Maliliit at mga Karaniwang Bagay

2011

Abril 2011

Maliliit at mga Karaniwang Bagay

“At mula sa maliliit na bagay nagmumula ang yaong dakila” (D at T 64:33).

Matuto mula sa Kumperensya

Ang aming mga anak ay malalaki na at may kani-kanyang tahanan at pamilya, ngunit nakahanap kami ng magandang paraan na sama-samang matutuhan ang mga salita ng mga propeta. Sa tuwing matatapos ang bawat pangkalahatang kumperensya, pinag-aaralan ko sa buwan ding iyon ang mga mensahe sa www.conference.lds.org at pumipili ng mga quotation doon na nagbibigay ng tagubilin, patnubay, at kaaliwan. Sapat ang nakokolekta ko para may isang quotation bawat araw sa loob ng anim na buwan. (Halimbawa, noong Abril, may quotation ako araw-araw para sa Mayo 1–Oktubre 31.) Pagkatapos ay binibigyan ko ng kopya ng mga quotation na ito ang bawat isa sa aming mga anak.

Bilang karagdagan sa sariling pag-aaral nila ng mga mensahe sa kumperensya, ang mga quotation na ito ang nagiging paksa ng pag-uusap ng mga miyembro ng pamilya. Isang magandang karanasan ang repasuhin ang payo ng mga propeta sa sumunod na mga buwan matapos ang pangkalahatang kumperensya, kahit milya-milya ang layo namin sa isa’t isa.

Christine Tippetts, Utah, USA

LDS Employment Resource Services Workshop

Ang LDS Employment Resource Services ay nagbibigay ng workshop para tulungan ang mga taong naghahanap ng trabaho, gustong pumasok sa eskwelahan, o nagsisimulang magtayo ng negosyo. Ang workshop ay tumutulong sa mga tao na matukoy ang kanilang mga mithiin at magkaroon ng tiwala sa kanilang kakayahang magtagumpay. Layon nitong magturo, mahikayat at makibahagi ang lahat, at maging kasiya-siya. Ang mga taong nagsasagawa ng kanilang natutuhan sa workshop ay kadalasang nakahahanap ng trabaho nang mas mabilis kaysa sa ibang hindi ginagawa ito.

Kabilang sa workshop ang mga paksang tulad ng pagtukoy sa mga mithiing gustong makamtan, paghanap ng mga makatutulong upang makamtan ang mga mithiin, pagsusulat ng mga résumé, at pagtatagumpay sa bagong trabaho.

Para malaman ang pagdarausan ng workshop, magtanong sa inyong bishop o branch president o bisitahin ang www.ldsjobs.org at mag-klik sa “Find a Center.”

KALIWANG ITAAS: PAGLALARAWAN NI Paul Mann; detalye mula sa Dinala ni Saphan ang mga Nakabalumbon na Papel kay Josias, ni Robert T. Barrett © 1990, hindi maaaring kopyahin; Pinaikli ni Mormon ang Tala sa mga Lamina, ni Tom Lovell © IRI; David at Goliath, ni Steve Nethercott, hindi maaaring kopyahin; Sinaunang mga Halimbawa/Makabagong mga Pangako, ni Jeff Ward