Pii’ e Tomilang rok fare Tathapeg ko nap’an e Kristmas

Nap’an bayi 11 e duw rog, e sensey rog ko Sunday School, Brother Deets, ke yoeg ngak e klass rog ningad tafnayed e Kenginn e Mich ngad weliy’ed ngak e yib fan riy, irra chuwiy’ babyor ko scripture ma pii’ ngodad.

Brother nge Sister Deets kar fini mabgolgow, u somm’on. Kug lemnog ni dariy e salpiy rok Brother Deets ninge chuwiy’ e taw’ath ko bee’. Machane Kug me’leged fa’an irma lemnog fapi Kenginn e Mich nib gaa’fan ningu tafnaynag, Gura rrin’.

Tomuren Kug tafnaynag urngin e 13, tomuren boech e ningyal’ kug pagtalin e micheg rok.

Machane, nap’an fare rran ko Kristmas, Kug thapeg e kahol ni bay fithningag u dakaen. Kug bing kug guy e babyor ko scripture ningu fanay, ma bay e babyor nibe yoeg e tin fel’ ningu bi’eg. Ke buch e biney ko 1972, kug fanay ni Fanag binem e scripture nem. Pi’nen nib t’uf rog.

Dariy fan e puluwaen fare tawa’th machane fatin gol ke pii’ ngog ma maligach rok ni ke tay ni fan rog ninge yoeg e laniyaen’ug ningu bi’eg e thin rok Got. Gube gayrogon ningu fol e sasun rok Brother Deet ningu machibnog udakaen e taw’ath nib gaa’fan ngak e gidii’, gube athapeg ningu taw’ath nog e yafos ko gidii’ woed rogon ni ke taw’athnag e yafos rog.

Nap’an e gidii’ nibe yarmiyed e madnam ko ward Kristmas kar fithed ngog ningu yaen ngak boech e less-active chongin ko ward mug pinning raed ningar uned ko program, Kug thamiy e tamra’. Kug mada’ nag Darren ta’ e yay u somm’on, nap’an ke un e ward activity kafram. Ke tay e hangkerchif nifan e otobay nga dakaen loelgen. Ke n’uw e pi en loelgen ko ponytail, keb sorben nib wechwech, me bay e tattoo u paa’ nib bo’or.

Chiney, ko reb e chongin ko committee, kug sak’iy u ko maab rok Darren, kug lemnog e thin nira yoeg. Ke pinning mow ulangin, mug weliy’ew e fan kug bow. Ke yoeg, “Guba a’dag ninggu rrin’!”

Ke muruwel nib fel’, me ayuweg e activity ninge fel’ngin ni fan e gidii’. Tomuren boech e ningyal’, kan fith ngomow e companion ko machib rog ningu mada’nogew Darren boech e ningyal’. Irma falflaen’ ninge guy mow, kug sabethin gaed nib fel’. Kug falflaen’ ni fan e yi’iy ningu pinning ir ninge un e program ko ward ke yoeg e fagar nib fel’.

Bay boech e ban’en ningam rrin’ ngak e gidii’ nib machib rom yaedra nang gama lemnog marung’araed, nap’an e ningyal’ ko duw ney.

1. Boech e ningyal’ e call nog fa text re yoeg e ma’ang’ang. Mu tabab e sabethin ko “Mogethin, ke urogom boech?” ra yoeg e tin fel’.

2. Un e madnom roraed nap’an nib fel’. Kristmas i’ir e ningyal’ nib fel’ ningam fil marunga’agen e michaen’daed. Nap’an gara yoeg e michaen’um mu motoyil ngak reb e gidii’, ninge yoeg ningam nang fan ni fel’ rogon.

3. Meybil nifanraed mu yoeg fithingraed. Ra ngam ning e ayuw ko Chitamangdaed nu Tharmiy ninge ayuwegem ningam pinningraed ngak Fak.

4. Taw’ath nib mo’em ran pugguran ko n’uw nap’an. Gathi ba t’uf ni ngam flont gaed e taw’ath. E taw’ath ko ningyal, e taw’ath ko motoyil, pii’ e sasing fa pugurran—yaed e tawa’th ko gum’racha’.

5. Mu pii’ e taw’ath ko michaen’. Mu fithraed ningar yoeged e t’ufegraed ko Tathapeg ngom, mu yoeg e t’ufeg rom Ngak ngoraed.

6. Pinningraed ningar uned e machib ko Kristmas. Boech e gidii’ ba’adag ningar liyoergaed machane dar nanged u’uw ningar ranoed ngay. Pinningraed ningar uned e liyoer rom.

7. Suguy e tabinaew roraed ko gapas. Non ngoraed fapi missionary ra pii’ e milwol ko Kristmas ngoraed, ninge yoeg e athap nge t’ufeg nga gum’racha’raed.

Ulung e gidii’ ba t’uf bo’or e ban’en. Tin nib fel’ ko yarmiy e mo’olung nib gaa’. Reb e mo’olung e gidii’ ra fel’ rogon u dakaen e ngongol nib mo’em ma chigchig. Fapi gidii’ nib yarmiy e faffal udakaen e meybil ra me’leg urrogon ningar fulweged e tin t’uf ko gidii’.

• Fapi chongin ko delip e stake u Paris, France, ayuweged e Magal ko Fayleng madnom ningar uned e talent show nge fashion show. Kar taermedliyed e ban’en ningar pii’ed ngak e refugee nge gidii’ ni dariy’ e na’un roraed.

• Fare Charlotte North Carolina Central Stake kar pii’ed e “Kristmas ulongob e Fayleng” madnom ni fan e binaw, bay e madnom ningar madnomnoged e Kristus udakaen e gaan, musik ko bo’or e nam ko Christmas, yoror, nge nativity ko bitir.

• Chongin e Vero Beach Florida Stake kar uned e madnom ko Kristmas. Talin ko gosgos kan pii’ ko community charity. Ulungi bitir ko primary kar yin’ed e pi tang, ma bo’or e galasia kar yarmiyed e dag ko nang fan.

• The Jacksonville Florida South Stake kar pii’ed Tathapeg ni fan e Fayleng ni fan e binaw.