Anjo kōn Jisōs Kraist

Ewōr juon aō inepata ilo an ļap aō m̧ōn̄ā Nan̄inmej ko remakijkij ippa raar waļo̧k in tarjen jon̄an m̧ōn̄ā Iaar en̄jake an ļap aō mōjņo̧ ke iaar kajjieon̄ eļļā jān jorrāān in aō.

Ium̧win juon iien eaitok, iaar kowaane m̧ool in bwe Pinmuur eo an Rilo̧mo̧o̧r eo ej jab lo̧mo̧o̧ren wōt kōj ak ej barāinwōt pinmuuri kōj im kōwāppenļo̧k kōj, im bwe menin aaet ej jerbal n̄an eļaptata imminene eo aō ejjab jejjet ilo būrooklep.

Iaar pepe ippa n̄an leļo̧k n̄a make n̄an Rilo̧mo̧o̧r eo. Iaar jar. Ij m̧ool in kwaļo̧k mōjņo̧ in aō im aō aikuj kōn tūriamo̧, innām iaar kajjitōk ippān Jemedwōj Ilan̄ n̄an kōjeram̧m̧an eō kōn jipan̄ eo An ekwojarjar ilo raan eo ej pedo tok. Joten eo iaar en̄jake kalim̧m̧ur eo an juon jemān eo eakwe bwe E ewōr ippān kōņaan eo ban jon̄e n̄an jipan̄ ļaddik eo Nejin im kajoor eo ejjeļo̧k kajjitōk kake n̄an kakūrm̧ool Ankilaan.

Jān bon̄ōn eo, m̧ōn̄ā ekar jab bar kain ejja kareel eo ekadodoik eō. Ijeļā Jisōs Kraist ej un eo n̄an aō tōprak. Āinwōt Paul, ij katak menin bwe “Imaron̄ in kōm̧m̧an men otemjej ilo E ej kakajoor eō” (Pilippai 4:13). Im ij kajjieon̄ jab meļo̧kļo̧k bar juon katak jān Paul: “A kam̧m̧oolol Anij, eo Ej letok n̄an kōj anjo̧ kōn ad Irooj Jisōs Kraist” (1 Korint 15:57).