Te mau rave’a taviniraa i te tau Noela

E rave taa ê te peresideni Monson i te taime no te hahaere i te ruhiruhia e te feia i roto i te mau pû utuuturaa i te tau Noela. Ua parau mai oia e, te vai nei te taata e oaoa ra no te mau taata e haere mai nei e farerei ia ratou, i te tahi pae te vai nei o te tia’i noa ra i te taata aita e haere mai nei. Te vai ra te taata e tia’i nei ia hahaerehia mai ratou—e peneia’e i teie Noela, o outou tera taata.

Teie i muri nei te hoê tapura ohipa no te tauturu i te haapapû e, eita hoê e vai otahi noa i teie Noela. Aita i opanihia ia feruri i te tahi atu â mau rave’a no te toro atu i te rima tauturu i te huiraatira i roto i teie pu’e tau. « Te vai ra anei te taata e tia’i ra i to outou tere ? »

• Hamani i te tahi tareta Noela no te hapono atu i te mau misionare e te mau melo otahi e te ruhiruhia o ta outou paroisa e aore râ amaa.

• Horo’a i te taime no te tavini i rotopu i te huiraatira, na roto anei i te hoê pupu e aore râ te hoê faanahoraa.

• Horo’a i te tahi Buka a Moromona ei tao’a horo’a i to outou mau hoa e aore râ taata tupu.

• Tere hahaere i te feia ruhiruhia o ta outou paroisa e aore râ o to outou utuafare.

• Hamani i te tahi monamona no te opere i te mau taata i to outou vahi.