Taian Reirei n te Mwakuri n Ibuobuoki, Beberuare 2020

Ibuobuoki rinnon Karakin Utu

Tamnei

ministering

Tamnei iroun Joshua Dennis; tamnein akuna ao rawetamnei man Getty Images

Ni buoka temanna ma karakin aia utu bon te kawai ae mwaakaroiroi ni ibuobuoki. Ngkana ko reitia tabeman ma aia bakatibu rinanon karakinaia utu ao taekaia, ko buokia ni karika te kukurei ae korakora ao n namakina riki te reitaki ma aia utu nakon are ataia mai imwaina (taraa Maraki 4:5–6).

E ngae ngke te membwa ae e a maan ke temanna are tuai n ongo taekan Ana euangkerio Iesu Kristo ae kaokaki, ni kabane natin te Atua a na ingainga bwa a na ataia bwa a nako ma iaa.

E bon aki anaa te tai ae maan ni karekean te namakin ae nano ao n teimatoa, n aron ae kabwarabwaraaki ni karaki aikai.

Kunean te Utu n 9100 te miita

N te tai ae aki maan n nako ni kibau n okira mweengau, I mena irarikin Steve, are taekini mwakoron karaki ae bon taekana. E a tia n otinako man te reirei ae rietata, e rin n te Taanga ni Buaka bwa te tia rabakau ni bwain itoman ngke 18 ana ririki, ao ni waetata ni moana ana mwakuri n te White House, ni buoka mwakurin te itoman ibukin te Beretitenti n te United States. Man te ririki ae 18 nakon 26, e a tia ni beku ibukiia uoman Beretitenti n Amerika. E kakaongora ana karaki!

“Steve,” I taku,“ko na korei karaki aikai ibukiia kanoam! A kainanoi ni karekei moan karaki aikai ma iroum.” E kariaia.

Ngkanne te Tamnei e kauringai bwa N na titirakinna ngkana e ataia ana bakatibu. Steve e ataa ae mwaiti riki man ana itera tinana, n ikotaki ma karakin ana utu ngke n te tai teuana a katairiki ma Abraham Lincoln ngke tabe n anainano ni kabuta te aba n te ririki 1860 inanon rinean te Beretitenti ibukin te U.S.

Ma, e aki mwaiti ae ataia man ana utu tamana. E kan ataia riki. I kauka au tarebon ao I kauka Family Search app. “Steve, ti kona ni kakaea am utu ngkai naba!”

I tomaai nakon ana Wi-Fi te wanikiba. I katuka au tareboon iaon taiboran te turee are i matau n te aro bwa ti aonga ni kona n ni uaia n nooria. Ti kakaea Rikin te Utu. Inanon te tai ae waekoa ti kaai n matakuakina ana beba ni mare tibutoruna te mwaane nakon tibutoruna te aine.

“Ngaiia akanne!” e taku. “I a uringa kabanean aran neienne ngkai!”

Ti a namakina te kukurei ae roko iroura ni kauoman. Ti mwakuria kabwaninan rongorongoia ana utu aika a aki bati n ataaki n te tai ae 45 miniti. E butiai bwa N na berita bwa ti na reitinako ni uaia ni kakae i Colorado. Ti a anga ara rongorongo ni itoman ngke tabe n tiku te wanikiba.

Ikai are ti, kiba 30,000, te buuti (9,145 mita) n te eea, ma te tareboon ae uarereke inanon baiu, ni kakae ibukin te mwaane ao te aine aika mareaki 100 te ririki n nako ake aki reke irouna ao ana utu. E kamimi! Ma ti kunei. A toma taian utu. A uringaki taian karaki. I bon kakaitau ibukin namakinan te rabakau ao taian bwai ni mwakuri. Bon akea bwa bon tii te kakai.

Jonathan Petty, Colorado, USA

Katobibiaki n te Utu ae Boou

Maria e aki bati ni kakaonimaki n te maan ae raka nakon 20 te ririki. Tabeua namwakaina n nako, ti kabanea tabeua te aoa ma neiei ni mwengara, ni kakaeia ana utu rinanon bebwa ni wareaomata ao rekooti tabeua. N te tai anne e a tang man taku,“I a reiakina aron au utu inanon uoua te aoa nakon are I ataia inanon maiu ae bwanin!”

Ni banen ara tai ni kabane, ti a kabwarabwara nakoina bwaai ake iaon te Family Tree app n aron Utu ake Irarikiu. E a oti kanoana bwa kaain abau ao Ngai bon utu aika a raro nakon Maria. E a manga tang, ao e taku ba n ana iango ai bon tii ngaia. E aki ataia bwa iai ana utu n te tabo arei. Tabeua te wiiki imwiina e kaitibo Maria ma te bitiobi. E mwakuri neiei ni katauraoi ibukin te tembora, ao e a tia ni kaitiboo ma ai tarina aika “boou” inanon ara uoote!

Carol Riner Everett North Carolina, USA

Baire ibukin karaoan te Ibuobuoki

Ashley, te titita ae I katauaki bwa N na buokia, ao ngai iai ara boki ni kuuka mairouia tibura aine. Ana boki ni kuuka neiei bon mairoun tibutoruna te aine, ao au boki bon te boki ae I boota kanoana ngke I a bwaibwai iaon te Greenwood bwaoki ae bebwa ni kuuka kanoana mai roun tibu are e a tia ni mate.

Ashley ao Ngai ti kaai n rinea ara kakaraoi man ara boki ni kuuka, ao ti a bootaki ni kataa aron karaoaia n te tairiki teuana. Neiei e rinea karaoan te kabanea n amwarake, ma ngaia are ti karaoia ao ni kaaki n te ai ni umum. I rinea te chip dip—oin kanaia te utu ae Greenwood n te baka n amwarake. Alice natin Ashley te aine e buokiira n nora kangkangin te amwarake. Ngkanne, ibukina bwa Ashley e aki tangiria ataei bwa a na kabanea ni kana te kabanea n amwarake, e anga tabeua nakoia titita ake e buokiia.

Te bwai ae I rangin n tangiria n tain ara kakatai ni kuuka n te tairiki bon arora ni kuuka ao ni kariki, ti maroroakin aron oin iango n ibuobuoki—ana kaangaanga ao ngai. Ma ti taekina naba aroia tibutorura aine ao tinara, aika tamaroa ibukira ni kauoman.

Jeniffer Greenwood, Utah, USA

Kawai aika Bebete n Ibuobuoki

Rongorongon te Utu a kona ni karekei aanga ibukin aanga n ibuobuoki ngkana e taraa n ae akea riki ae konaa. Aikai iango tabeua aika ko na katai.

Buokiia n rawei ao ni katokai bwanaa aika raweaki n rongorongoia ao karakinaia utu e moamoa riki ake a booraoi ma taiaan tamnei.
Karaoa te tiaata ae e mronron ke rongorongon te utu aika boretiaki iaon taian bebwa are ko konaa n anga bwa am bwaintangira.
Reirei kawai ni karekei oin aia rongorongo rinanon kawakinan te tieno n aron are a tangiria. Bwanaa ake a raweaki? Tieno n Tamnei? Tauan mwin kanoan te Witeo? A mwaiti rinerine ibukiia ake a aki tangira ana bomaeti te tieno.
Airi nakon te tembora ni karaoi otenanti ibukia bakatibu. Ke kukurei ni karaoi otenanti ibukin araia aia utu ngkana e mwaiti irouia are e a aki reke karaoana irouia.
Ikotaki n reiakin katein te utu.
Ira te kiraati ni kabane ibukin rongorongon te utu.