Liahona, Oktubre 2011
Malipayong Pagbasa Niining Espesyal nga Isyu
Pipila ka mga hilisgutan ang angayang gahinan sa tibuok isyu, apan ang Basahon ni Mormon usa niini. Dinhi niini nga isyu, ang mga propeta kaniadto ug karon, ingon man ang mga miyembro sa tibuok kalibutan, nagpamatuod kabahin niining talagsaon nga basahon sa kasulatan. Ang sinugdanan niini katingalahan. Kini makita nga ebidensya sa Pagpahiuli. Kini ang sukaranang bato sa atong tinuohan. Ug kini gisulat alang sa atong panahon—nagtudlo sa doktrina ni Kristo sa klaro ug yano nga paagi aron sa pag-ugmad sa atong pagtuo ug paglig-on sa atong mga pamilya.
Bisan og dili ninyo makit-an ang daghan sa mga bahin nga inyong naandan nga makita sa Liahona, ang Mensahe sa Unang Kapangulohan (pahina 4) ug ang Mensahe sa Visiting Teaching (pahina 46) ania dinhi. Kini nga mga mensahe ug ang uban pa nga mga artikulo nagpakigbahin og mga pagpamatuod ug mga pagtulun-an gikan sa Basahon ni Mormon.
Nagdapit kami kaninyo nga magmainampoon sa pagtuon niini nga isyu, isulod gayud sa kasingkasing ang mga mensahe, ug ipakigbahin kini—ug ang Basahon ni Mormon—sa uban.
Daghang mga painting niini nga isyu naglakip og hulagway sa Liahona nga nadawat ni Lehi. Ang mga Liahona wala gitaguan ug mahimong dili sama sa usa nga anaa sa ibabaw, apan kamo ug ang inyong pamilya mahimong malingaw sa pagdiskobre kon pila ka mga Liahona ang inyong makita sa tibuok isyu.
Sa hapin
Sa atubangan: Paghulagway sa litrato pinaagi ni John Luke; Nga Unta Ikaw Masayud, ni Gary Kapp, sa maayong kabubut-on ni Mr. ug Mrs. David Larsen, dili mahimong pakopyahan. Sa luyo: Imahe ni Kristo, ni Heinrich Hofmann, sa maayong kabubut-on sa C. Harrison Conroy Co.