Kasalehda Me Ke Nsenohki

Ekeipak ke pahn ndahte dahme ahmw pepehm ong emen. Met kak wehwehki ndahieng ekei me ke poakpoakeirail, oh pil iangahki ehukiong irail dahme ke kesempwalki rehrail de kasalehiong irail ahmw waunekin irail. Koasoai de wiewia mehlel pwukat kin sewese kakehlailiada ehupene kan. Tehk Episos 3:19.

• Rapakihda ehu ansou mwahu en, en kesehkieng emenemen irail ia uwen ahmw kin kapingki ehu arail koahiek kan. l en kak ese ia uwen ahmw kesempwalki soahng ehu me e kehlail loale.

• Pwarek, eker, de email ehng, ntinglahng, de ntingiheng nan kisin card oh ndalahng irail me ke kin medemedeweirail.

Ahniki ansou mwahu en koasoaieng de rongorong wia ehu wiepe mwahu en kasalehda ia uwen ahmw kesempwaliki. Mehnda ma ke pwarek nimwehu, nimwen sarawi de sohte lipilip wasa, mie aramas tohto me anahne aramas me re kak koasoaieng. (Tehk Mosiah 4:26; D&C 20:47.)

• Ong ni ahn aramaso anahne akan, koasoanehdi ansou me ke pahn kin pwarek. Ahniki ansou mwahu pwe ken kak rongorong mwahu oh wehwekihla arail anahn kan.

• Ma e pahn apwal ken pwarek ni imwarail kan pwehki e doh, arail tiahk, de e sohte ansoupene, medewe mwahu oh rapakihda ansoun ehupene mwurin Sarawi kan.

Anahne medemedewe mwahu dahme ahn aramaso de peneineio anahn akan. Papah ni mehkot me mie katepe kin kasalehda me ke nsenohki aramaso. E kin kapatapene kesempwal en kisakis en ansou oh madamadau kan me kitail kin song. “Sister Bingham kosoia, “wiewia mengei en papah pwukat kak kamwakidada mehteikan.”²

• Wia soangen papah me kak kakehlailiala aramas akan de peneinei kan, me duwehte apwalih seri kan pwe nohno pahpa en kak kohla nan tehnpas sarawi.

• Rapakihda soangen wiepe da me ke kak sewesehkin irailda ansou me irail kin kediropwla, me duwehte kamwakelehda, kahluwa neirail kidi kan, de sewese kamwakelehda likin ihmw kan.

Mie ekei aramas me kumwa sohte kak dokpene sang ni mahsen loal akan. Ong ekei aramas, kumwa kak wehwepene sang ni ahmw pahn diarada mehkot me e udahn pwungki oh e ahpw pahn doadoahngki eh ansou pwe kumwa en kak wiapene soang pwukat. Kauno masanih kitail “en patehng oh kakehlailiada”(D&C 20:53) riatail ohl oh lih akan.

• Iangih alu, koasoanehdi ehu soutiken pwe mwadong en wiawi, de kaunopada ehu ansou pwe kumwa en eksersaispene.

• Papahpene nan kousoan de doadoahk kan en Mwomwohdiso.

Ekei pak e kin apwal en dierek ansou. Wasa tohto ni duwen tiahk, kisakis wia kilel en nsenohki oh limpoak. Pil ni ansou kesempwal teikan, kisin kisakis kan kak wiahda wehwepene oh kamwahuwiala ehupeneh kan. (Tehk Lepinpadahk Audapan akan 21:14.)

• Wahlahng irail dahme re kin keiou iouki.

• Ehukiong irail ehu ire, iren pwuhk sarawi, de ehu kaweid me ke pehm me pahn kak seweseirail.

Ni ahmw pahn esehla mwahu irail kan me ke kin kalohkehng oh wie papah oh irail kan me ngehno kin kaweid kin uhk, ke pahn esehla soahng tohto mwomwen ahmw pahn kak ehukiong irail ahmw limpoak oh mwomwen ahmw kak apwapwalih irail.

Kimberly Seyboldt sang Oregon, USA, koasoaiahda soai en rapahki kaweid sang ngheno oh kisakis pwehn kasalehda limpoak.

“Ni ansou me I diarada me mour karehda ahi luwetala, I kesihnenda oh wiahda pilawa Zucchi, pak tohto I kin wiahda lopwon waluh. Ahi mehn dol keieu kesempwal iei kapakap ni ngihl tikitik ansou me I kin wie umwuhmw pwe ien kak ese ihs me anahne lopwon en pilawah kau. I kak esehda mwahu me pilawa Zuccini karakar wia mehn luhk mwahu ong mehn mpei kan pwe ien kak pidolong nan imwarail kan oh nan arail mour.

“Ehu rahn karakar, I ahpw peianda ahn peneinei ehu wasahn netkihla blackberries ni keilen ahlo. I sohte anahne blackberry me tohto, ahpw kisin pwutak pwulopwul tihti men, keskesinen wasahu perenkihda ah kilangiehu, e medemedewe me I pahn iang net reh. I pwainda ekei blackberry kau, ahpw pil mie ahi kisakisehng. I kihong kisin pwutako lopwon en pilawa riau. E sohpeilahng ah pahpao ma e pahn pwungki, eri nda, ‘Ipa, kilang, met miehier mehkot me kita pahn kang rahnwet.’ I inenen direkihla kaping pwehki ansou mwahu oh kisin wiepe mengei wet me I kak kasalehkihda limpoak.

Elder Jeffrey R. Holland en Pwihn en Wahnpoaron Ehkriemeno pekipeki “me ohl oh lih koaros —oh neitail mwahnakapw oh peinakapw— kan pahn [kin] … inoukihdi ni mehlel nan loalarail me re pahn kin nsenohki emen emen, e pahn pweida sangete ni limpoak mehlel en Krais.” I men kitail en iang doadoahkehng atail Kaun en mwetuwelo, sewesehki Koht Sahm Sapwellime doadoahk en pasapeng en kapakap kan, wia soun kansenamwahu, limwihada pilen mas akan, oh kakehlailiada me neh mwoator kan.³

Mwurin Sises Krais ah ketin kamourada Lasarus, “E ketin tentenihr.

“Eri mehn Suhs kan ahpw nda, Kilang ia uwen ah poakohng!” (John 11:35–36).

“Krais masanihong mehn Nipahi kan, “I poakohng kumwail.” E ahpw ekeredo irail me soumwahu oh toutoukilahr arail kahpwal akan, me mwoator oh maskun, oh “ketin kamwahuih irail la”(Tehk 3 Nipahi 17:7–9).

Kauno kasalehiong kitailehr karasaras mwahu en nsenohki mehtei kan. E ketin padahkiong kitailehr.

“Ke pahn poakohng Kauno omw Koht, sang nan kapehdomw unsek, sang ni ngenohmw unsek, sang ni omw lamalam koaros unsek.”

“Ih met kosonned me keieu lapalap oh kesempwal.

“A me keriaun kesempwal, me rasehngete met, iei: ‘Ke pahn poakohng mehn mpomw duwen omw kin poakohng pein uhk.”

Isime anahne amwail sawas? Ia mwomwen ahmwail kak kasalehiong irail me kumwail kin nsenohkin irail?