Odingel el okiu a Mei, Moltirakl er Ngak

A Ofelia Trejo de Cárdenas sera le mokedong el mo olisechakl er a remekekerei el chad er a ikelesia er tir er a Mexico City, e ng ulemelchesiu el kmo a le mesisiich a delongelel ngii me a derta er tirka el lolsisechakl er tir eng sebechel mo ungil losisecheklterir e melisiich er tir.

“Alsekum eng diak a ungil deleuill er ngak me tirkal naglek, e dirrek alsekum meng diak el lomelchesuar er a beltkil a renguk, eng locha modiak loumera er ngak sel kulisechakl malechub e kuuchais er a klaumera er ngak el mo er tir,” ng melekoi. “Te locha mo omelchesiu el kmo ngak akuk di sensei er a Sandei Skuul.”

Ng di mekera e sebechel a Sister Cárdenas a lomekdubech ra uai tial deleuill alsekum meng di tal taem lolsisechakl er a bek el eru el sandei. A nger a le biltik er ngii lokiu a beches el dongu. Ng ulusbech er a mobile phone app el WhatApp, e ngii me a tirkal lolsisechakl er tir a mle mereched el moak er a bek el sils lokiu omeluches me a kuk di klumech ra ngor. Chelecha, e sel bek el sils ruchei er a Sandei, e a tara ngalek er tial klass a odureklii a bades er a chedaol llechukl el mengai er sel bo losuub er ngii lobengkel a kuk di uldesuel el kirel. A uriul er a le chiuii tial bades me sel uldasu el kirel, e a rokui el ngalek er a klass a mo onger el kuk otobed a ulesuir el kirel.

“Sel le chiuii tial bades, e te odureklii a medal a chad lungil a rengul me ak mo medengei el kmo te mla chuieuii e subii tial bades e mla omtab er ngii,” ng melekoi a Sister Cárdenas. Sel mei sel taem el mocha mesuub er tial suobel er a Sandei, e a rengalek ra klass a kldmokl el mesaod er ngii.

Tial omak er tir ra bek el sils a mlo klengeltengak el mora tara kekerel chad el demal ma delal a mlo diak lomais el mora Ikelesia.

“Ng meral soak sel kisang el mera ikelesia e le ak medengei el kmo sel omerolel mei, eng mo chemau a bebil ra ringel ,” ng melekoi a Sister Cárdenas. “A kungil medengei el kmo sel bades ma uldesuir el kirel ble lodurokl a le dak el klass ma uldasu el ngii a ultobed er seral temel a mle kot el smisichii.”

A Sister Cárdenas a melekoi el kmo a oldingel lokiu a chedaol llechukl a diak el merkui sel bolmerek a suobel er a Sandei me a ikel bek el sils el lomak er a klass lokiu a bades.

“A omengetmeklek a uldimukl a meluluuch el kirir tirkal kulisechakl er kir,” ng melekoi. “Ng diak di kumdasu er tir sel Sandei ng bai bek el sils er a bek el sandei. A dersta er tir a ngarngii a lousbech e kakerous. A dersta er tir a ngelekel a Dios. A kumdasu er tir sel kungedmokl a bo kulsisechakl.”

Me sel lolisechakl, e ngorrenges—er tir el ngalek me a Chedaol Reng.

“A Reng a ngii e a sensei,” ngii a blechoel el rongesii lokiu a ngor er a rengalek el ngii olsisechakl er tir. “Ng kirek el mo ungil lomtab e le a ikel lolekoi a ocholt el Reng a omesterir.”

A Carla Gutiérrez Ortega Córdoba omelchesiu el ngeltengat el ngara klass er a Sister Cárdenas er a Sandei Skuul er a teleletel a ulekerreu ma bedengel odingel ra chelsel. A Carla a omes er tial teletael er a chelsel a klas el ngii a mlukdubech lokiu a bebil ra ikal tekoi, uldimukl er ngii a:

• Mengedmokl: A odersel a bades me a uldasu a ngosuterir a rengalek el kirel sel mei el klas er tir. “A bades er a bek el sils a smisichemam e dochel a klemedengei er kemam,” ng silodii.

• Teloi ra cheldecheduch: “Kemam el rokui a mengedecheduch. Tia rullak el mo ungil medengelterir a kimdak el klas, el sechelei e rodam me a rodos.”

• Beltikelreng: “A Sister Cárdenas a oteklii a chimam. A klass er kemam a di ual ongdibel er a telungalek, el ngarngii a retela el rodam me a rodos. Ng kot el tokubets.”

• Chedaol Reng: “Ngarngii a ungil, e tabesul reng er a chelesl a klass er kemam ele ki ngara osisiu el dauch kemam me a Chedaol Reng.”

• Olchotel a Klaumerang: “Mei, Moltirakl er Ngak a mla ngosukak el kldmokl el olecholt er a klaumerang er ngak. Ng dmolech a kelemedengei er ngak er a Babier er a Mormon me a Biblia. Meng sebechek louchais a kusuub el mora ki mdak el klass me a rechad a ra urerek.”

A Greg me a Nicky Christensen, el chad er a Kentucky, USA, er a longuiu el kirel a telbill er a Abrahamic el ngara chedaol llechukl lobengterir a re tedei el ngelekir el sechal, e te milltik el meringer er tir el mesaoud er ngii el mo er tir. Te tilbir el telungalek el derta er tir a mo mesuub er tial telbiil er a Abrahamic el di tir el tang e mo ouchais a ike el siluub.

“A ki ngilai a bebil er a de semeriar el omesodel,” ng melekoi a Greg. “Ngkal eai a rekil a silubii el kmo a ngklel a Abraham a mle Abram. A ngklel a milengodech el mo Abraham le ngii el mle yaksok el mora Rubak el mo ikrii a klengit e kiei er a melemalt el klengar. Ak meral mlo mechas a renguk el kmo ng mle sebechel el mesa tiang.”

Tir el rokui el silubii el kmo ngerang el beches e mle ungil smodii el kmo ngera tial telbiil er a Abrahamic e ngera belkul el kirir a re Uriul-klebesei el Santo er chelechal taem.

“A ki mle blechoel el loudersta er kemang el menguiu a bades sel ki mosuub a chedaol llechukl el telungalek,” a Nicky melekoi. “Mei, Moltirakl er Ngak a melutk el bedul a olsisechakl loba Reng. Chelecha sel ki mdak el mesuub, e ak mo melchesiu er a odbechel Chedaol Reng el mo nguu a ki mosaod el bedul a kuk ta er a tekoi el ultuir er sel ki mousbech er ngii el telungalek.”

A ousbech er a Mei, Moltirakl er Ngak a diak el di blal ngosuir tial telungalek el mo ungil mesuub e semeriar er a omesubel a ebangkelio el telungalek, ng dirrek el mla ngosouir a Greg me a Nicky el olengeseu aikel ngesonges er ngii a rengelekir er a chedaol tekoi.

“Mei, Moltirakl er Ngak a ngosukak lolisechakl er a rengelekek,” ng melekoi a Nicky. “Ng dirrek el ngosukak el sumechokl a kakerous el ongarm el bebil er a taem e ng dubech er a delongelek ma rengelekek. A kumelchesiu el mo tang ngak ma Chedaol Reng, a kungil lorrenges, e mla ngmai a ulekrael el kmo ak mekerang a kulengeseu er a der ta er tir el ngelekek.”

A Greg a soal a meketeket el mesaod er a ebangkelio el tial Mei, Moltirakl er Ngak a ngosouir el morngii er a chelsel a telungalek. “A rengelekam a kakerous a dauch er a klemedengei er tir er a ebangkelio,” ng melekoi. “CMei, Moltirakl er Ngak a mla meskemam a rael el ngii a ngosukemam el mo olngeseu er a derta er tir el mesuub lultuir er a ike el ngesonges er ngii. Sel ki momes er tir el mukeroul a rengrir er ebangkelio e omes er tir a losmechokl el moltirakl a lodengei er a ebangkelio er a klengar er tir a meral klebokel el klengeltengat.”