Ata

Elaine S. Dalton

“Na afio mai le Faaola i le lalolagi e faaali mai ia i tatou le auala e ola ai i le fuafuaga lea sa faapogai i le lagi—o se fuafuaga afai e ola ai, o le a tatou fiafia. O Lana faataitaiga na faaali mai ai ia i tatou le ala e toe foi atu ai i lo tatou Tama Faalelagi. E leai se isi na ola na matuai sili atu ona ‘tutumau ma le le mafaagaeetia’ (Mosaea 5:15). E lei faalavelaveina o Ia. Sa taulai atu o Ia i le faataunuuina o le finagalo o le Tama, ma sa tumau faamaoni o Ia i Lana misiona paia. …

“O outou o se vaega o lena fuafuaga ofoofogia lea na tuuina mai i le muai olaga. O lo outou oo mai i le lalolagi i le taimi nei ua leva ona tulimatai atu i ai talu ona taliaina le fuafuaga. O lo outou tulaga i le olaga ma le lalolagi e le o se mea na faafuaseia. O lo outou ‘faatuatua tele ma galuega lelei’ (Alema 13:3) i le muai olaga na faataatia ai le faavae o mea e mafai ona outou ausia nei pe afai tou te faamaoni ma usiusitai. … O loo i ai sa outou galuega tele e fai. Ina ia ausia la outou misiona paia ma ola i le fuafuaga o le fiafia, e tatau ai foi ona outou tutumau ma le le mafaagaeetia.”