Erudua Ahodan mu do dze Rosom

Awargyaa ekyir no, nna moho akyer me wɔ sikasɛm mu, a morobɔ mbɔdzen ahwehwɛ edwuma ayɛ, a nna maayɛ enã a ɔatsena fie mfe awɔtwe a abɛsen no. Nna miridzi aper wɔ sunsum mu so, rohwehwɛ nokwar na gyedzi, a nna munntuu m’anan nnsii asɔrdan mu da fitsi ber a nna meyɛ abasirba no.

Kwesida bi, nna morohor me ndzɛmba wɔ m’akyerɛbaa panyin, Priscilla a, ɔbɔhyew wɔ Asɔr no mu no, ne fie. Mowɔ hɔ no, Priscilla too nsa frɛɛ me dɛ menye n’ebusua nkɔ asɔr—me nsato a odzi kan wɔ mfe bɔbor 15 mu.

Ahyɛse no, nna morotwetwe moho, mbom anafua no a adze rebɛkye enyim no, nna matotɔ aserɛ Nyame dɛ Ɔnkyerɛ me mbrɛ mibesi bɛbɛn No. Ekyir no metsee wɔ mo mu dɛ monkɔ no, misii gyinae dɛ, “Dɛn ntsi na ayɛ panyin yi mfa wɔankasa w’akoma na w’enyiwa nkɔ nketsie na nhwɛ mma woho?”

Ber a yɛwɔ sacrament nhyiamu ase no, muhun krataa bi a ɔfam Kwesida nkaabɔ banho a ɔreda ahodan adzesũa wɔ ankorankor sikasɛm ho no edzi. Nna mennyɛɛ krado dɛ mebɛsan aba asɔr dze, naaso adzesũa adapɛn-12 no twetwee me. Menyaa nkuranhyɛ fi m’akyerɛbaa na mo kun panyin hɔn hɔ no, mekyerɛɛw me dzin, a nna m’enyi da kwan dɛ mubosũa mbrɛ wosi yɛ sikasɛm ho nkontaabu na metua moho akaw ara. Naaso adzesũa no, sesãa me sunsum mu.

Nna adapɛn kakra a odzi kan mu no, sunsum mu nsɛm no ama moho abow me dze, naaso adzesũa otsĩa ebiasa mu no, atsenkã a osi pi hyɛɛ mo do koraa dɛ maba fie na miretsie nokwar a minyim no dada no fofor. Mifii adzesũa no mekãa me kaar ntsɛmara kɔr Priiscilla hɔ. Enyisuwa egura me no, mibisaa no dɛ, “Mibesi dɛn benya atsenkã yi mbordo wɔ m’abrabɔ mu?” Ɔnye asɛmpasomafo no hyehyɛɛ dɛ wɔnhyɛ ase nkyerɛkyerɛ me.

M’ahodan adzesũafo no baa m’asɛmpasomafo adzesũa no ase na wɔmaa me abamba. Wɔmaa menyaa sunsum mu ahoɔdzen a otsim ara yie na wɔboaa me ma mutuu me dasegye mpon wɔ asɛmpa no ho na ndɛ da yi nkɔnhyɛfo ho.

Mber a medze wiee adzesũa no, medze yɛɛ honandua na sunsum mu nsesã pii. Menye company papa bi hyɛɛ edwuma ase, na mutuaa moho akaw pii.

Mbom nhyira dɛɛdɛw no a ɔdɔ bun mu no a ofi adzesũa no mu binom nye anyɛnkoyɛ fɛɛfɛw a ɔtahyee, muduaa bishop a ɔhyɛ nkuran do tuu nkitahodzi pa mpon, menyaa ebupɛn du ho dasegye, megyee me temple recommend, megyee me endowment, mohwɛe ma wonumaa me mbofra mpanyimfo beenu no.

M’anamɔn kwan no a ɔdze me rokɔ ahodan no, da ho rokɔ do, naaso kesi akwantu no ewiei no, adzesũadze a musũae na anyɛnkoyɛ a meenya no bɔsom me bo.

Ber a ɔkɛseraa Temple Square a ɔwɔ Salt Lake Kuropɔn, Utah, wɔ Mumu 2016 a ɔnye ne mfe-10 banyimba, Vincent kɔree no, nna Katie Funk bu noho dɛ “ɔmmfa nyamesom nnyɛɛ hwee ma noho tɔ no.” Ofii Asɔr no mu ber a oedzi mfe 16, yɛɛ enã ahokwafo wɔ mfe 17, ɔhyɛɛ ase yeyɛɛ tatoo wɔ no honam enyi, na ɔpɛɛ kɔfe no nom. Mbom Temple Square nsera mu no, Vincent nyaa Sunsum Krɔnkrɔn no ho atsenkã na obisaa ne maame sɛ obotum agye asɛmpasomafo adzesũa a.

N’edwuma ebien, a ɔgye dɔnhwer 80 dapɛn biara ekyir no, Katie nye Vincent sũaa asɛmpa no, a ɔyɛ ne nsɛmbisa ho nhwehwɛmu wɔ asɛmpasomafo nsera no ntamu. Ɔhyewber 2017 mu no, ɔhyɛɛ ase dɛ ɔrokɔ Asɔr nhyiamu horow, a osũae faa Asɔr no n’ahodan adzesũa ahorow no.

Ɔkãa dɛ, “Muhun dɛ nna wɔyɛ dza obotum aboa me.” “Bia onnkehia dɛ mebɛyɛ edwuma ebien anaa mobɔtwer m’awofo m’abrabɔ ber nyina mu.

Katie kãa dɛ n’adzesũa no “hyɛ honandua mu na sunsum mu dzen ma ɔyɛ nwanwa,” nnyɛ osian dza osũaa no nko mbom osian mbrɛ n’ahodan kuw no gyee no too mu na wɔsom no no.