Te Mwakuri ae Tabu

N te tairiki teuana toau ni mitinare ao ngai ti karebwerebwe iaon ana mataroa te kairake ni mwaane are ataein te reirei are e reirei n teuana ana reirei ae rietata London. E butimwaira ni kariniira, n ao ti kabwarabwaraa bwa ngaira mitinare n ana Ekaretia Iesu Kristo Ibukiia aika Itiaki ni Boong aika Kaitira. E taraa ni kan reireinaki ae n mwaiti riki n rongorongon Kaokanbwaai n te euangkerio, ngaia are ti kakoaua iroun te Burabeti Iotebwa Timiti ao n tuangnga taekan te boki ae tabu mairoun Tamara are I Karawa ae e aranaki bwa Ana Boki Moomon. Ti kabwarabwaraa bwa e bon tabu ibukina bwa e kakoaua iroun Iesu Kristo.

Ti kabwarabwara bwa e kona n ataia ibon irouna ni koauana ao n anganna ana boki. Ngke I anganna ana Boki Moomon, e teirake man ana kaintekateka ni kiitana te ruu n aki taekina te taeka teuana. I taua ana Boki Moomon inanon baiu tabeua te tai, ao ti itaramata ma toau ni miimi ni kainabwaabu, n titiraki bwa tera ae ti na karaoia. I katuka te boki iaon te taibora.

Ti kona n noora raora n te umwanikuuka n teboki baina ao ni kamwaui n te taara ae itiaki. E oki rikaaki nakon te ruu ao e tabeka ana Boki Moomon man te taibora ao e ti taekina aei, “Au aomata a teboki baia n tainako imwain ae a taua te bwai ae tabu.” A ranran matau ngke I taraa te kairake ni mwaane aei ni kauka ana Boki Moomon n te moan tai n raibaia baana aika a tabu ni baina aika a itiaki.

E reirei Aramwa bwa koroboki aika a tabu a tabu ao a kawakinaki bwa a na uotii tamnei nakon te kamaiuaki. E taekinna nakon natina Ereman, “te Atua e a tia ni mwiokoiko ma bwaai aikai, ake a kaawakin bwa a tabu, are e na taua naba ma ni kawakinna bwa iai bukina ae kakannanto irouna, bwa e na kaota mwaakana nakoia rooro aika a na roko.” (Aramwa 37:14).

I kanakoaki n te mition bwa N na reireia ana euangkerio Iesu Kristo ae kaokaki, e ngae n anne bon ngai temanna ae reireiaki iroun te kairake n ataeinimwane aei ma baina aika itiaki. Inanon katei aika a bati—n ikotaki ma au katei—e aki kakaawaki bwa ti na kaitiaki baira imwain warekan koroboki aika a tabu, ma ana katooto ae uarereke ni karinerine bon te kauring ae korakora n tabun ana Boki Moomon.