Eregye Mboa dze Aboa Binom

Yesi dɛn na yɛdze binom kã hɛn ho ber a yehia mboa wɔ hɛn mbɔdzembɔ dɛ yɛbɔsom ho? Fa woho hyɛ ɔsom ho kokoamu mpɛnsapɛnsamu na Kwesida a odzi kan bagua nhyiamu mu.

Aber a adwen mu ntsin na ekyir mbiew mu yarba kãa Kathy ma ɔtsenaa wheelchair mu no, ohun dɛ obehia mboa anafua biara dze efi n’egua mu akɛda ne mpa do. Nna edwuma no yɛ kɛse dodow ma ɔbaakofo. Ntsi elderfo quorum no faa apam wɔ ne gyinabew ho na wosii egyinae dze yɛɛ nhyehyɛɛ a wɔdze bɔboa no ewimber biara¹

Sɛ yebohu hɔn a yɛsom hɔn no hɔn ehiasɛm na hɔn ahoɔdzen a, yebotum ehu dɛ yehia mboa dze ayɛ hɔn ehiadze. Ɔsom ho kokoamu mpɛnsapɛnsamu na Kwesida a odzi kan abaguafo nhyiamu yɛ akwan ebien a yɛdze dwendwen kwan a ɔfata dze twe binom kã hɛn ho.

Ɔsom ho Kokoamu Mpɛnsapɛnsamu

Nkyerɛbaa asomfo na Relief Society president na n’apamfo ntamu anaa enuanom asomfo na elderfo quorum president na n’apamfo ntamu abosoom ebiasa ebiasa mu kokoamu mpɛnsapɛnsamu yinom nye nhyehyɛɛ kortsee a yɛfa do kã hɔn a yɛsom hɔn no ho nsɛm. Kokoamu mpɛnsapɛnsamu no a, annyɛ yie koraa, wɔyɛ no bosoom ebiasa biara no ma kwan ma (1) yɛfa apam wɔ ahoɔdzen, ehiadze, na ɔhaw a ɔwɔ hɔ ma ebusuafo na ankorankor a wɔdze hɔn ahyɛ hɛn nsa; (2) dze hwehwɛ ehiadze a quorum no, Relief Society, anaa ward abaguafo botum dze aboa; na (3) yeesua efi baanodzifo no hɔ na yeenya nkuranhyɛ wɔ ɔsom mbɔdzembɔ ho.

Elderfo quorum president na Relief Society president no nye bishop no ankasa na wɔkasa fa dza ohia ho na woenya apam na akwankyerɛ eefi no hɔ.

Ibohu nkrasɛm no mu pii a ɔfa kokoamu mpɛnsapɛnsamu ho wɔ ministering.lds.org.

Erema Ɔsom ho Kokoamu Mpɛnsapɛnsamu ho enya Mfaso

Yɛrefua President Russell M. Nelson n’asɛm a ɔkãa no dɛ ɔsom ho nhyehyɛɛ no yɛ biribi a Asɔr no ne kankɔ begyina do no, Elder Gary E. Stevenson a ɔkã Asomafo Duebien no hɔn Quorum ho no kyerɛɛ dɛ, “Sɛ n’enyido adzehu no bɛba mu a … nna ogyina enuanom na nkyerɛbaa asomfo no mbrɛ woesi akyerɛkyerɛ hɔn na wɔdze hɔnho aahyɛ kokoamu mpɛnsapɛnsamu ho mu yie no.”²

Nsɛm enum a ɔbɔboa enuanom na nkyerɛbaa asomfo:

Kɔ kokoamu mpɛnsapɛnsamu dɛ erekɛgye apam. Yɛ krado dɛ ibosua.
Siesie wo ho dɛ wɔbɛpɛnsapɛnsam ehiadze horow a ibehia binom hɔ mboa dze ama.
Hom ntsim wɔ ankorankor no n’ahoɔdzen na dza otum yɛ ho, nnyɛ ehiadze nkotsee.
Hom mfa apam wɔ dza obotum ada edzi a ɔbɛkyerɛ dɛ wo som no ewie konyimdzi mu.
Twe bɛn president na n’apamfo no mu kor na hom mfa apam wɔ abosoom ebiasa ebiasa mu kokoamu mpɛnsapɛnsamu ne ntamu dɛ mbrɛ obehia.

Nsɛm enum a ɔbɔboa baanodzifo:

Kokoamu mpɛnsapɛnsamu nnhia dɛ ɔyɛ tsentsen, mbom hom nhyɛ mber a oye a ɔbɛma woeetum abɔ nkɔmbɔ a ɔyɛ mfaso.
Fa kwan yi fasom ma ɔsom hom nuabanyin anaa akyerɛbaa no.
Mma mmbisa nsɛm a ɔbɛkyerɛ biribi dɛ erekan mpɛn dodow a wɔdze ayɛ nsera horow no anaa obi a wɔasera no (“Ana itumii yɛɛ wo ɔsom edwuma?”). Bisa nsɛm a ɔdze nkuranhyɛ ma suban pa (Ebɛn atsenkã na inyaae ber a ebɔɔ mpaa maa ebusua no?”). Ebɛn asɛm na osii ber a edze wo atsenkã no yɛɛ edwuma?”).
Kyɛn aso yie tsie na kyerɛw nsɛnsin.
Wɔmbɔ mu mfa apam. Ɔsom ho adamfo-aboafo wɔ ho kwan dɛ wonya nyikyerɛ fa hɔn a wɔdze hɔn ahyɛ nsa dɛ wɔnsom hɔn no ho.

Nsɛmbisa na Nyiano a ɔfa Ɔsom ho Kokoamu Mpɛnsapɛnsamu ho.

Ɔsom ho kokoamu mpɛnsapɛnsamu yɛ ebɛnadze?

Ɔyɛ enuanom asomfo na elderfo quorum president na n’apamfo ntamu anaa nkyerɛbaa asomfo na Relief Society president na n’apamfo ntamu mpɛnsapɛnsamu wɔ tsebew a ɔbɛma woeetum ahwehwɛ na woeenya nkenyan efi Sunsum Krɔnkrɔn no hɔ. Ɔnam dɛm ntsi enuanom na nkyerɛbaa asomfo no botum enya nkenyan dze aweɔn, adodɔ, akyerɛkyerɛ na wɔama awerɛkyekyer wɔ Agyenkwa no no kwan do.

Ana ohia dɛ abosoom ebiasa ebiasa kokoamu mpɛnsapɛnsamu yinom wɔyɛ no enyim na enyim a?

Ɔtɔ dɛ wɔyɛ no enyim na enyim, naaso wotum dze foon anaa abaɛfor online do ber a enyim na enyim nhyiamu nnkɛyɛ yie. Ne nyina mu no, adamfo-aboafo beenu no bɔmu ba kokoamu mpɛnsapɛnsamu ber a ɔfata.

Ɔsom ho kokoamu mpɛnsapɛnsamu no ho botae nye dɛn?

Kokoamu mpɛnsapɛnsamu yɛ kwan a ɔda hɔ ma enuanom na nkyerɛbaa asomfo ma wɔdze san hwɛ sesei gyinabew, dze yɛ ndaamba nhyehyɛɛ, na wɔgye mboa a wohia dze ma ankorankor na ebusua ebusua a wɔsom hɔn no. Ɔyɛ kwan a ɔda hɔ ma wɔkasa fa dza quorum na Relief Society wɔ dze boa a botum dze aama.

Esumasɛm na nsɛm a nekã yɛ dzen no mibɛyɛ ho dɛn?

Enuanom na nkyerɛbaa asomfo no nye elderfo quorum na Relief Society president no—anaa bishop no nankasa na kyɛ nsɛm a ɔyɛ esumasɛm. Esumasɛm anaa asɛm a nekã yɛ dzen no onnyi dɛ wɔkyɛ no wɔ Kwesida a odzi kan abaguafo nhyiamu no ase.

Kwesida a - Odzi Kan Bagua Nhyiamu

Ɔkã ɔsom ho kokoamu mpɛnsapɛnsamu yɛ ho no, Kwesida a odzi kan bagua nhyiamu no yɛ kwan kor so a wɔdze frɛ binom ka ho ma wɔbɔsom. Relief Society na elderfo quorum nhyiamu ase no, nkenyan botum aba hɔn a wɔwɔ ase no do a ofi Sunsum no na binom a wɔwɔ kuw no mu no hɔ.

Abaguafo nhyiamu no no botae nye dɛ:

“Wɔbɔ mu fa apam fa apaamu asɛdze, akwanya, na ɔhaw horow ho;
“Wosũasũa fi hɔn mu kor biara no nhunmu na suahu horow; na
“Wɔhyehyɛ akwan a wɔdze atsenka a wonyae fii Sunsum no hɔ no bɛyɛ edwuma.”³

Abaguafo nhyiamu yɛ dza ɔkyɛn mpɛnsampɛnsamu yɛ: nhyiamu no ma yɛyɛ hɛn adze dɛ ankorankor anaa dɛ kuw dɛ mbrɛ Sunsum no bekenyan hɛn. Asɔrmba botum enya pɛ dze ayɛ Ewuradze N’edwuma a ɔyɛ nhyiamu yinom no nsunsuando.

Nsato dɛ Yɛbɛyɛ Biribi

“Elder Jeffrey R. Holland a ɔkã Asomafo Duebien no hɔn Quorum ho no kãa dɛ, “Hɛn mpaabɔ ndɛ nye dɛ, banyin na basia biara—nye hɛn mbabanyin na mbabaa a hɔn enyi efir kakra no besi nkitse ara yie dze akoma pa dze aboa hɔn ho nkorkor a, Christ No dɔ mãpa no na ɔhyɛ hɔn nkuran ma wɔyɛ.”⁴