Kenginn e Pigpig, September 2019

Rogon ni Rayog ni nge (nge Ra) Ayuwegem fare Kan Nthothup ni Ngam Machib

Fare murwel ko fare priesthood ni ngan machib, e lan pi’ ko pumo’on nge ppin, nib mu’un mat’woy ni ngan thapeg e yi’iy.

siasing/Llecheklel

ministering

Sasing ni yib ko sasing rok Getty

Fare pong ni ngan machib man pigpig boed rogon ni Tathapeg ir boech moemow—ni rib moemow napan thingari non ngak e bee’ daworiy nang nib mangil. Bukun e milyon e kanawo’ ni ngan machib, ma gadaed ma tafney nag rogon ni rayog ni ngad ayuweg e pi’in ni kan noeg ngaodaed ni ngad ayuwegned.

Dariy fan ni ngarin tafney niged nib n’uw napan bachane fare Kan ni Thothup e rayog ni nge gagyeg nag e murwel rodaed.

“Murwel rom nib thothup nikan pi’ ngom e ma pi’ e wo’ ngom nib thothup nib mat’aw, “ ke yoeg Bonnie H. Cordon, Young Women General President. “Rayog ni ngam gay e binem e wo’ u fithik e pagan’.“¹

Napan ni gadaed ra gay rogon ni ngad pigpig gaed ni boed fare Tathapeg, ma fare ta’ab Kan Nthothup ni gagyeg Nag e rayog ni nge gagyeg nag daed. Biney e baga’ nib riyul’ napan ni yibe rrin’ e murwel nikan pi’, ni boed e machib, nike pi’ fare bishop mat’won niba’ e kiy ko priesthood rok. Ba’aray nel’ kanawo’en ni fan ko machib niba’ fare Kan Nthothup riy.

Urogon ni Rayog ni Ba’ fare Kan Nthothup Napan e Machib?

Ning e Ayuw. Chitamangiy nu Tharmiy e ba adag ni ngad noned Ngak u lane meybil. Meybil e gathi kemus ni ma chugur nag daed Ngak, machane kuma ayuweg e pi “tawa’ath ni ba adag Got ni nge pi’ machane kan tay napan ni gadaed ra ning.“² “Napan ni gadaed ra meybil man gay rogon ni ngan nanged gumircha’en raed,“ i Sister Cordon e ke toeg, “Gube micheg ni ra gagyeg nag daed e Chitamangdaed nu Tharmiy ma ra paer fare Kan Nthothup Rok rodaed.“³
Dam Soen ko Yi’iy Ngam rrin’ Mu “un ko murwel“ (Doctrine and Covenants 58:27), ma gara nang ni murwel rom e rayog ni ngan ga’ nag man gagyeg nag. President Dallin H. Oaks, Bin Somm’on e Counselor u lane Sin Somm’on e Presidency e ga’ar, “PIgpig nge murwel rodaed ni gadaed be rrin’ e kanawo’ nib ga’fan ni ngan thapeg e yi’iy. “Lane pi babyor nib thothup ni gube bi’eg ma kug yoloey ni oren e yi’iy nibe yan nga pifaak Got e ma yib napan ni yaed be mithmith, gathi napan ni yaed be paer u tafen raed ni yaed be soen nag Somoel ni nge yoeg ngoraed e bin somm’on e n’en ni ngar rrin’ed.“ ⁴

Urogon Ni Rayog Ni Nggu Poey e Kanawo’ ni nggu Machib?

Motoyil ko thin rok Mormon. Dariy rogon ni ngan sapaerpaer ni yibe leam nag ko fare leam e ke yib rok Got fa danga’. Ba’ e thin rok Mormon ni ngan nang: Fa’anra kam thamiy rom ngam rrin’ ban’en nib mangil ma nge mich u wun’uy, fa ngam ayuweg bee’ nga mich u wan’ ngak Kristus, ma rayog ni ngam nang ni keb rok Got (muguy ko Moroni 7:16).
Dam Magar Nag. “Aygum og nga maran mag noeng,“ e yoeg Elder Jeffrey R. Holland ko fare Ulung ko fare Ragag nge L’agruwi Apostle. “Man ngak e pi’in nib tu’uf e ayuw. Dam chelchel u loem ni gabe leam ko ngam rin ta’areb e miit e noeng fa reb. Fa’anra gadaed ra fol ko pi machib nikan fil, man fol fapi kiy ko priesthood ngay, man ning e ayuw ko fare Kan ni Thothup ni nge gagyeg nag daed, ma dabin aw gaed.“ ⁵

Mang Kanawo’ e Rib Fal’ ni ngan Fol ko Kan Thothup?

Chingiyal’ nem. Sister Susan Bednar (ppin rok Elder David A. Bednar ko fare Ulung ko fare Ragag nge L’agruwi Apostle) e ba cheg nag i fol ko kan thothup. Tomuren e meybil “ni ngan guy e pi’in nib tu’uf e ayuw roraed,“ me sapsap u fithik e gidii’ ma baga’ nima “thamiy ni guy bee’ fa nge kol nag bee’,“ Elder Bednar e be weliy. “Ma napan ni thapeg Sister Bednar e binem, me fol riy nib papay. Baga’ ni napan tomuren nikan noeg e ’amen’ ko misa, me non ngak bee’ fa m’ag e gamuchmuch ngak bee’ fa, napan ni ran sul nga tabinaew, me gurgur ko fon nge kol.“⁶
Athamgil. Murus ni yira siyeg nem nge tamra’, magagwon, e rayog ni nge taleg daed i fol ko fare kan thothup ni ngan machib. “Ngiyal’, ma gadaed gubin ma gadaed ma magagawon, balyang, fa mak’alit,“ e yoeg Elder Gerrit W. Gong ko fare Ulung ko fare Ragag nge L’agruwi Apostle. “Machane u fithik e murwel rodaed nib yul’yul’ ni nge tu’uf Got rodaed man machib, ma gadaed ra thamiy e tu’ufeg rok Got nge kanawo’ ni ba tu’uf rodaed ma yafas rodaed e ra bi’ech ma thothup.“⁷

Reb e mo’on e weliy rogon ni marwaer ni nge ayuweg ba pumo’on ko ba ppin rok ke guyrogon ni nge lii’ ir. Machane ma arame non ngak ngar ranow ko abich. “Napan kug fith ngak, ’Kan guy rogon ni nge li’ e ppin rom ir.“ Ba momaw’ nib kirbaen’ e binem ngom. Ga ba adag ni ngam nonew marunga’agen?’ ke yoer,“ ke weliy. “Ku nonow ni gomow be sabathin me yag ni nggu pagan’ gow ngomow nib papey.“⁸

© 2019 by Intellectual Reserve, Inc. All rights reserved. Kan yoloey u Meriken. Kan micheg nag ko thin nu Ngalis: 6/18. Kan micheg nag i pilyeg: 6/18. Pilyeg ko Ministering Principles, September 2019. Yapese. 15770 905