Cristo oikovejey; Hese ojeroviáva omomýita yvytykuéra
Jerovia Jesucristo-re ha’e pu’aka tuichavéva jarekóva ko tekovépe. Opa mba’e ikatukuaa oiko umi ogueroviávape g̃uarã.
Che hermano ha hermana-kuéra, cheaguyje aguereko haguére privilegio añe’ẽvo peẽme ko Pascua de Resurrección domingo-pe.1 Jesucristo sacrificio expiatorio ha Ijeikovejey omoambue ñande rekovekuéra tapiaite g̃uarã. Rohayhu Chupe ha romomorã Chupe ha ñande Ru Yvagaguápe
Umi séi mése pahápe, jalucha meme gueteri peteĩ pandemia mundial reheve. Añemaravilla pene ñemova’ỹ ha mbarete espiritual mba’asy, ñemano, ha ñemoha’eño rovake. Añembo’e mante, peñandu hag̃ua Ñandejára mborayhu opa’ỹva penderehe. Pende prueba ojaporõkuri pendehegui discípulo ijeroviarekovéva, ko ary ohasava’ekuépe ndohasareírira’e.
Ko pyharevépe, oñehendu tupao lider-kuérape oúva heta continente ojeikohágui ko yvýpe. Aẽtehápe, pe evanhélio jehovasapy ha’e oparaza, lengua ha pueblo-pe g̃uarã. Jesucristo Tupao Santokuéra Ára Pahapegua ha’e peteĩ tupao mundial Jesucristo ha’e ñande líder.
Po’ápe, ni peteĩ pandémia ndojokói toho tenonderã Hi’añetegua. Jesucristo Evanhélio ha’e pe oikotevẽvéva ko yvóra iñapañuái, oñorairõ ha ikane’õva.
Peteĩteĩ Tupã ra’ykuéra omerese oportunidad ohendúvo ha oaceptávo Jesucristo mensáhe oporomonguera ha opororredimíva. Ni peteĩ ambue mensáhe imba’eguasuve ñane vy’apavẽrã ko’ág̃a ha tapiaite g̃uarã.2 Ndaipóri mensáhe henyhẽvéva ñeha’arõkuaágui. Ndaipóri ambue mensáhe ikatúva oipe’a pe joavy ñande sosiedágui;
Jerovia Jesucristo-re ha’e opa jeguerovia pyenda ha pu’aka divíno guerahaha. Apóstol Pablo he’iháicha, “Ndaikatúi jaguerohory Tupãme jareko’ỹrõ jerovia. Ñañemboja hag̃ua Tupãre niko jaroviava’erã ha’e oikoveha ha omyengoviaha umi Chupe ohekáva jesarekópe.”3
Opa tekovegua mba’e porã – opa jehovasapy orekóva significado eterno – oñepyrũ jerovia reheve. Jahejávo Tupã taipu’aka ñande rekovépe oñepyrũ jerovia reheve Ha’e oĩha dispuesto ñandegiávo. Pe arrepentimiento añetegua oñepyrũ jerovia reheve Jesucristo ipu’akaha ñanemopotĩ, ñanemonguera ha ñanemombarete hag̃ua.4
“Ani hag̃ua penega Tupã puʼaka,” proféta Moroni he’i, “haʼe ombaʼapógui puʼaka rupive, ojeroviaháicha hikuáiyvypóra raʼykuéra.”5 Ha’e ñandefe pe omosãsóva Tupã pu’aka ñanderekovépe.
Ha katu ñamomba’apo jerovia ikatu ha’ete ipohýivaicha. Sapy’ánte ñañeporandu ikatútapa jareko jerovia jahupyty hag̃uáicha umi jehovasa ñaikotevẽtéva. Upevére, Ñandejára ompopaha umi kyhyje Mormón Kuatiañe’ẽmegua proféta Alma ñe’ẽ rupive,
Alma ojerurénte ñandéve ña’experimentahag̃ua iñe’ẽ reheve ha [ña]mombaʼapo michĩmiupe fe, heẽ, [ñande] tahaʼe jepe jagueroviasénteva.”6 Pe ñe’ẽjoaju “michĩmi jerovia” ñanemomandu’a Ñandejára promesa Bíblia-pe “ñande fe michĩmiramo jepe oimeraẽ mostaza ra’ỹichaikatúta ja’e peteĩ yvytýpe: “Ejei ko’águi amo”, ha pe yvyty ováta; ha Mba’eve ikatu’ỹchéne [ñandéve] g̃uarã.”7
Ñandejára oikuaa ñane kangykue yvypóraicha. Opavave javasila sapy’ánte. Ha katu avei oikuaa pe ñande ikatúva. Pe mostaza ra’ỹi oñepyrũ michĩ, ha katu okakuaa oiko peve chugui peteĩ yvyramáta guasu umi guyra ikatuhápe ojaitypo hakãme. Pe mostaza ra’ỹi omoha’anga peteĩ jerovia michĩva ha katu okakuaáva8
Ñandejára noikotevẽi jareko peteĩ jerovia iporãmbávajareko hag̃ua acceso Ipu’aka iporãmbávape. Ha katu ojerure ñandéve tajaguerovia.
Che hermano ha hermanakuéra pohayhuetéva, pohenói ko Pascua de Resurrección pyharevépe peñepyrũ hag̃ua ko árapepemongakuaa pende fe. Pende jerovia rupi, Jesucristo ombotuichavéta pende katupyry pemomyi hag̃ua umi yvyty pende rekovépe,9pende desafio personal tuicháramo jepe yvyty Everest-cha.
Pende yvyty ikatu ha’e soleda, dúda, mba’asy térã ambue problema personal. Pende yvyty iñambuéta ha, katu, pe ñembohovái peteĩteĩ pende desafio-pe ha’e pemongakuaa pende jerovia. Upéva oikotevẽ ñemba’apo. Umi temimbo’e ate’ỹ ha umi discípulo ojesareko’ỹvape hasýta ombyaty hag̃ua jepe jerovia michĩvéva.
Ojejapo porã peteĩ mba’e oikotevẽ ñeha’ã. Ojeiko Jesucristo discípulo añetéva ramo ndaha’éi peteĩ excepción. Fe ha jerovia Hese ñembotuicha oikotevẽ ñeha’ã. Ame’ẽsemi peẽme cinco sugerencia poipytyvõ hag̃ua pedesarrollávo upe fe ha jerovia.
Peteĩha, pe’estudia Toiko pendehegui estudiante ojededikáva. Peñapymi umi Escritura-pe peikuaa porãve hag̃ua Cristo misiõ ha ministerio. Peikuaa Cristo doctrina pentende hag̃ua pu’aka orekóva pende rekovépe. Pemoinge pendepype añetegua oje’aplikaha Jesucristo expiasiõpeẽme Ha’e ojapyhy Hi’ári pendereko’asy, pendejejavy, penekangykue ha peneangaipakuéra. Ha’e ohepyme’ẽ upe compensacíon repykue ha ome’ẽ pu’aka pemomýi hag̃ua opayvyty pembohovakétava. Peẽ pehupyty upe pu’aka pende fe, jerovia ha volunta pesegi hag̃ua Chupére.
Ikatu pemomýi pende yvyty oikotevẽ peteĩ milagro rehe. Pe’aprende umi milagro-gui. Umi milagro oiko pendejeroviaháicha Ñandejárare. Peteĩ mba’eguasu upe jeroviápe ha’e jajerovia Hembipota ha Hi’árare: mba’éicha ha araka’e penderovasáta upe pytyvõ milagroso peipotáva reheve. Pendejeroviaỹañónte ojokóta Tupã tapenderovasa umi milagro reheve pemomýi hag̃ua umi yvyty penderekovépe.10
Peñemoaranduvévo Salvador rehe, hasy’ỹvéta pejerovia Iporiahuverekóre, Imborayhu opave’ỹva ha Ipu’aka oporomombarete, omonguera ha orredimi hag̃ua. Pe Salvador araka’eve nahi’ag̃uivéi pendehegui pembohovakérõ térã pejupívo peteĩ yvyty fe reheve
Mokõiha, peiporavo pegueroviaJesucristo-pe Pedudárõ Tupã pe Túva ha Ita’ýra Ohayhuetévagui, térã pe Restauración añetegua, térã José Smith llamamiento divínogui proféta ramo, peiporavopeguerovia11ha pepyta jeroviarekópe. Pegueraha pene porandu Ñandejárape ha ambue fuente añetéva. Pe’estudia pegueroviasévo petopaserangue peteĩ falla pe proféta rekovépe térã joavy Escriturakuérape. Ani pembokakuaa umi pende duda peje jey jeývo umi oguerovia’ỹvape. Peheja Ñandejára tapendegia pende descubrimiento espiritual rapére.
Mbohapyha, pejapofe reheve. Mba’e pejapóne peguerekovéramofe? Pejepy’amongetami upévare; Pehai upévare. Upéi pehupytyvefe pejapóvo peteĩ mba’e oikotevẽvévafe.
Irundyha, peparticipa tekopotĩme umi ordenánsa sagrada-guitekojojápe. Umi ordenánsa omosãso Tupã pu’aka pende rekovépe.12
Ha cinco-ha, pejerurepytyvõ pende Ru Yvagaguápe, Jesucristo rérape.
Fe oikotevẽ ñemba’apóre; Revelación jehupyty oikotevẽ ñemba’apóre, Ha katu “Opavave ojerurévape, oñemeʼẽta; ha pe ohekáva, ojuhúta; ha pe ohenóivape, ojepeʼátagui.”13 Tupã oikuaa mba’épa penepytyvõtava pende fe okakuaa hag̃ua. Pejerure ha pejerure jey.
Peteĩ oguerovia’ỹva ikatu he’i fe ha’eha umi ikangývape g̃uarã. Ha katu pe oguerovia’ỹva noñandúi araka’eve fe pu’aka. Osegineraka’e piko pe Salvador apostol-kuéra ombo’évo Idoctrina Ha’e omano rire, oarriesgávo hekovekuéra, odudárõ hikuái Chugui?14 Ohasava’erãmo’ã piko José ha Hyrum mártir ñemano odefendévo pe Ñandejára tupao restauración ndoguerekóiramo hikuái peteĩ testimonio mbarete upéva añeteguaha? Omanova’erãmo’ã piko haimete 2000 santokuéra upe pionero rapére15oguerekórire hikuái dúda Jesucristo evanhélio ojerrestaurahague? Añetehápe, fe ha’e pe pu’aka ojapóvape oñeimo’ã’ỹva tokumpli pe oikokuaa’ỹva.
Ani pemomichĩ upe fe peguerekómava. Oñeikotevẽ fe jajoaju hag̃ua tupaóre ha japyta jeroviarekópe. Oñeikotevẽ fe jasegi hag̃ua profetakuérape jasegirãngue umi experto ha umi hentekuéra he’íva. Oñeikotevẽ fe jaservi hag̃ua peteĩ misiõ peteĩ pandemia aja. Oñeikotevẽ fe javivi hag̃ua peteĩ tekopotĩme yvóra he’i aja Tupã kastida léi ohasámahague de moda. Oñeikotevẽ fe ñambo’e hag̃ua Evanhélio mitãnguérape peteĩ yvóra secular-pe. Oñeikotevẽ fe jajerure’asy hag̃ua peteĩ jahayhúva rekovére, ha jepe fe tuichave ja’acepta hag̃ua peteĩ ñembohovái ndajaipotáiva.
Ojapo mokõi ary, hermana Nelson ha che rovisita Samoa, Tonga, Fiji, ha Tahiti. Peteĩteĩ umi tetãme oky hatãkuri heta ára aja. Miembro-kuéra oajuna ha oñembo’e ijatykuéra okapegua toñemo’ã amágui.
Samoa, Fiyi ha Tahití-pe, oñepyrũmi javeumi aty opi, Ha katu Tonga-pe, ama ndopíri. Upevére, 13.000 santokuéra ijeroviarekóva oĝuahẽ heta aravo mboyve okonsegi haĝua peteĩ asiento, oha’arõ pacientemente peteĩ ama meme aja ha upéi oguapy hikuái peteĩ aty hykuéva oduráva mokõi aravo aja.
Rohecha peteĩteĩ umi isleño-pe peteĩ fe ojajáiva omba’apóvo: fe iporãmava ojoko hag̃ua ama, ha fe okontinua hag̃ua ama ndopíriramo jepe.
Umi yvyty ñande rekovépe nda’akói omýi jaipotaháicha térã jaipotáramo, Ha katu ñande fe akóinteñanemyañáta tenonde gotyo. Pe jerovia akoieteombotuicha ñande acceso pu’aka divínope.
Peikuaamike kóva: opa mba’e ha opa yvoragua yvypóra peẽ pejeroviávare ofallárõ peẽme, Jesucristo ha Itupao ndofallamo’ãi araka’evepeẽme . Ñandejára araka’eve ndokevýi ni ndokéi.16 Ha’e “peteĩnte kuehe, ko ára, ha [ko’erõ].”17 Ha’e ndohejareimo’ãi Ikonveniokuéra18 Ipromesa ni Imborayhu Itavayguakuérare. Ha’e ojapo milagro-kuéra ko árape ha Ha’e ojapóta ko’ẽrõ avei.19
Jerovia Jesucristo-re ha’e pu’aka tuichavévajarekóva ko tekovépe. Opa mba’e ikatukuaa oiko umi ogueroviávape g̃uarã.20
Pende fe Hese okakuaávaomomýita yvytykuéra, ndaha’éi umi yvyty itaguigua omoporãva ko yvy, ha katu umi yvyty vy’aỹ rehegua pende rekovépe. Pende jerovia ijyvotývapenepytyvõta pejapo hag̃ua peteĩ desafiogui peteĩ jekakuaa ha oportunida ijojaha’ỹva.
Ko domingo de Pascua de Resurrección-pe, che remiandu pypuku mborayhu ha adeclara che testimonio Jesucristo añetehápe oikovejeyha. Oikovejey oisãmbyhy hag̃ua Itupao Oikovejey ohovasa hag̃ua opa Tupã ta’yrakuéra, oiko oikohápe. Hendive, ikatu ñamomýi umi yvyty oĩva ñande rekovépe. Atestifika Jesucristo réra sagrado-pe, amén