E au anei au i te ohipa faahororaa parau ?

Ua amui atu vau i roto i ta matou opuaraa tĭtĭ, e rave i te faahororaa parau no e 50 000 i‘oa. I te haamataraa e mea paari roa. E rave rahi taime, ua tafifi au i te taiʻoraa i te huru papaʻiraa i roto i ta’u puʻe parau, e i te tahi taime ua hinaaro roa vau ia faaho‘i i te reira e ia faauta uira mai i te mea apî. Areʻa râ, ua feruri au e mai te peu e mana‘o te taatoaraa mai te reira, e riro teie mau puʻe parau i te vaiihohia no te hopea roa. Ua feruri noa vau i te rahiraa anaʻiraa taata e tia‘i noa ra i te ao varua, e ua faaoti atura vau e tamata faahou â i te tai‘o i teie mau i‘oa e ia papa‘i maitai i te reira ma te hape ore.

Ua haapii mai au ia here i teie mau taata. Ua taa ia’u e, e hinaaro mau to ratou i te tauturu, e te hinaaro atoa nei tatou i ta ratou tauturu. E i te ra taime, ua taa maitai ia’u e, e haamanaʻo te faanahoraa maitai roa a te Metua i te Ao ra i te mau taata atoa. Ia pee ana‘e tatou i te faaûruraa e i te arata‘iraa a To’na mau feia faatere ma‘itihia, e ite tatou i To’na aroha e To’na here faito ore.

Ua riro ihora te faahororaa parau ei ohipa faahiahia mau no’u. Ua haapii mai au i te haafaufaa e i te here i te mau mea e rave rahi no ni‘a i te aamu utuafare. Ua farii atoa vau i te mau horo‘a faufaa rahi no ô mai i to tatou Fatu ra na roto i te haapa‘oraa i te hoê mea ohie roa, te amuiraa’tu i roto i te ohipa faahororaa parau.