Ng Mekera Debleketakl Lolecholt er a Klaumerang

A Odingel a olechotel a klaumerang. A merderodellel a odingel a sebechel kilou a techelled el mo olecholt a klaumerang el ngara meral teletelel me a lechub e ng diak el sa el bleketakl el teletael.

Kid a mla tibir el mo “dechor el sioning er a Dios er a bek el taem me a bek el tekoi, me a bek el basio”(<(Mosiah 18:9). Olecholt er a klaumerang er kid a tebechedel a dechor el sioning e ngii a mesisiich el rael el mengetikaik er a Chedaol Reng el mo rutechii a rengul a tang e mo ngodechii a klengar er tir.

“Olechotel a klaumerang—a meral olechotel a klaumerang, mokdubech er a Chedaol Reng e ulterkokl er a Chedaol Reng—a melodech a klengar,” dula a President M. Russell Ballard, Acting President er a Chelchad er a Teruich me a Terung el Apostol.¹

E ng di se el dolecholt a klaumerang er kid e ng sebechel mo meringel me a lechub e ng chetituokel el mora rebebil er kid. Sei a locha sebechel uchul se el domdasu el kmo olecholt el klaumerang er kid el ua se el doruul se el temel a olechotel a klaumerang se el domeksengerenger me a lechub e se el dolisechakl. Chelsel aike el meklou ututelel el ongdibel e kede blechoel el ousbech a keltukl el tekoi me a lechub e ng omelekoi el ngii a telkib el komakai er a di omengedecheduch.

Olecholt a klaumerang a sebechel mo blechoel el klengeltengat er a klengar er kid me a rebebil se el dodengei el kmo ng kmal sebechel di beot el dolecholt er a doumerang er ngii er a tekoi el doruul er a bek el sils. Aikakid a bebil er a uldasou el sebechel mo ngosukau el omuchel.

Mrellii el Di Beot

A olechotel a klaumerang a diak a belkul el omuchel er a omelekoi, “Ng soak el mo olecholt er a klaumerang er ngak,” e diak a belkul el ongesimer el oba, “El ngara ngklel a Jesus Kristo, amen.” A olechotel a klaumerang a olechotel a doumerang e medengei el kmo ng klemerang. Me sel bom oldingel er a tonari er kau el kirel a mondelengel e molekoi, “Ak medengei el kmo a Dios a onger a nglunguuch,” a sebechel el mesisiich el di uaia olechotel a klaumerang el ngii a muchais er a ongedechedechaol er a ikelesia. A klisiich a diak el mengai er a ulterkokl el omelekoi; ng mengai er a Chedaol Reng el ngii a melisiich e olterkokl a klemerang (mesa Doctrine and Covenants 100:7–8).

Osisebel er a Chelsel a Meral Omelekoi

Alsekum kid a kongei el olecholt, e ng ngar er ngii a betok el rolel el iliuekl er kid el sebechel el dolsiseb a klaumerang er a chelsel a omelekoi er a bek el sils. El uaia:

A ta er a chad a oker er kau el kirel a sandei er kau. “Ng kmal mle ungil,” kau a melekoi. “A Ikelesia sei a kmal ble kuusbech er ngii.”
A ta er a chad a ouchais el kirel a kngtil a rengul er a bocha lodengei el kirel a ringel er a chelsel a klengar er kau: “Komeng.” E kau onger: “Sulang er a omeletkem. Ak medengei el kmo a Dios a mo mesekak el mora ulebengelel. Ngii a mla ngar er ngii el kirek er a mla memong.”
A tang a melekoi: “A kuureng me tia el mekngit el eanged bo el mengodech,” me a lechub “A bas a kmal meudang,” me a lechub “Mesa tia el sekedel a rael.” Ke locha onger el uase, “Ak medengei a Dios a kol di mo olengeseu me a rokui el tekoi a di mo ungil besul.”

Mouchais a Tekoi el Ngii a mla Duubech el Leko er Kau

Kede blechoel el chadecheduch el mora tang el kirel a ongarm el de ngara chelsel. Se el sekum e a tang a ouchais er kau el kirel aike el tekoi el tir a chelbangel, e kau a locha ouchais el kirel a taem el Dios a ngilsukau er a ongarm el bla er ngii e olecholt er a klaumerang er kau el kmo ke medengei el kmo Ng sebechel el olengeseu er tir el dirrek. A Rubak a kmo Ngii a Smisichid er a ringeled meng “mo sebechem el dechor el sioning er ngak er chelechal mong, e kau a mo medengei el kirel a oterkokl el kmo Ngak, el Rubak el Dios, a oldingel er a rechedak er a ringel er tir” (Mosiah 24:14). Ng sebeched el dechor el sioning er Ngii se el dolecholt er a klaumerang er kid el kirel a kmo ng mekera e Ngii a mla ngosukid er a ringeled.

Bom Keldmokl

A bebil er kid, a olecholt er a klaumerang er a di mitil a taem a sebechel mo chetituokel. There are ways we can plan ahead and “be ready always to give an answer to every man that asketh [us] a reason of the hope that is in [us]” (1 Peter 3:15).

Kot, e a se el de keldmokl e ng sebechel belkul a omes er a delengchekled. Kid kede mengemedaol er a Chedaol Reng el mera chelsel a klengar er kid e melisiich a olechotel a klaumerang er kid er a bek el sils el okiu a melemalt el delengchokl? Kid kede mesa Chedaol Reng a techall el mengedecheduch er kid e meskid a tekoi el ngii a dousbech el okiu a nglunguuch me a omesubel a Chedaol Llechukl? El ua Rubak er a lollach er a Hyrum Smith, “Lak mosiik el mo omerk a tekingek, bai em kot el suub a tekingek, ea churam a mo beot el olisechakl” (DC 11:21.

Ongerung, se el de keldmokl e ng sebechel belkul a omes er uchei e melatk a techall el ngar er ngii er se el sils me a lechub e ng sandei el sebechem el mo olecholt er a klaumerang er kau. Ng sebechem el mengedmokl el kirel aike el techall el omdasu el kirel a kmo ng mekera e meskau a techall el mo ouchais aike el kau a oumerang.

Bo Blechoel el iliuekl er a Osobel me a Osisecheklel

President Ballard olsisechakl, “El uaisei el sebeched el ngar er ngii a olechotel a klaumerang er kid er a betok el tekoi kid a rechedal a Ikelesia, ngar er ngii aike el mekekerei el klemerang el ngii a kired el blechoel el olisechakl el mora tang e olecholt.” Ua okesiu, el ngii a mildukl: “Dios a Demad e a Jesus a Kristo. A uldasu er a mo suobel a iliuekl er ngii a Tngakireng er a Osobel. Joseph Smith a chulutii a cherrengelel a diak a ulebengelel el ebangkelio er a Jesus Kristo, me a Babier er a Mormon el ngii a olechotel el kmo a olechotel a klaumerang a klemerang.” Se el douchais aike el ngii a meral ngara rengud el klemerang, e kede mengemedaol er a Chedaol Reng el mo sioning el kmo aike el bla dedung a klemerang. President Ballard a olsiich el kmo “a Chedaol Reng a diak el sebechel mo meterob alsekum e se el klikiid el olechotel a klaumerang er a Kristo a oltekau.”²

Okesiul a Osobel

Mesaul er a omerollel el oeak a Samaria, a Osobel a mlo tuab e ulengull er a chido e ulsiueklii a tara redil el mla er sei. Ng ulemuchel er a cheldechedechal el kirel a omelai el ralm er ngii el chido. Ousbech er tia el ureor er a bek el sils el ngika el redil a milruul er ngii e a Jesus a mesa techall el mo olecholt er a klaumerang er a ngar el ralm me a klengar el ngii a ngar er ngii el mo er tirke el tir a oumerang er Ngii (mesa John 4:13–15, 25–26).

A Beot el Olechotel a Klaumerang a Sebechel el Mengodech a Klengar

President Russell M. Nelson a mla ouchais el kirel a tara nurse el ngii a uleker er ngii el mle-Dr. Nelson a ker er uriul er a meringel el botk. “Ngera me kau a diak om uaia rebek el chad er a botk?” A bebil er a rechad er a botk el lodengelterir a sebechir el mekedeb osios er tir e mekngit a omelekingir se el loruul a kmal ngar er bab e meringel el ureor.

Dr. Nelson a mle sebechel el onger el okiu a betok el rolel. E ngdi ngii a di mle beot el onger, “Le uchul ak medengei el kmo a Babier er a Mormon a klemerang.”

A nger er ngii a milngesuseu er ngika el nurse me a bechil el mo mesuub el kirel a Babier er a Mormon. A President Nelson ruriul a kildemklii a techolbechelid el mo er ngika el nurs. Uriul er a betok el rak, e ngii a uluungerachel er a stake conference el mla er ngii er a Tennessee, USA, el kmal dirk mle beches el mulkedong el Apostol, President Nelson a mle dmeu a rengul er a diak el telbiil el klebetech er ngii el obengkel ngika el osisiu el nurs. Ngii a mocha melebedebek el kmo se el cheldechederir, el ngii a milkdubech el okiu a beot el olechotel a klaumerang er ngii me a dirrek el klisichel a omelodech er a Babier er a Mormon, a ulengeseu el mlo uchul a belterir a remuut el tara rokai el rechad.³

Ongit el mo Meruul

Lak komedakt el olecholt er a olechotel a klaumerang er kau. Ng sebechel el omekngeltengat er tirke el kau olisechakl er tir. Ng mekera bo mousbech aika el uldasou me a lechub e ng kuk di uldesuem el mo olecholt er a olechotel a klaumerang er kau er chelechang?