2018
Kauwada Euhpene Mehlel kan
August 2018
Kilel
Ministering

Padahk en Sawas kan, Oahkus, 2018

Kauwada Ehupene Mehlel kan

Atail nsenohki mehteikan kin laudla ni ansou me kitail kin ehuieng irail ni mehlel.

Luhk en sewese mehteikan wia ansou mwahu en kapehsehieng oh ehuieng mehteikan—soangen ehupene me pahn sohte koasoansuwedehng irail en peki de alehda atail sawas kan., Ni atail pahn song en koadoahkiada soangen ehupene wet, Koht pahn ketin wekidala mour en pali koaros en ehupene wet.

Sharon Eubank, Sounsawas Keieu nan Presidensi Lap en Pwihn en Sawas en Lih koasoaia me, “I kamehlele ni mehlel me sohte wekidekla mehlel kak wiawi ma sohte soangen ehupene mehlel pwukat.” Oh pwe en mie lipwen atail sawas nan mour en mehteikan, liho kosoia me, atail sawas kan anahne “poahsoandkihda ineng mehlel en kamwahuiala , oh rong oh ehupene oh wauneki.” 1

Kaidehn mehn mwadong ehupene mehlel kan, Pwe re kin poahsoandahsang ni sapan, doadoahk mehlel kan oh “limpoak mehlel” (D&C 121:41).2

Wiepe kan en Kauwada oh Kakehlaka Ehupene kan

Elder Dieter F. Uchtdorf en Pwihn en Wahnpoaron Ehk Riemeno mahsanih, “Kitail kin kauwada [ehupene kan] ong emen aramas emen wad emen.”3 Ni atail kin songosong en ehuehng ni mehlel irail kan me kitail kin wie sesewese, Ngehn Sarawio kak kaweid kitail. Iren kaweid pwukat patohda sang wiepe ehu me Elder Uchtdorf sawaskidahr.4

  • Eseirailla.

    Presiden Ezra Taft Benson (1899–1994) padahngki, “Kumwail sohte kak sewese ni mehlel irail kan me kumwail sohte nohn ese.” E koangoange kitail en esehla eden tohn ehu ehu peneinei kan , oh wehwehki arail ire kesempal akan rasehng rahn en ipwidi kan, kapai kan, pepdais kan, kapwopwoud kan…Met pahn kieng kitail ansou mwahu en ntingla de dengwala oh rahn mwahuwih tohn peneineio ni eh rahn kaperen de kesempwalo. 5

  • Kin patehng irail.

    Ehupene mehlel kin kokouda nan irair en ansou ieu. Kin rapahki ansou mwahu en kin tuhpene, Ropirop kasaledahr me kasalehiong aramas akan me ke nsenohkin irail kesempwal ong ni ehupene ni mehlel . 6 Kin kalapw pwarek irail kan me kumwail malipilipdahngeher en papah. Kin koasoi ong irail ni wasahn sarawi. Kin doadoahngki mehkoaros me kak doadoahk—rasehng email, Facebook, Instagram, Twitter, Skype, delepwohn, de kadar kisin likou. Elder Richard G. Scott (1928–2015) en Pwihn en Wahnpoaron Ehk Riemeno koasoia duwen manaman en doadoangki me mengei oh mwekid me kin kasalehda limpoak oh sawaspene: “Pak tohto I kin pahkpeseng nei pwuhk sarawi, …oh kin diar kisin likou me audaudkihda koasoi en limpoak oh sawas me [ahi pwoudo] Jeanene pwilkihdier nan pwuhko. …Kisin likou kaselel pwuko …wialahr sohso kesempwal en kansenamwahu oh kamarain ehu.”7

    Pil, tamataman me ehupene kin anahne aramas riemen. Ke kak kasalehieng ahmw limpoak, ahpw nan pwungamwa sohte pahn keirda lao e pwungkin uhk oh pahn pil poakohng uhk. Ma aramas teio sohte men pohnese ahmw men ehuiongo, iremen ke idingehng. Mweidehng ah ansou en pein kilang amwail doadoahk mehlel kan, oh ma konehng, ale kaweid sang amwail kaun kan ma ehupene mehlel ehu pahn kak pweida de soh.

  • Koasoi mwahupene.

    Kauwada ehupene mehlel anahne kitail en wia mehkot dehr medemedakahn te. Medekahn kin audaudki koasoi en pirokrahm kan, irehn mesen leng, oh ire tikitik teikan, ahpw e sohte iangahki pepehm kan, dahme kitail kamehlele kan, atail koasoandi kan, oh ire kesempwal kan me kin kadokepene mehkot me mie katepe kan. Sahm Nanleng ketin kasaledahr wiepen koasokoasoipene wet ni E ketin ehukihda Sapwellime pepehm oh koasoandi kan ong Sapwellime Ieroso (tehk Sohn 5:20) oh pil ong kitail sang Sapwellime soukohp kan (tehk Eimwos 3:7). Ni atail kin ehukipene mwekid kan ni rahn akan oh kahpwal kan en atail mour kan pahn kaweid en Ngehno, kitail kin pohnesehda emenemen oh diar atail anahn kan oh ehukipene mwekid kan.

    Rongorong wia kisehn koasokoasoipene me kasalehda me ke nseno.8 Ni amwail kin rong mwahu, amwail ansou mwahu en sewese mehteikan en kohdo rehn Krais kin keirda ni amwail kin wehwehkihla oh esehla arail anahn kan oh irail kin pehmada limpoak, wehwekihla oh epwel mwahu.

  • Kin pwungki dahme kumwa wengkipeseng duwehte dahme kumwa duwehkipene.

    Elder Uchtdorf mahsanih me “Ekei … aramas kamehlele me Mwomwohdiso men towehkan koaros en ahnekihla mwohmw ehute—me meserail kan, arail pepehm, madmadau oh wiewia pahn duwepenehte.” “Met pahn kasowehla eripit en Koht, me ketin kapikada emenemen aramas en weksang riehu . …

    “Mwomwohdiso kin keirda ni atail kin doadoahngki wekpeseng wet oh koangoange emenemen en kin koadoahki oh doadoahngki atail koahiek kan pwehn pwokada oh kakehlaka riatail souleng kan.”9

    Pwehn poakehng mehteikan duwehte en Koht ah ketin poakehng kitail anahne kitail en kilang mehteikan duwehte Koht Ah ketin mahsanih irail. Presiden Thomas S. Monson (1927– 2018) padahngki me, “Kitail anahne koadoahki kitail en kak kilang [mehteikan] kaidehkin ni mwomwarail met ahpw dahme irail kak wiahla.”10 Kitail kak kapakap peki sawas pwehn kilang mehteikan ni soangen mwohmw me Koht ketin wia. Ni atail kin apwali mehteikan nin duwen arail kak en keirda koaros, irail pahn kak keirda lel ni idi. 11

  • Papah irail.

    Kin kesempwaliki anahn en irail kan me kumwail kin sewese oh kin men doadoahngki amwail ansou oh koahiek kan ni ansoun kahpwal de pwehki kumwail nsenohkin irail. Kumwail kak kohla pwehn koaloalamwahuih, sewese, oh apwali anahn kan ni ansoun anahn karuwaru, soumwahu, de kahpwal kan. Ahpw nan ehupene tohto atail sawas kan kin pwand oh wiawi mwurin kahpwal. Koht ketikihong kitail saledek en pilipil pwe kitail en kak mwekid ahpw dehr awiawi ruwes (tehk 2 Nihpai 2:14). Ihme Wahnpoaron Sohn padahngki me kitail poakong Koht pwehki Ih me tepin limpoak ong kitail (tehk 1 Sohn 4:19), ni en mehteikan arail pehm atail limpoak mehlel sang ni atail sawas kan, e kin kak kalauwedi mohngiong kan oh kalaudehla limpoak oh likilik.12 Met kin kahrehda lalaudlahn wiewia mwahu kan me kin kauwada euhpene mehlel kan,

Sawsawas ninduwen me Sounkomouro Ketin Wiahier

Sises Krais ketin kauwada ehupene mehlel rehn Sapwellime tohnpadahk kan (tehk Sohn 11:5). E mwahngih irail (tehk Sohn 1:47–48). E ketin patehng oh ieiang irail (tehk Luhk 24:13–31). Sapwellime mahsen kan sohte kin wiewiawi mwahl (tehk Sohn 15:15). E ketin pwungki dahme re wengkipeseng (tehk Madiu 9:10) oh mwahngih uwen arail kak koaros (tehk Sohn 17:23). E ketin papah koaros, tetehn I me Kaun en koaruhsie, mahsanih E ketdo kaidehkin pwe aramas en papah, a pwe en papah aramas koaros (tehk Mark 10:42–45).

Dahme kumwail pahn wia pwehn kauwada ehupene mehlel kehlail rehn irail kan me kumwail malipilipehngehr en papah?

© 2018 sang Intellectual Reserve, Inc. Kolokol pwuhng koaros. Ntingdahr nan USA. Kamanaman ong lokaiahn wai: 6/17. Kamanaman ong kawehwe: 6/17. Kawewehdien Ministering Principles, August 2018. Pohnpeian. 15051 885

Iren sawas akan

  1. Sharon Eubank, nan “Humanitarian Acts Must Be Rooted in Relationship, Sharon Eubank Says,” mormonnewsroom.org.

  2. Tehk “Ministering Principles: Reach Out in Compassion,” Liahona, Suhlai 2018, 6–9.

  3. Dieter F. Uchtdorf, “Of Things That Matter Most,” Liahona, Nohpempe 2010, 22.

  4. Tehk Dieter F. Uchtdorf, “Of Things That Matter Most,” 22.

  5. Tehk Ezra Taft Benson, “To the Home Teachers of the Church,” “Ensain”; Mei 1987, 50.

  6. Tehk Charles A. Wilkinson oh Lauren H. Grill, “Expressing Affection: A Vocabulary of Loving Messages,” nan Making Connections: Readings in Relational Communication, ed. Kathleen M. Galvin, 5th ed. (2011), 164–73.

  7. Richard G. Scott, “The Eternal Blessings of Marriage,” Liahona, Mei 2011, 96.

  8. Tehk “Ministering Principles: Five Things Good Listeners Do,” Liahona, Suhn 2018, 6–9.

  9. Dieter F. Uchtdorf, “Four Titles,” Liahona, Mei 2013, 59.

  10. Thomas S. Monson, “See Others as They May Become,” Liahona, Nohpempe 2012, 69.

  11. Tehk Terence R. Mitchell ohDenise Daniels, “Motivation,” nan Handbook of Psychology, vol. 12, ed. Walter C. Borman and others (2003), 229.

  12. Tehk Edward J. Lawler, Rebecca Ford, oh Michael D. Large, “Unilateral Initiatives as a Conflict Resolution Strategy,” Social Psychology Quarterly, vol. 62, no. 3 (Septempe 1999), 240–56.