Kosalisa na nzela ya Yaka, Landa Ngai

Ntango Ofelia Trejo de Cárdenas abiangemaki mpo na koteya bilenge minzemba na palwasi na ye ya Mexico City, ayokaki ete kozalaka na bondeko makasi na moko na moko ya bayekoli ya Eteyelo ya Eyenga ekoki kobakisa makoki na ye ya koteya mpe kolendisa bango.

“Soki nazali na mokangano makasi na bayekoli na ngai te mpe soki bayoki bolingo na ngai te, bakoki kondimela ngai te ntango nazali koteya liteya moko to kopesa litatoli na ngai,” elobi ye. Bakoki koyoka ete nazali kaka moteyi ya Eteyelo ya Eyenga.”

Kasi lolenge nini ekokaki Ndeko mwasi Cárdenas kokolisa mokangano ya boye soki ateyaki bobele mbala moko poso mibale nyonso? Amonaki eyano na nzela ya tekinolozi. Kosalelaka aplikasio ya telefone WhatsApp, ye mpe bayekoli na ye bazalaki nokinoki koseconnecter tokangema na basusu na Interneti mokolo na mokolo na nzela ya kosolola na kokomaka nkoma mpe na nzela ya maloba. Sikawa, mikolo nyonso liboso ya liteya ya Eteyelo ya Eyenga ya nsima, molingi moko ya kelasi atindelaka baninga oyo ya kelasi mosusu molongo moko ya makomi uta na nkoma ya liteya elongo na likanisi na ye moko etali yango. Nsima ya kotanga molongo mpe likanisi yango, baninga ya kelasi bakoyanola na makanisi ya bango moko.

“Ntango batangi makomi, batindi elongi ya esengo moko mpo nayeba soki batangi to bayekoli makomi yango mpe bakanisi na ntina na yango,” elobi Ndeko mwasi Cárdenas. Na ntango ya liteya ya Eyenga ya nsima, bayekoli bamibongisi mpo na kosala elongo.

Kozala connecter to bokangemi na baninga ya mokolo na mokolo oyo kala te epambolaki elenge monzemba moko oyo baboti na ye bazalaki komipesa te na Eklezia.

“Nalingaka yango ntango namonaka ye koya na eklezia mpo nayebi ete mpo na kosala yango, asengelaki kokutana na mikakatano nzike,” elobi Ndeko mwasi Cárdenas. Nandimi ete makomi mpe makanisi ya moninga ya kelasi na ye batindaki mpe makomi mpe makanisi atindaki ntango ekomaki mbala na ye alendisaki ye mingi.”

Ndeko mwasi Cárdenas alobi kosalisa na nzela ya makomi asukaka na liteya ya Eyenga na ye mpe na bokangemi ya makomi ya mokolo na mokolo na ye te.

“Bomilengeli na ngai ezali na bosambeli mpo na bayekoli na ngai,” elobi ye. “Nakanisaka bango bobele na eyenga te kasi mikolo nyonso ya poso mpe lokola. Moko na moko na bango azali na bosenga ya ndenge mpe ekeseni. Moko na moko azali mwana ya Nzambe, Nakanisaka bango ntango nazalaka kolengela mateya na ngai.”

Mpe ntango ateyaka, ayokelaka—banso mibale bayekoli mpe Molimo Mosantu.

“Moteyi azali Molimo,” oyo nde mbala mingi ayokaka na mingongo ya bayekoli na ye. “Nasengeli kosala keba mpo ete maye balobaka ezali emoniseli oyo Molimo azali kopesa bango.”

Carla Gutiérrez Ortega Córdoba amiyokaka ya kopambolama kozala moko ya kelasi ya Eteyelo ya Eyenga ya Cárdenas mpo na nzinganzinga ya koliesa mpe kosalisa na yango. Carla apesaka nzinganzinga wana na makambo nzike, ndakisa:

• Komilengela: Kokabolaka makomi mpe makanisi esungaka bayekoli bamilengela mpo na kelasi ya nsima. “Makomi ya mokolo na mokolo eleisaka biso mpe etandolaka boyebi na biso,” elimboli ye.

• Kosala elongo: “Biso banso tolobaka. Oyo epesaka ngai nzela nayeba baninga na ngai ya kelasi mingi na mozindo, lokola baninga mpe lokola bandeko mibali mpe bandeko basi.”

• Bolingo: “Ndeko mwasi Cárdenas akambaka biso na boboto. Kelasi na biso ezali lokola likita ya libota na mpokwa, na bandeko mibali mpe bandeko basi nzike. Ezali ndenge mpenza.”

• Molimo Mosantu: “Tozali na molimo ya esengo, ya boyokani na kelasi na biso mpo ete tozali na boyokani na Molimo.”

• Litatoli: “Yaka, Landa Ngai esungi ngai namibongisa mpo na kokabola litatoli na ngai. Nazali na boyebi ya mozindo koleka ya Buku ya Mormon mpe ya Biblia. Wana epesi ngai nzela ya kokabola maye nazali koyekola elongo na baninga na ngai ya kelasi na eteyelo mpe bato na mosala.”

Ntango Greg mpe Nicky Christensen, ya Kentucky, USA, atangaki oyo etali boyokani ya Abalayama na makomi elongo na bana na bango misato, bamonaki yango mpasi mpo na kolimbolela bango. Bazwaki mokano lokola libota ete moko na moko na bango akoyekola boyokani ya Abalayama na bangomei mpe nsima bakokabola maye bamonaki.

“Tozwaki mwa bandimbola ya litomba,” elobi Greg. “Mwana na biso ya mibu mwambe ayekolaki ete nkombo ya Abalayama ezalaki Abalama. Nkombo na ye ebongwanaki na Abalayama mpo ete asalaki elaka epai ya Nkolo ya kotika lisumu mpe kozala na bomoi ya bosembo. Nakamwaki mpenza ete akokaki kobota eloko moko.”

Bango nyonso bayekolaki eloko moko ya sika mpe bazalaki na lisolo malamu etali maye boyokani ya Abalayama ezali mpe maye elingi koloba mpo na Basantu ya Mikolo ya Nsuka lelo.

“Tozalaki na momesano ya kotambola kaka nzinganzinga ya kisuku mpe kotanga milongo ya makomi moko nsima ya mosusu mpo na boyekoli makomi ya libota na biso,” elobi Nicky. “Yaka, Landa Ngai eyekami mingi epai ya koteya na Molimo. Sikawa ntango toyekoli elongo, nayokaka botindiki ya Molimo mpo na komema masolo na biso na nzela moko ekesana efandi likolo ya bokeleli ya libota na biso.”

Kosalela Yaka, Landa Ngai esungi bobele libota na bango emipesa mingi mpe kobendama na boyekoli nsango malamu na libota te, kasi esungi lisusu Greg mpe Nicky bakokisa bokeleli ya bana na bango.

“Yaka, Landa Ngai esungaka ngai nateya bana na ngai,” elobi Nicky. “Esungaka lisusu ngai natelemela mikakatano ya ndenge na ndenge oyo ntango mosusu nazalaka na yango na bana na ngai. Namiyokaka mingi na boyokani na Molimo, namiyokaka mingi penepene, mpe nazwi bitinda [ya Molimo] likolo ya lolenge nini nakoki kosungela moko na moko ya bana.”

Greg asepelaka na masolo ya nsango malamu molayi oyo Yaka, Landa Ngai esungaka ebotama na libota. “Bana na biso ya mibali bazali banso ya kokesana kotalaka boyebi na bango ya nsango malamu,” elobi ye. “Yaka, Landa Ngai epesi nzela mpo ete biso tosunga moko na moko na bango bayekola engebene na bokeleli na bango. Komonaka bango kokola kati na bolingo na bango mpe kotalaka bango koyekola lolenge nini bakoki kosalela boyebi na bomoi na bango ezali lipamboli moko ya kafukafu.”