ete orrestaura Itupao ñanepytyvõ haĝua pe tapére ha’eve haĝua Ha’éicha. Iglesia de Jesucristo de los Santos de los Últimos Días oĩ estructurada ome’ẽ haĝua oportunidad japractika haĝua umi discipulado fundamento. Japarticipávo tupaópe, ña’aprende jahechakuaa haĝua ha ja’actua Espiritu Santo inspiración rupive. Jadesarrolla pe jepokuaa ñaĝuahẽ haĝua ñande rapichakuérape poriahuvereko ha py’aporã reheve.

Kóva ha’e peteĩ ñeha’ã de toda la vida, ha oikotevẽ práctika.

Umi atleta ojerrealizáva ohasa ojeipapakuaa’ỹva hora opractikávo umi ideporte fundamento. Umi enfermera, umi ojapóva redes de contacto, ingeniero nuclear ha jepe umi experto en bordado ikatupyryve ha imehorve hembiapópe opractikarõ mante diligentemente iprofesiónpe.

Peteĩ Aerolinea-gua capitán ramo, py’ỹi aentrena umi piloto-pe aipurúvo peteĩ simulador de vuelo, peteì máquina sofisticada orreproducíva pe experiencia de vuelo. Pe simulador oipytyvõ umi piloto-pe o’aprende haĝua ndaha’éi umi fundamento de vuelo añónte; avei opermiti chupekuéra o’experimenta ha orreacciona umi evento oñeha’arõ’ỹvape ikatúva ohasa ojagarrávo hikuái pe avión añetegua mando.

Upe principio avei oje’aplika Jesucristo discípulo-kuérape ĝuarã.

Japarticipávo activamente Jesucristo Tupaópe ha umi heta oportunidad ome’ẽvape, ñanepytyvõta jajeprepara porãve haĝua umi circunstancia de la vida oñemoambuévape ĝuarã, taha’e ha’éva ha hasýramo jepe. Tupaogua miembro ramo, ñañemokyre’ỹ ñañapymi haĝua Tupã ñe’ẽme oĝuahẽva Iprofetakuéra, ymaguare ha ko’áĝagua rupive. Pe ñembo’e sincero ha humilde ñande Ru Yvagaguápe rupive, ña’aprende jahechakuaávo Espiritu Santo ñe’ẽ. Ja’acepta ñehenói jaservi, ñambo’e, ñaplanea, ñaminstra ha ña’administra haĝua. Ko’ã oportunida opermiti ñandéve jakakuaa espiritu, mente ha character-pe.

Umíva ñanepytyvõta jajepreparávo jajapo ha ñañongatu haĝua umi konvénio sagrado ñanderovasátava ko tekovépe ha pe tekove oútavape.

Ro’invita opaveve Tupã ra’ykuérape opa ko mundo jerére ojoaju haĝua orendive ko tembiapo tuichaitévape. Peju ha pehecha! Jepe ko’ã ára desafiante de COVID-19-pe, pejoaju orendive online-pe. Peñerreuni misionerokuéra ndive online-pe. Pehechakuaa pendejehegui mba’épa ha’e ko tupao! Ko’ã ára hasy ohasa vove, peñerreuni orendive ore rógape ha ore capilla-kuérape.

Poro’invita peju ha peipytyvõ haĝua! Peju ha peservi orendive, ñaministrávo Tupã ta’yrakuérape, jaseguívo pe Salvador ejemplo, ha jajapóvo ko mundo-gui peteĩ tenda porãve.

Peju ha pepertenece! Peẽ oremombaretéta. Ha peẽ penemehorve, pene’amable, ha penderoryvéta avei. Pende jerovia ipypukuvéta ha imbaretevéta, ogueropu’akakuaáta umi turbulencia ha prueba oñeha’arõ’ỹva oúva ko tekovépe.

Ha mba’éichapa ñañepyrũkuaa? Oĩ heta forma ikatúva.

Poro’invita pemoñe’ẽ haĝua pe Mormón Kuatiañe’ẽ. Ndapeguerekóirõ peteĩ copia, ikatu pelee ChurchofJesusChrist.org-pe⁴ térã pemboguejy pe Mormón Kuatiañe’ẽ app. Pe Mormón kuatiañe’ẽ ha’e ambue Jesucristo Testamento ha pe Antiguo ha Nuevo Testamento compañero. Ore rohayhu ko’à Escritura marangatu ha ro’aprende chuguikuéra.

Poro’invita pehasa haĝua michĩmi tiempo ComeuntoChrist.org peikuaa haĝua mba’épa ko Tupaogua miembrokuéra ombo’e ha ogueroviáva.

Pe’invita misionerokuérape ovisita haĝua penendive online térã pende rógape upéva ikatuhápe – ha’ekuéra oguereko peteĩ mensaje de esperanza ha oporomongueráva. Ko’ã misionero ha’e ore ra’y ha rajykuéra ipreciosovéva, oservíva heta tendápe ko mundo jerére oipurúvo itiempo ha ipirapire.

Jesucristo Tupaópe, pejuhúta peteĩ familia hentekuéragui ndaha’éiva idiferenteitereíva pendehegui. Pejuhúta hentekuéra oikotevẽva pene pytyvõre ha penepytyvõséva peñeha’ã aja oiko pendehegui pene version porãve – pe persona Tupã oipotáva oiko pendehegui.

Ikatu pepensa, “Ajapókuri jejavy ko che rekovépe. Naimo’ãi ikatutaha araka’eve añandu aperteneceha pe Jesucristo Tupaópe. Tupã noĩchéne interesado máva cheichaguáva rehe.”

Jesús pe Cristo, ha’érõ jepe pe “Rey de reyes,”⁵ pe Mesías, pe “Tupã oikovéva Ra’y,”⁶ Ha’e ojepy’apy añete opavave ha peteĩ teĩ umi Tupã ta’yrakuéra rehe. Ha’e ojepy’apy oimporta’ỹre peteĩ persona posición – imboriahu térã ipirapire hetápa, iperfecto térã ojeprovápa upe máva. Hekove mortal aja, pe Salvador oministra opavavépe: umi ovy’a ha ojerrealizávape, umi oñekebranta ha okañývape, ha umi iñesperanza’ỹvape. Py’ỹi, umi persona Ha’e oservíva ha oministrávape ndaha’éi umi hente ifamoso, iporã térã ipirapire hetáva. Py’ỹi, umi hente ha’e omopu’ãva’ekue ndoguerekói heta ome’ẽ haĝua a cambio, ndaha’éirõ aguije, peteĩ korasõ humilde ha ideseo ojerovia haĝua.

Jesús ohasarõkuri hekove terrenal oministrávo “umi michĩvévape,”⁷ ¿ndohayhumo’ãi piko chupekuéra ko’áĝa? ¿Ndaipóri piko tenda Itupaópe opa Tupã ta’yrakuérape ĝuarã? ¿Jepe umi oñeñandúva indigno, ojehesaráivagui térã umi ha’eñóvape ĝuarã?

Ndaipóri peteĩ umbral de perfeccion jahupytyva’erã jakalifika haĝua Tupã gracia-pe ĝuarã. Pene ñembo’e natekotevẽi hatã, iñe’ẽkuaa térã oĩ porã gramática-pe oĝuahẽ haĝua yvágape.

Añetehápe, Tupã ndohechaukái favoritismo⁸, umi mba’e ko mundo ovaloráva nde’iséi mba’eve Chupe ĝuarã Ha’e oikuaa ne korasõ, ha nderayhu oimporta’ỹre nde título, ne patrimonio financiero térã mboy seguidores pa reguereko Instagram-pe.

Ñamboykévo ñane korasõ ñande Ru Yvagagua gotyo ha ñañemboja Hese, ñañandúta Ha’e oñembojaha ñanderehe.⁹

Ñande ha’e Ita’yra ha tajyrakuéra jajehayhuetéva.

Jepe umi ombotovéva Chupe.

Jepe umíva, mitã akãhatã ha ilajavaívaicha, ipochy Tupã ha Itupao ndive, ha metafóricamente oprepara imaletakuéra ha osẽmeme pe okẽ rupi he’ívo oñaniha hikuái ha ndoumo’ãiha jey araka’eve.

Peteĩ mitã okañyrõ hógagui, posiblemente ndohechakuaái umi tuvakuéra ojepy’apýva oma’ẽrõ hína ventana rupive. Korasõ kyrỹi reheve, omaña ita’ýra térã itajýra ohóvare, oha’arõvo upe ita’ýra/rajy porãite to’aprende algo upe experiencia oporo mokorasõrasývagui ha ikatu mba’e ohecha pe tekove tesa pyahu reheve, ha algún dia tou jey hógape.

Upéicha avei ñande Ru Yvagagua ndive. Ha’e oha’arõ hína ñande jejujey.

Nde Salvador, mborayhu ha poriahuvereko tesay reheve hesápe, oha’arõ hína nde jejujey Jepe reñeñandu mombyry Tupãgui, Ha’e nderecháta; Ha’e ndeporiahuverekóta ha oñaníta neñañua haĝua.¹⁰

Peju ha pepertenece.

Ñande ha’e peregrino jaguatáva ko mortalidad rapére jaheka memévo pe signifikádo ha añetegua último. Py’ỹi, opa jahecháva ha’e pe tape oĩva directo ñane renondépente; ndaikatúi jahecha moõ gotyopa ñandegueraháta umi curva tepepegua. Ñande amoroso Ru Yvagagua nome’ẽmbái ñandéve umi ñembohovái. Ha’e oha’arõ ñande jadescubri heta mba’e ñandejehegui. Ha’e oha’arõ jajerovia, hasyrõ jepe jajerovia.

Ha’e oha’arõ ña’endereza ñande ati’y ha jadesarrolla michĩmie resolución, peteĩ columna vertebral’imi, ha ñame’ẽ peteì paso tenonde gotyo.

Upéva ha’e forma ña’aprende ha jakakuaaháicha.

¿Peipotáne piko añete toje’explica opa mba’e cada detalle-pe? ¿Peipotáne piko añete toñembohovái cada porandu? ¿Tojehai cada destino?

Aguerovia heta ñande apytépe pya’e ñanekane’ótaha upeichagua microgestión celestial-gui. Ña’aprende umi lección iñimportánteva ko tekovépe experiencia rupive. Ña’aprendévo umi ñande jejavýgui. Ñañe’arrepentívo ha jahechakuaávo tekoñaña ndaha’eiva’ekue araka’eve vy’apavẽ.”¹¹

Jesucristo, pe Tupã Ra’y, omano ani haĝua ñande jejavykuéra ñanekondena ha ombopyta tapiaite ĝuarã ñande progreso. Ha’e rupi, ikatu ñañe’arrepenti, ha ñande jejavykuéra ha’ekuaa umi peldaño peteĩ gloria tuichavévape ĝuarã.

Ndereguataiva’erã ko tapére ne’añomi. Ñande Ru Yvagagua nañanderejái jaguatarei haĝua pytũme.

Upévare, primavera 1820-pe, o’aparese Ita’ýra Jesucristo ndive, peteĩ mitãrusu, José Smith-pe.

Pepensami upévare sapy’ami! ¡Pe universo-gua Tupã oje’aparese yvypórape!

Kóva ha’ékuri peteĩha heta jejotopa José oguerekova’ekuegui Tupã ha ambue seres celestiales ndive. Heta umi ñe’ẽ ko’ã seres divinos oñe’ẽva’ekue chupe ojerregistra umi Iglesia de Jesucristo de los Santos de los Últimos Días Escrituras sagradas-pe Umíva ndahasyi jahupyty. Oimeraẽva ikatu olee ha o’aprende ijehegui pe mensaje Tupã oguerekóva ñandéve ĝuarã ko’ã árape.

Po’invita pe’estudia haĝua pende jehegui.

José Smith imitãkuri gueteri orreicivirõ guare ko’ã revelación Hetave umíva oĝuahẽ okumpli mboyve 30 año,¹² Ndoguerekóikuri experiencia, ha alguno-pe ĝuarã, oiméne ha’évaicha poco calificado ha’e haĝua Ñandejára profeta.

Ha jepe upéicha Ñandejára ohenói chupe—oseguívo peteĩ modelo jatopáva umi Escritura sagrada-pe.

Tupã noha’arõi ojuhu raẽ peteĩ persona perfecta orrestaura haĝua Iñevangelio.

Ha’e oha’arõrire, oha’arõta gueteri hína.

José ojoguaite ndéve ha chéve. José ojavýramo jepe, Tupã oipuru chupe okumpli haĝua umi ipropósito guasu.

Presidente Thomas S. Monson py’ỹi he’i ko’ã momarandu ñe’ẽ: “Upe Ñandejára ohenóivape, Ñandejára okalifika”¹³

“Pekonsiderami pende propio llamado, hermano ha hermanakuéra; ndahetái peẽ ha’ekuri arandu según umi estándares yvyporagua; ndahetái ipoderoso; ndahetái ou noble cuna-gui.”¹⁴

Tupã oipuru umi ikangýva ha isímpleva ohupyty haĝua ipropositokuéra. Ko añetegua ha’e peteĩ testimonio ha’eha Tupã pu’aka, ndaha’éi yvypóra, ogueraháva a cabo Hembiapo ko yvy ári.¹⁵

Tupã oje’aparesévo José Smith-pe, opresenta Ita’ýra Jesucristo-pe, ha he’i chupe: “Ehendu Chupe.”¹⁶

José ohasa hekove ohendúvo ha oseguívo Chupe.

José ndiveguáicha, ñande discipulado oñepyrũ decisión reheve ñahendutaha pe Salavdor Jesucristo-pe.

Reseguisérõ Chupe, embyaty nde jerovia ha ejagarra nde’ári Ikurusu.

Redescubríta heẽ reperteneseha Itupaópe, ha’éva peteì tenda kálido ha reñemoĝuahẽporãvape, rejoajukuaahápe pe discipulado ha vy’a jeheka guasúpe.

Aha’arõ, ko Primera Visión año bicentenario-pe, ñakontempla ha ña’aprendévo Jesucristo Tupao Restauración-gui, tañañeme’ẽ en cuenta ndaha’eiha peteĩ evento histórico-nte. Nde ha che jaguereko peteì parte fundamental ko tuicha, historia okontinuávape.

¿Mba’épa, upeicharõ nde parte ha che parte?

Ha’e ña’aprende Jesucristo-gui. Ja’estudia Iñe’ẽnguéra. Ñahendu ha Jasegui Chupe japarticipávo activamente ko tuicha tembiapópe. ¡Che po’invita peju ha pepertenece haĝua!

Natekotevẽi pendeperfecto. Pedesarrolasénte va’erã pende jerovia ha peñemo’aĝui Hese cada día.

Ñande parte ha’e jahayhu ha jaservi Tupãme ha jahayhu ha jaservi Tupã ra’ykuérape.

Pejapóvo upéicha, Tupã penembojeréta Imborayhu, Ivy’a ha cierto guía reheve ko tekove rupive, jepe umi circunstancia iseriovévape ha jepe upéva amogotove.

Kóvagui atestifika, ha aheja peẽme che jerovasa, gratitud ha mborayhu pypukúpe opave pende rehe, ñande Salvador, ñane Maestro réra sagrado-pe—Jesucristo rérape. Amén.