Kanoana

Ngkana ko wareka rongorongon Maiuna ao ana mwakuri inanon booki aika tabu, ao kona ataa iai aron mwaitin ana katooto Iesu Kristo iaon te tangira. E katoki aoraki ao e kakabwaiaiia aomata. E aki rangin n tara kabwakan te aomata, ma e tara riki nanon te aomata—karekea te kantaninga, te kamaiu, ao te kakabwarabure rinanon Ana mwakuri, reirei, ao ana mwakuri ni kamaiu ae korakora.

Te Tia Kamaiu ae bon anne naba, Natin te Atua, ae maiu. E atai nanora ao e tangiriira. Iai ana nanoanga ao nanona ni kakabwaiaira. Anne te rongorongo n te maekatiin aei. Ko na kunea n aia taeka burabeti ao abotoro aika maiu, reirei bwa antai Kristo ao tera Ae karekea ibukira. Ao ane ko na kunea n aia koaua aomata ake a tia ni kakabwaiakaki maiuia man butimwaean ana kakao Kristo n roko Nakoina n reirei Arona, man Iriria.

Ti kaoi ngkami bwa kam na kamatebwai rongorongo aikai ma te tataro mwaaka, Karin inanomi, ao tibwauai ma tabeman.

——Taian eteta

Ataakin nanon aran Iesu Kristo. E kinaaki Iesu n arana aika mwaiti, inanon booki aika tabu. Tabeua ma ibuakoia a maroroakinaki n te beeba ni kaonogora aei. Ko kanga n tia n namakina Ana tangira man ataakin Arana ao ataakina bwa tera ae a nanonaki n oin maium?

Kakoauaan te Tia Kamaiu. Imwiin warekan “Te tia Kakoaua ibukin Kristo” (iteraniba. 58), iangoi kawai tabeua ake ko kona—ao ni karaoi—n tei bwa ana Tia kakoaua. A kanga kaotakin aia kakoaua ni kakorakorai ami onimaki?

Reiakinan ao Kamatebwaiain te Euangkerio. E katauraoi Ana Ekaretia Iesu Kristo Ibukiia Aika Itiaki Ni Boong Aika Kaitira bwaai n reirei aika mwaiti ibukin reiakinan te Euangkerio inanon mweenga ao inanon te Ekaretia. Ibukin rongorongona riki ae bwanin, nakon www.ldscatalog.com ke te tienta n tibwatibwa n am tabo.