Padahk en Sawas kan, Sulahi 2018
Sewesehda Mehteikan ni Limpoak
Ni amwail idawehn Sapwellimen Sounkomouro karasaras en limpoak, kumwail pahn diarada me kumwail kak wekidala mour en mehtei kan.
Limpoak iei pohnese ahn mehtei kan kahpwal oh ni ansouohte inengieng en kamarahrahda de kamwahuiala. Inou en idawehn Sounkomouro iei inou en limpoak en “sewesehda ahn mehteikan katoutou kan” (Mosiah 18:8). Atail pwukoahn tetehk mehteikan wia ansou mwahu en sawas duwehte dahme Kauno ketin wiahier: iangahki “limpoak kin wekidala”(Jude 1:22). Kauno masaniher, “Kumwail kasalehda mahk oh limpoak nan pwungamwail”(Zechariah 7:9).
Limpoak en Sounkomouro
Limpoak me wia poahsoan en Sapwellimen Sounkomouro doadoahk pohn sampah (Tehk sidebar: “A Compassionate Savior”). Sapwellime limpoak ong Sapwelime aramas akan kahrehieng Eh kak sewesehda me mih limwah kan pali tohto en ansou…Nsenohkihda anahn en aramas akan oh dahme re udahn men wia, E kak kapairailda oh padahkiong irail soangen ahl akan me udahn mwahu ong irail. Kupwuren Sounkomouro me pwok kitaildahsang nan atail kahpwal akan iei me kahlwalahng nan mwekid en limpoak laud: E ketin Tomwkihla dihp akan oh lokoloki aramas koaros.
Uhwen laud en doaodahk me E ketin wiahieng anahn en aramas wia mehkot me kitail kak nantiong wia ansou me kitail papah. Ni atail pahn momourki mour pwung oh rong kaweid kan sang Ngehno, kitail pahn men sewesehda mehteikan
Atail Inou en Limpoak
Sahm Nanleng kupwurki kitail en sawas pene (Tehk 1 Korint 12:25–27). Pwe en wiahla tohnpadahk mehlel kei, kitail udahn pahn wiahla aramas koahiek kei oh kasalehda limpoak ong mehteikan ahpw mehlel ong anahn akan (D&C 52:40).
Aledahng kitail mwaren Sises Krais sang ni atail inou en papdais, kitail kadehdeh me kitail udahn pahn doadoahngki limpoak. Henry B. Eyring, Sounsawas Keriemen nan Presidensi Keieu, padahngki me kisakis en Ngehn Sarawi pahn sewesei kitail en kak wia: “Kumwail wia aramas en inou nan Mwomwohdiso en Sises Krais. …
“Ihme kahrehda ke ahniki pepehm en men sewesehda aramas emen me ahniki kahpwal en nantihla mwowe pwehki arail direkihla nsensuwed oh kahpwal. Kumwail inoukihda me kumwail pahn sewese Kauno kihsang arail katoutoukan kan oh kansenamwahuih railda. Kumwail alehier manaman en sewese kamarahrahda katoutou pwukat ansou me kumwail alehier kisakis en Ngen Sarawi.”1
Karasaras ehu, mie sister men nan Russia me ahniki kahpwal en peneinei me karehda ah sohla iang sarawi daulih sounpar ehu. Emen sister sang nan brancho ahpw sewesehda ni limpoak Rahnsarawi koaros e kin call da oh ndahieng audepen padahk kan, kaskuhl kan, me pahn wiahla misnerih kan, seri ipwidih kan, oh pil ekei rohng en branch o. Sister menet sohla kin kohla iang sarawi ahpw ansou me arail kahpwal en peneineio mwahulahr, e pepehm me e wihwiahte kisehn tohn brancho pwehki kempoakepah ah kin koakoahl nan wihk koaros.
© 2018 by Intellectual Reserve, Inc. All rights reserved. Ntingdahr nan USA. Kamanaman ong lokaiahn wai: 6/17. Kamanaman ong kawehwe: 6/17. Kawehwehpen Kawehwehpen Ministering Principles, July 2018. Pohnpeian. 10870 885