Elder Vern P. Stanfill

E talitonu Elder Vern Perry Stanfill e leai se mea e tupu fua. E talitonu o ia o loo i ai fesootaiga i lenei olaga i le va o tagata mo se faamoemoega ma e mafai e le Alii ona uunaia Lana fanau ia avea ma ni faamanuiaga i isi.

E fiafia Elder Stanfill e auauna atu i isi i le talalelei, aemaise lava le galulue faatasi ai ma tagata taitoatasi.

Na soifua mai o ia i le aso 8 Aokuso, 1957, ia Jed ma Peggy Stanfill, na ola ae Elder Stanfill i se faatoaga lafumanu o povi e latalata i Townsend, Monatana. Sa ia aoaoina le taua o le galue malosi ma atinaeina se molimau o le Faaola o Iesu Keriso. O le lona tolu o le fanau e toafa, o Elder Stanfill e toalua ona uso matutua ma se tuafafine laitiiti o e na galulue faamaoni i le Ekalesia.

“O loo i ai le aao o le Alii i o tatou olaga e ui i o tatou vaivaiga,” na ia fai mai ai. “Ma te le atoatoa ma lo‘u toalua. E le atoatoa lo ma aiga. Ua na o i matou o ni tagata faatauvaa o e o taumafai e ola ai o matou olaga i lea aso ma lea aso ma tuu atu i le Alii ina ia avea ai ma se vaega.”

Ina ua uma ona auauna atu i se misiona talai i Toulouse, Farani, ma tulimata‘ia se faailoga i mataupu faa-faatoaga i le Iunivesite o Polika Iaga, sa ia feiloai ma faaipoipo ia Alicia Cox. Sa la faaipoipo i le aso 17 Tesema, 1980, i le Malumalu o Sate Leki.

Ina ua maea le faauuga, sa toe siitia atu le au Stanfills i Monatana ina ia mafai ona fesoasoani e galueaina le faatoaga o le aiga, taulimaina o manu, vaomago, ma le faagaoioiga o le saito. Sa ia faatauina atu le pisinisi i le 1998, ma amata ona puleaina se vaega o fanua faatau ma mea tau tupe, o fanua ma le mea e faaaoga mea tau tupe, faapea foi ma faatulagaina o fesoasoaniga agalelei ma mataupu tau aseta.

Na aofia Elder Stanfill i mea tau vaalele i tulaga faapisinisi ma faasamasamanoa ma na ia umia uma ni tusi faamaonia mo vaalele tetele la’u pasese ma helikopa.

E le gata i le tausiaina faatasi ma lona faletua o se fanau teine e toafa, na maua e Elder Stanfill ni avanoa e auauna atu ai i le Ekalesia o se peresitene o le korama a toeaina, epikopo, fautua maualuga, peresitene o le siteki, ma Fitugafulu Eria. Sa ia auauna atu i le Korama Lona Ono a Fitugafulu i le taimi o lona valaauga i le Korama Muamua.