Padahk kan duwen Doadoahk en Sawas, Suhn 2018
Soahng Limau me Soun Rongorong Mwahu kan kin Wia
Rongorong mwahu pahn sewese iuk pwe ken kak ese iamwomwen ahmw pahn sewese anahn en palih ngehn oh paliwar duwehte dahme Sounkomouro ketin wia.
Elder Jeffrey R. Holland en Pwihn en Wahnpoaron Ehk Riemen mahsanih: “Mwein me keiou kesempwal sang koasokosoi iei rongorong… …Ma kitail pahn rongorongki limpoak, kitail sohte pahn medemedewe dahme kitail pahn nda. E pahn kohdohng kitail—sang Ngehn Sarawio.”1
Rongorong wia mehn koakoahiek me kitail kak esehla. Rongorong mwahu kin kasalehda limpoak ong mehteikan, kin kakehlakahla ehupene, oh luke Ngehn Sarawi en kapaikin kitailda kisakis en kak kasawih pwehn sewesei kitail en wewehki anahn en mehteikan.2 Iet soahng limau me kitail kak kamwahuiekihla mwomwen atail pahn rongorong.1.
Mweidehng Irail arail Ansou
Aramas tohto kin anahne ansou en medemedewe mahs mwohn ar pahn koasoi. kKiheng irail arail ahnsou en medemedewe mwowe oh mwurin arail koasoia mehkot (tehk Seims 1:19). Kaidehn pwehki arail kanekelahr koasoi wewehki me re koasoaiahier mehkoaros me re anahne koasoaia. Dehr masak ansou en meleilei (tehk Sohp 2:11–3:1 oh Alma 18:14–16).2
. Rong Mwahu
Atail madmadaw kin mwadangasang en mehteikan koasoi. Katokehdi ahmw ineng en sopuk de ahmw medemedewehte dahme ke pahn nda ahnsou me re pahn nek koasoi (tehk Lepin Padahk Audapan Kan 18:13). Apw me ke pahn wia, rong pwe ke en kak wewehki. Ahmw pasepeng pahn mwahu pwehki sang ni ahmw wewehkier mwahu.
3Kawewehda mwahu
Ke dehr masak kalelepek peidek kan me pahn kawewehda mehkot me ke sohte ese Mark 9:32). Wehwehkihla kin katikala sawehwe kan oh kin kasalehda me ke inengieng rong dahme re koasoaiahu.
4 Dokpene
Oaralapihada dahme ke rongehr oh mwomwen ahmw wewehki eh pepehm. Met pahn sowese irail en ese ma aramas wehwehkin irail oh mweidong arail ahnsou mwahu en kasalehda ni dehde.
5. Aramas en Wehwehpene
Mwein ke sohte pahn pwungki dahme e kosoiahko koaros, ahpw pwungki dahme ke kak, ahpw ke dehr kinehda pein ahmw pepehm. Pwungpene kak kameleileidi pwunod oh soansuwed. (tehk Madiu 5:25).
Presiden Russell M. Nelson padahngki me kitail anahne “esehla en kin rong, oh rong pwehn ale padahk sang rehn emen aramas.”3 Ni ahmw pahn rongorong pwehn esehla duwen mehteikan, ke pahn wehwehkihda arail anahn akan oh kak rongada ngilen Ngehn Sarawi mwomwen ahmw pahn nsenohki mehn mpomw kan nin duwen me Sounkomouro pahn ketin wia.
Rongorong Iei Limpoak
Soi pwoat sang Elder Holland kawewehda duwen manaman en rongorong:
“Kempoakepahi Troy Russell katangahiei were sdohsahu wawai kohieisang nan ah karahso. …E kehn me daiahn mwurihko tangada pohn mehkot. …E doudi apw kilangada me nah pwutak Austen, me sounpar 9, wonohn wekwekdekdi pohn peipo. …Austin melahr.
“Troy solahr kak meir, solahr kak diar meleilei, sohte me kak kaloalomwahuwih. … Ahpw nan lokolok weireko … John Manning pwarada. …
“I sohte ese mwomwen koasoandi en rahn akan me John oh iengehu ara kin pwarek Russell nan imwehu. … A dahme I ese me nan pahr teio Brother Manning sowesehda oh waikadahsang Troy Russell sang kahpwal laud en dahme wiawiero duwehte me pein ih me pwokada nah kisin pwutak Austin o. Duwehte … ohl perien nan rongamwahu me e konehng en wia, John kapwaiada ah pwukoahn prihsduhd ninduwen ah kesempwaliki oh apwalih Troy Russell. E tepki nda, “Troy, Austin anahnei iuk ken pwuredo kehlailda oh pwurehng iang basket oh I pahn mih me nimenseng kuloak 5:15 (limahu minit eisek limahu dahlih). Eri, onopada. …’
“Troy ndahiengie mwuri , “I sohte men iang, ‘pwehki ahi kin kalapw wah Austin en iangie. …Ahpw John ngihtehte, eri I iang. Sangete tepin ahi pwuralahu, se koasoi de I kin koasoi a John kin wie rongorong. … Ni tapio e uhdahn apwal, ahpw mwurihsang I tehkada me John Manning me wia kehlepei, me kin poakohngie oh kin wie rongorong lao I pwurehng diar nsenemwahu nan ahi mour.”4
© 2018 sang Intellectual Reserve, Inc. All rights reserved. Ntingdahr nan USA. Kamanaman ong lokaiahn wai: 6/17. Kamanaman ong kawehwe: 6/17. Kawewehdien Ministering Principles, June 2018. Pohnpeian. 15055 885