Stephen W. Owen

Ina ua 14 tausaga le matua o Stephen W. Owen, sa faafaigaluegaina o ia e lona tuaoi e moa le vao o lona fanua tele ma vele vao o lona togalaau i vaiaso taitasi. “E tolu aso na ou moaina ai lena fanua,” na fai mai ai Uso Owen ataata, o le sa lagolagoina i le aso 4 Aperila, 2015, e avea ma peresitene aoao o Alii Talavou.

Ina ua iu lava ina ua maea Stephen talavou, sa fai atu lona pule atamai ia te ia la te savalivali e ui atu i le togalaau ina ia mafai ona ia faasino atua se vao se tasi pe lua sa misi i lana vaai.

“Sa ia ta‘u mai ia te au e tatau ona ou veleesea uma vao,” o lana tala lea. “O la‘u galuega muamua lena ma sa fesoasoani ia te au e iloa ai le uiga o le tautino atu i se tiute.”

Na aoaoina e Uso Owen ni lesona i lena tausaga na sili atu nai lo le tausiga o le fanua ma le togalaau. O se tasi o lesona, sa ia iloaina o le faamalieina o loo maua i le faia o mea faigata i le ala sa‘o. Sa ia aoaoina foi le taua o faufautua.

Sa na o le mea sili lava sa faamoemoeina e le tuaoi mai ia Stephen. “Sa pei sa ia fai mai ia te au, ‘ ou te iloa le mea e mafai ona avea ai oe, ma ou te manao e fesoasoani ia te oe.’”

O alii talavou uma i le Ekalesia, sa ia faaopoopo mai, e manaomia ni faufautua faapenei e fesoasoani ia te ia e avea ai ma se umia le perisitua sili ona lelei e mafai ona avea ai o ia. “E tele lou agaga alofa mo le autalavou,” o lana tala lea. “Ou te alofa ia i latou ma ou te iloa o se taimi taua tele lenei o le a faatuina ai le mamanu mo o latou olaga atoa.”

Sa auauna atu Uso Owen i le Misiona a Texas San Antonio ma avea mulimuli ane ma taitai Sikauti, peresitene o Alii Talavou o le uarota, epikopo, fautua maualuga, ma peresitene o le siteki.

O se tagata maoi o Holladay, Iuta, sa pulefaamalumalu foi i le Misiona a Kalefonia Arcadia mai le 2005 i le 2008, lea sa ia galue faatasi ai ma lona faletua o, Jane Stringham Owen. Sa la faaipoipo i le aso 28 Tesema, 1979, i le Malumalu o Provo Iuta. E toalima le la fanau.

Sa soifua mai o ia i le aso 22 Mati, 1958, i le Aai o Sate Leki, Iuta, ia Gordon ma Carolyn Owen. Sa faauuina o ia mai le Iunivesite o Iuta ma se tikeri i mea tau tupe, ma o le peresitene o le Kamupani o le Great Harvest Bread i Provo, Iuta.