2011
Jisōs Kraist eaar En̄taan kōn Jerawiwi ko Ad
Eprōļ 2011

Ta eo Jej Tōmak ie

Jisōs Kraist eaar En̄taan kōn Jerawiwi ko Ad

Juon iaan un ko jej pād ijin ioon laļ in ej n̄an katak n̄an pokake kien ko an Anij. Ijello̧kin wōt Jisōs Kraist, eo eaar mour juon mour eweppān, aolep ro em̧ōj aer mour ioon laļ in em̧ōj aer jerawiwi (lale Rom 3:23; 1 Jon 1:8). Jerawiwi ej n̄e jej kōņaan rupe kien ko an Anij, im aolep jerawiwi ko ewōr juon aer kajen kobaik ļo̧k ippāer. N̄e jej jerawiwi, jim̧we ej menin aikuj bwe jen en̄taan kōn kaje (lale Alma 42:16–22).

Ilo jem̧ļo̧kin, kaje eo an jabdewōt jerawiwi ej jepeļo̧k jān Anij (lale 1 Nephi 10:21). Jepeļļo̧k in jon̄an al ļap jej jab maron̄ bar kōm̧m̧ane kōn kōn make.

N̄an eļļā jān jepeļļo̧k in, Jemedwōj Ilan̄ eaar kōpooj juon iaļ n̄an Nejin Jitōnbōro Emake Wōt, Jisōs Kraist, n̄an bōk ioon Make eddo eo an jerawiwi ko ad, kōm̧m̧an bwe en pidodo n̄an kōj n̄an erom erreo ilo jetōb im bar koba Ippān. En̄in ej karōk in jouj.

Rilo̧mo̧o̧r eo eaar katkain bwe Eaar en̄taan kōn men kein aolep bwe ren jab maron̄ en̄taan eļan̄n̄e renaaj ukweļo̧k. Bōtaab eļan̄n̄e rejjab ukweļo̧k, rej aikuj in en̄taan āinwōt An kar en̄taan (lale D&C 19:16–17).

Ejjā m̧ōttan wōt Pinmuur eo An, Jisōs eaar en̄taan kōn jerawiwi ko ad ilo Jikin Kallib Gethsemane im ioon debwāāl an Calvary. Jen ad ukweļo̧k jān jerawiwi ko ad, jemaron̄ bōktok kajoor eo in Pinmuur eo An n̄an mour ko ad.

Jisōs Kraist, eo eaar m̧ōņōņō in pinmuur kōn jerawiwi ko ad, eaar ba:

“Kom̧win itok n̄an Ippa, Kom̧ otemjej rej jerbal in ban, im Inaaj kakkijeik kom̧.

“Kom̧in bōk Aō ine im likūte iaerami, im katak Ippa, bwe Ij ineem̧m̧an im ettā būruō, im kom̧ naaj lo ami kakkije.

“Bwe Aō ine ej em̧m̧an, im men eo Ij ineke e e m̧ōrā” (Matu 11:28–30).

Pinmuur eo ej barāinwōt letok kōjeram̧man kein:

  1. Jerkakpeje n̄an aolep ro rej ļotak ioon laļ in (lale Alma 11:42–45).

  2. Mour indeeo im̧aan mejān Anij n̄an aolep ajri ro nejin me raar mej m̧okta jen aer tōpar iiō in bōk eddo in, ralitōk iiō (lale Mosaia 3:16; 15:24–25; Moronai 8:8–12).

  3. Maron̄ n̄an pukōt aenōm̧m̧an ilo iien mālijjon̄ ko kōnke Jisōs eaar make bōk ioon Make metak ko ad im nan̄inmej ko ad (lale Jon 14:27; Alma 7:11–12).

  4. Ņa o̧ņāān jim̧we n̄an jab wānōk ko an mour in (lale Preach My Gospel [2004], 52).

“Jisōs Kraist, āinwōt Nejin Anij Jitōbōro Emake Wōt im armej eo deeo eaar mour ioon laļin ejjeļo̧k an jerawiwi, eaar e wōt juon emaron̄ in kōm̧m̧ane pinmuur eo n̄an aolep armej” (Bible Dictionary, “Atonement”).

O Jema, jān Simon Dewey; Jisōs Kraist ej Loļo̧k Amedka, jān John Scott © IRI; pija in juon nin̄nin̄ © Getty Images; pija ko jet jān by Christina Smith