2020
Erudua Temple Som mu dze Rosom
Ebɔw 2020

Erosom ho Fapem, Ebɔw 2020

ERUDUA TEMPLE SOM MU DZE ROSOM

Sɛ yɛboa binom ma wonya temple nhyira a, nna yɛrosom.

Mfonyin
ministering

Mfonyin a ɔda ekyir no fi Getty Images; Tegucigalpa Honduras Temple mfonyin.

Temple nkɔreee ne mfaso no fata mbɔdzembɔ no. President Russell M. Nelson kyerɛkyerɛɛ dɛ “temple no hia tsitsir ma hɛn na hɛn ebusua ebusua nkwagye na nkwagye ntowdo. …

“… Hɛn mu kor biara hia sunsum mu dzenhyɛ na ntsetsee no a ɔkɔ do a Ewuradze ne fie mu nko na yebotum enya.”1

Temple nkɔree hia dɛ yɛhyehyɛ hɛn mber, asodzi horow, na ahodze ho yie, na yɛyɛ sunsum mu ahosiesie so. Sɛ yehu akwansidze a osiw hɛn enuanom na nkyerɛbaa no kwan ma wonntum mmba temple no na yɛboa hɔn ma wonya ho nyiano a, nna yɛrosom hɔn.

Temple no Yɛ Nhyira a Obiara Botum Enya

Meg, asɛmpasomafo a ndaansa yi ɔasom ewie, ber a nna ɔnam rokɔ Kona Hawaii Temple abow ho no, ohun akataasiaba bi a no nko tsenaa bɛnkye do wɔ abowano. Meg nyaa atsenkã dɛ ɔnye akataasia no nkasa, naaso nna onnyim dza ɔnkã. Ntsi obisaa no ahyɛnsewdze a ɔayɛ no wɔ akataasia no n’anankoroma ho no ne nkyerɛasee. Ɔno hyɛɛ nkɔmbɔdzi ase a ɔmaa akataasiaba Lani, tumii kyɛɛ n’asɛm.

Lani kãa kyerɛɛ Meg faa n’aperdzi dɛ ɔbɛsan dze noho ahyɛ Asɔr no mu emudzi mu, asɔrmba a wɔdze enyigye roboa no, na n’enyidado dɛ dabi wɔbɔsɔw no ano aka ne babaa abɔdomaba noho ho asɛm.

Meg kãa kyerɛɛ Lani dɛ ɔnye no nkɛtsena temple ntweɔnee dan no mu. Worunntum nnhɛn temple no mu nkɔ ekyir dze, naaso wobotum atra abobow no. Lani peen do, na wɔbɔɔ mu hɛɛn abotsen no mu. Temple edwumayɛnyi bi kyerɛɛ hɔn bɛnkyɛ bi a osi Agyenkwa no Ne nsaano mfonyin bi ase.

Ber a wɔbɔ mu tsenaa hɔ no, Lani wɔsaa dɛ, “Nna mepɛ ankasa dɛ meba temple ndɛ, naaso nna me fer.” Osiandɛ Meg tsiee Sunsum ne ndze no ntsi, ɔboae ma Lani nyaa no kommyɛ mpaabɔ ho mbuae.Adwenkyerɛ a Ɔbɔboa Hɔn a wonnyi nsusui

Hɔn a wonnya nnyaa temple nsusui no mpo no temple no botum ehyira hɔn.

Ma Temple Nkɔree Nyɛ Mberɛw mma NkaafoAsɔrmba a wɔwɔ temple nsusui no mpo no, temple nkɔree botum ayɛ ɔhaw ama hɔn

. Binom behia dɛ wotu kwan tsentsen. Bia nkaafo no wɔ mbofra nkakraba anaa ebusuafo mpanyimfo a wohia dɛ wɔhwɛ hɔn. Yebotum yɛabɔ mu ayɛ edwuma a ɔbɛma temple som etum akɔ do ama obiara.

Leola Chandler nyaa atsenkã dɛ no kun a ɔyar na hɔn mba baanan hɔn nhwɛe no abor no do. Ntsi ɔyɛɛ n’adwen dɛ ɔbɛfa mber kakra Benada biara akɔ temple a ɔbɛn no no. Ɔbɛyɛɛ asomdwee na tum farbaa wɔ n’abrabɔ mu.

Da kor bi ɔtsee dɛ nkyerɛbaa mpanyimfo kakra bi a wɔwɔ no ward no pɛɛ dodoodow dɛ wɔbɔkɔ temple, naaso wonnyi hɛntsiadze biara a wɔdze bɔkɔ. Leola kãa dɛ ɔbɛfa hɔn nye hɔn akɔ. Mfe 40 no a odzi do no, no nko annkɔ temple da.2

Ɔyɛɛ nhyira maa Leola, na ɔno so hyiraa binom ber a ɔkãa dɛ ɔnye hɔn bɛkã noho akɔ temple no.

Adwenkyerɛ a Ɔbɔboa Binom ma Wɔakɔ Temple

Ibesi dɛn botum aboa binom ma woetum ataa akɔ temple? Bia ibohu dɛ adwenkyerɛ yinom ara bɔboa wankasa so.

  • Hom mbɔ mu nkɔ. Ma anaa yɛ hɛntsiadze ho nhyehyɛɛ ma obi. Obotum ɔahyɛ obi so nkuran ma ɔakɔ temple.

  • Bisa w’ebusua mu mba anaa wardfo ma wɔmboa wo ma yɛ ayɛdze ma w’ewuakɔr, nkankara ber a iwɔ ebusua edzin pii a wɔayɛ krado ma ayɛdze horow.

  • Fa woho ma dɛ ebɔhwɛ mbɔdomaba do ama awofo no eetum aakɔ temple. Anaa yɛ nhyehyɛɛ a wɔbɛfa mber edzi nsesã dze ahwɛ hɔn mbofra do.

Ber a Temple no Wɔ Ekyirekyir

Chandradas “Roshan” na Sheron Anthony a wofi Colombo, Sri Lanka, bɔɔ adwenpɔw dɛ wɔbɔsɔw hɔn ano wɔ temple. Ɔyɛɛ hɔn anyɛnkofo Ann na Anton Kumarasamy dɛw papaapa maa hɔn. Naaso nna wonyim dɛ erokɔ Manila Philippines Temple no nnyɛ mberɛw anaa no bo no nnda famu.

Roshan na Sheron siei hɔn sika na wotuaa hɔn wimuhɛn ne hɛntsiadze a hɔn ahom botum no, abosoom pii ana ber no rudu. Ewiei no, da no bae. Naaso, akwantu ne finimfin no, ber a wɔwɔ atweɔnee wɔ Malaysia no, wobohun dɛ ama wɔaatoa do aakɔ Philippines no, wobehia visa anaa wobehia dɛ wɔfa wimuhɛn fofor. Nna wonnkotum enya visa, na hɔn sika nnsõ wimuhɛn fofor hɛntsiadze no. Mbom nna wonntum nngye adwen no nnto mu dɛ wɔbɛsan fie a wɔannsɔw hɔn ano.

Onnyim dza wɔnyɛ bio no, Roshan frɛɛ Anton. Nna Anton na Ann pɛ dɛ wɔboa ankasa. Wɔkã awarfo kumabaa a wɔwɔ Sri Lanka a wɔasɔw hɔn ano wɔ temple no ho, na wonyim mbrɛ nhyira ne kɛse tse. Naaso ɔnnkyɛree na wɔdze hɔn sika a wɔdze esie nyina boaa ebusũanyi bi a ɔwɔ ahohia mu, ma wonnyi sika a ɔbɔsõ a wɔdze bɔboa Roshan na Sheron ma wɔatɔ wimuhɛn fofor hɛntsiadze.

Sri Lanka mu no, ɔyɛ amandze dɛ ayefor kun tɔ sika kɔnmuadze ma ayefor no ama sɛ no kun wu a oeenya sika kakra. Ann yɛɛ n’adwen dɛ ɔbɔtɔn no kɔnmuadze no dze aboa ma wɔatɔ hɛntsiadze fofor. N’adɔyɛ adzekyɛdze no maa Roshan na Sheron tumii dur mber pa mu ma hɔn temple ayɛdze no.

Ann kãa dɛ “Minyim temple nsɔwano no bo a ɔsom.” “Nna minyim dɛ Sheron na Roshan bɛyɛ nkorbata no ne ntaaekyir ahoɔdzen kɛse. Nna memmpɛ dɛ wɔbɔhwer kwan yi a ɔabɛda hɔ no.”3

Adwenkyerɛ a Ɔbɔboa Hɔn a Wonnkotum Akɔ Temple no

Ibia wɔbɛfrɛ wo ma asom hɔn a wonnkotum ataa akɔ temple anaa wonnkotum akɔ koraa osian kwan ne tsentsen anaa no bo ne ntsi. Naaso ibotum ada ho ahwehwɛ akwan a ɔbɔboa hɔn ma woenya temple nhyira ho enyisɔ.

  • Kyerɛkyerɛ hɔn anaa enye hɔn mbɔ mu nkɔ temple ahosiesie anaa ebusua abakɔsɛm adzesũa.

  • Ma hɔn temple mfonyin bi ma wɔmfa nsan hɔn fie.

  • Sɛ akɔ temple a, enye hɔn nkyɛ wo sũahu ho nkã-tse na wo dasegye wɔ temple ayɛdze horow ho.

  • Boa hɔn ma wonsũa beberee mfa ahyɛmudzi horow a wɔayɛ no na mbrɛ wobesi esie. Susu dɛ edze “Understanding Our Covenants with God: An Overview of Our Most Important Promises,” wɔ Ayɛwoho 2012 Liahona mu bedzi dwuma.

© 2020 odzi wɔ Intellectual Reserve, Inc. All rights reserved. Wotsintsimii wɔ USA. Ngyiresi Borɔfo kasa ngye ntomu: 6/19 Nkyerɛasee ngye ntomu: 6/19 Ministering Principles, March 2020. ne nkyerɛasee. Fante. 16985 502

Nsɛnsin

  1. Russell M. Nelson, “Becoming Exemplary Latter-day Saints,” Liahona, Ɔberɛfɛw 2018, 114.

  2. Hwɛ LaRene Gaunt, “Finding Joy in Temple Service,” Ensign, Ɔbɛsɛ 1994, 8.

  3. Ann na Anton hɔn nsa tumee kãa hɔn kɔnmuadze no bio ekyir no a Wiadze Mfɛndzanan Asɔr ne Temple Ayɛdzegyefo Mboa Fotow no a, ɔma Asɔrmba mboa preko per ma hɔn a wonnkotum enya sika akɔ temple no, tuaa hɔn kaw a wɔbɔe no maa hɔn no.