Meybil nifen e Gapas

Galibthir rog e baga’ ni yow ma un ko mo’olung nap’an ni kan mu’ ko misa, ma guma ayuweg dalipi walageg nib pagal ngug fal’egned e gan ko misi’— ma baga’ ni papay e puwan’ nge cham ngay. Baga’ ni nap’an ni yad ra tabab ko cham, ma rayog ni ngu fal’eg rogon e biney ni rib pay. Machane boech e ngiyal’ ma momaw’ ni ngan thapeg e gapas nap’an ni kan mu’i tabab nag fare cham ni bachane ke chachalbang ngay.

Reb e misi’, ma pi walageg nib pagal e ri dar ta’areb lungunraed. Kug piri’eg ni ayuw rog e m’ay fan ni bachane kug kirban’. Ere gu fal’eg e birog e ggan mug tal ko mnon. Fin aram, mug ga’ar, “Ngu meybil. Rayog ni dabkin non ko chi ngiyal’ ney?” Nap’an ni kar gapas gaed, mug yibliy fare ggan. U m’on ni ngu ning fare meybil, mug uneg ngay, “Wenig mu ayuwegmad ni dabkug chamgaed.”

Somm’on, ma woed ni darn matalgaed miyad tabab biyay ko cham. Kari chalbag machane gum nang ni rib tu’uf ni ngu dag e tu’ufeg mug par u fathik e gapas ya ku meybil ni fan e tiney. Dabi n’uw nap’an, mug thamiy e gapas. Mug abich ma dagur noen, ma fapi pagal miyaed tal ko cham. Mug nang ni fare gapas ni kug thamiy e fulweg ni tabon ko meybil rog nib achig. Kug meybil ni ngu mang gapas, ma Chitmangig ni bay u Tharmiy e ke ayuwegned ni ngu par u fathik e gapas ni dariy fan ni rigub ba’adag ni ngu tolul. Gum nang ni rayog ni nge pi’ e gapas ngodaed.