F&T ma Elder ma Sister Bednar

Ua valaaulia le autalavou i le lalolagi atoa e auai i se sauniga tuusao, fesootai Faafesagai o fesili-ma-tali ma Elder David A. Bednar o le Korama a Aposetolo e Toasefululua ma lona faletua, o Susan.

E mafai ona faatasi mai le autalavou i le talatalanoaga fesootai i le aso 12 Me, 2015, i le 6:00 i le afiafi i le Mountain Daylight Time, e ala i le matamata i le faasalalauga tuusao i le LDS.org, le itulau o le Facebook o le Autalavou a le AAG, o le saite o Gaoioiga a le Autalavou (lds.org/youth/activities), po o le itulau o le YouTube o le Alaata Mamona. O lenei faasalalauga o le a faaliliuina tuusao atu i gagana Sipaniolo, Potukale, Italia, Siamani, Farani, Rusia, Korea, Iapani, ma Saina.

E fautuaina le autalavou e auina atu ia fesili i le saite o Gaoioiga a le Autalavou a o lei faia le sauniga po o le taimi foi o le sauniga; e mafai foi ona latou mulimuli i le talanoaga i le #LDSface2face.

“Matou te fautuaina le autalavou, a o latou saunia mo lenei gaoioiga, ia saili le taitaiga a le Agaga i le manatunatu loloto po o a ni fesili latou fesili mai ai,” o le saunoaga lea a Elder Bednar. “Pe a tatou maua le Agaga e faatasi ma i tatou, o le a tatou aoao uma faatasi.”