The Diak a Ulebengelel Telbiil

Sel tal moak a telbiled lobengkel a Dios, e kede mo mecherei sel delcherud el kal bong ma ka lemei el mo cherechar. A Dios a diak bol ikrii a deleuill er Ngii lobengterir a re mla mekur a ungil deleuill lobengkel. Mal uaisei, e tirkel rokui el mla mekur a telbiil lobengkel a Dios a ngarngii a rolir el mo nguu a tokubets el beltikelreng me a klechubechub. Ngara tekoi er a Hebrew, e tiaikid el telbiil er a beltikelreng a lomekedong er ngii el hesed (חֶסֶד).³

Hesed a diak a kmal osisiu el belkul el tekoi er a Merikel. A re oliuid er a King James Version er a Biblia a locha mle meringel er tir el oleiuid er a hesed el mo tekoi er a Merikel. Te blechoel el ngiltii a “bekorurau el beltikelreng.” Tia nguu a telkib el klou eng di diak el ngii rokir el belkul a hesed. A bebil a dirrek el mlo mocholt, el uai a “klubechub” ma “ungil.” Hesed a bleketakl a belkul lolecholt er a deleongel er a telbiil el terul chelechad a telib er a rengrir el moltirakl e blak a rengrir el kirel a tang ma tang.

A ngarbab el dauch er a chelebechiil tiaikid ea deleongel er a telbiil. A rubekel a mekur a telbiil lobengkel a Dios me a delongelir lobekel el mo oltirakl el blak a rengrir el kirel a tang ma tang.

Hesed a tokubets el bedengel a beltik el reng ma klubechub el Dios a melchesuar er ngii e oldars er ngii el mortirkel mla mekur a telbiil el lobengkel. Me kede mtechei e lobahesed elmo re Ngii.

siasing/Llecheklel

a re direke mlo kaubuch el obekel el ngara ikrel a templo

Siasing el mlara Jerry L. Garns

E le a uchul a Dios el oba hesed el mo er tirkel oba telbiil lobengkel, Ngii a mo oubeltikelreng el mo er tir. Ngii a melemolem loureor lobengterir e mesterir a techall el mo mengodech. Ngii a mo ousubes er tir sel bo louchel a kngterir. E a lsekum e te mo chebirukel, e Ngii e mo ngosuterir el metik er a rolir el lmuut el mo er Ngii.

Sel ta el kau me a ngak de bekur a telbiil lobengkel a Dios, ea delongeled lobengkel a mengai el mo kmes er a ikel sils ruchel er a telbiled. Chelechang e ke de mla moak el mo tang. E le uchul tial telbiled lobengkel a Dios, e Ngii a diak a tang me bol mesaul a rengul lolengeseu er kid, me kid a diak a tang me bo dokngemedii sel klechubechub er a kllou el reng er Ngii el me er kid. A derta er kid a ngarngii a tokubets el basio er ngii er a chelsel a rengul a Dios. Ngii a klou a urungulel el kired.

Ko medengelii sel ngara resksi el tekingel a Rubak el mora Profet Joseph Smith. Ng mlei lokiu a ocholt. A Rubak a dilu er a Joseph el kmo tial yaksok a eko er kau el dirrek, e le kau a mlara Abraham, me a sel yaksok a milruul el mora Abraham (Doctrine and Covenants 132:31).

Me a le uaisei, e tial diak a ulebengelel el telbiil a mloluut el tebedechel se klou el Olutel a ebangkelio er sel cherrengelel. Ka momtab er ngii! A telbiil er a chebechiil el mekedmokl er a chelsel a templo a melemalt el ulak el mo er sel telbiil er a Abrahamic. Ngara chelsel a templo ea robekel a mo mocholt el mora rokui el klengeltengak el medechel el mo er tirkel blak a rengrir el ngelekel a Abraham, Isaac, me a Jacob.

El kmal di ua ea Adam, kau me a ngak a siliseb er sel rael er a telbiil sera de metecholb. E okor e soiseb er a cherrengelel er a chelsel a templo. Sel klengeltengat er a telbiil er a Abrahamic a moterekokl er a chelsel chedaol el templo. Aika el klengeltengat a mo rulii meng mo sebeched, sel de bekiis er a kodall, el mo ngmai a dikesed er a kerone, renged, klisiich, beluu me a ngerachel e nguu sel kot el ngarbab el dauch me a klebkall er a rokui el tekoi [Doctrine and Covenants 132:19].⁴

Sel tekoi el mo mengesimer er a Chuodel Renged, e ke de choiuii a yaksok er a Malachi el kmo a Elijah a mo “omult a rengrir a rechedam el mora rengelekir, me a rengrir a rengelekir el mora redemerir” (Malachi 4:6). Sera irechar er a Israel, e a choua tial tekoi el melutk er a rechedam a uldimukl er ngii a chedam el Abraham, Isaac, me a Jacob. Tial yaksok a obeketakl sel donguiu er tial bades el telkib el ngodech el ngara Moroni el millekoi er ngii el mora Profet Joseph Smith: Ngii el [Elijah] a mo dolmii er a rengrir a rengalek sel yaksok el milkedmokl el mora redemerir, me a rengrir a rengalek a mo obult el mora redemerir (Joseph Smith—History 1:39). Tirke el rechedam a uldimukl er ngii a Abraham, Isaac, ma Jacob. (Mesa Doctrine and Covenants 27:9–10.)

siasing/Llecheklel

Llecheklel a Jesus Kristo

Cholechotel el ngara Kristo me a Merau el Ngeasek el Mengederedel, mlara Heinrich Hofmann

Jesus Kristo: Ngii e a Rengul tial Telbiil

Sel tngakireng er a Osobel a rulii meng sebechel a Chedam el mo lomolem a ikel yaksok er ngii el tilib el mora Rengelekel. E le a uchul a Jesus Kristo a “rael, e klemerang, e klengar,” ea oak ullel a “ng diak a chad el mo er a Chedam, a lak lokiu [Ngii]” (Johanes 14:6). Sel lomolem a telbiil er a Abrahamic a sebechel eleng Tngakireng er a Osobeled, el Rubak el Jesus Kristo. A Jesus Kristo ngii a ngara rengul tial telbiil er a Abrahamic.

A chuodel Renged a diak el dil babier er a chedaol llechukl; tiang a dirrek el babier er a reksi. Kom lotkii el menguiu el kirel se chelbechielel a Sarai me a Abram. E le uchul tir el dimlak loungalek, ea Sarai a ngiluu a mesiungel, el Hagar, el mo bechil a Abram el dirrek, loltirakl er a chederdellel a Rubak. A Hagar a millechelii a Ishmael.⁵ A Abraham a mle betik a rengul er a Ishmael, eng di ngii a diak el ngalek el telbiil a mo okiu ngii. (Mesa Genesis 11:29–30; 16:1, 3, 11; Doctrine and Covenants 132:34.)

Meng klengeltengat el mlara Dios, e nger el mora klaumerang er a Sarai,⁶ eng milechell er seral chuodel me a sel telbiil bol sebechel lokiu a ngelekel sechal, er a Isaac (mesa Genesis 17:19). Ngii a milechell er a chelsel a telbiil.

A Dios a milsa a Sarai me a Abram a beches el ngakl—Sarah me a Abraham (mesa Genesis 17:5, 15). Sel omngakl er tir er a beches el ngakl a olangch er a uchelel a beches el klengar me a beches el beluu el mo er tial telungalek.

A Abraham a mle betik a rengul er a Ishmael me a Isaac. A Dios a dilu er a Abraham el kmo a Ishmael a mo obdois e mo klou el beluu(mesa Genesis 17:20). Osisiu el taem, ea Ruak a mileketeklii el kmo sel diak a ulebengel telbiil a mo mechederoder lokiu a Isaac (mesa Genesis 17:19).

A rokui el mo nguu a ebangeklio a mo tebedechel a telungalek er a Abraham. Ngara Kalatia e kede menguiu:

“Tirkel nga er kemiu el mla metecholb er a Kristo a mla nguu a Kristo.

“… Kom rokui el di tang er a Kristo el Jesus.

“E a omulcherangel er a Kristo, e kom ulchelel a Abraham, e oudiukes lokiu er sel yaksok.”25

Me a le uaisei, e kid a mo oudiukes el mora telbiil lokiu a cheroll me a lechub a omerodel.

siasing/Llecheklel

rechad el mo kldibel el mora ongdibel er a techolb chelid.

A Jacob el ngelekel a Isaac me a Rebekah a milechell er a chelsel a telbiil. A lmuut el tang, ngii a di mle ngii el millilt el mo soiseb. E ko medengei, a ngklel a Jacob a milengodech el mo Israel (mesa Genesis 32:28), el belkul a “Dios a mo mesisiich” malechub “ngkel mo mesisiich leng dmak ngii ma Dios.”⁷

Ngara Exodus e kede menguiu el kmo a “Dios a melatk a ikel telbilel lobengkel a Abraham, lobengkel a Isaac, e dirrek el lobengkel a Jacob” (Exodus 2:24). A Dios a dilu ra rengalek er a Israel, “A lsekum e ko moltirakl a tekingek, e oltirakl a telbilek, e sei e kau a mo ngodech e mekreos el mei er ngak” (Exodus 19:5).

Sel tekoi el “ngodech e mekreos” a mloiuid ra Hebrew el segullah, el belkul a kmal limis el kesiokel—el “mekreos.”⁸

A hong er a Deuteronomy a olecholt er a klou el ultutelel a telbiil. A re Apostol er a Beches el Renged a mle medengelii tial telbiil. Uriul er a Peterus lomekungil er a chitechut el chad el ngara terebel er a templo, eng ulsisechekleterir a re ulemes el kirel a Jesus. A Peterus a dilu el kmo, “A Dios er a Abraham, me a Isaac, me a Jacob, a Dios er a re demad, a mla kobkelii a ngelekel er a Jesus” (Rellir 3:13).

A Peterus a milrekui er a klemechel meng millekoi er a rulerrenges er ngii el kmo, “Kemiu a rengelekir a re profet, me sel telbiil el Dios a tilbir lobengkel a rdemad, el melekoi el mora Abraham, Ngokiu a rengelekem ea rokui el chad er a beluulechad a mo mukngeltengat” (Acts 3:25) A Petrus a milketeklii el mo er tir el kmo sel tebedechel a urerel a Kristo a mlo lomelemii tial telbilel a Rubak.

A Rubak a milsterir a osisiu el osisechakl el mora rechad el mlara chuodel el Merikel. Mla er sei, ea mla mekiis er a kodall el Kristo a ulechais er a rechad el kmo te meral reua techal chad. Ng millekoi:

“Kemiu a rengelekir a re profet; e kemiu a chad er a blai er a Israel; me kemiu a ngara telbiil el Chedam a tilbir ngii me a rdemmiu, el dilung er a Abraham: Ma resechem a mouchul ea rechad er a bluulechad er rokir a mo ngeltengat.

“A Edam el di mla kot eng mekedbechak loak kemiu e oderchad el me omekngeltengat er kemiu el mo omult er a redertang er kemiu er rokui el mo cheroid er a [kentil]; le tia uchul meng uaisei, kemiu el ngalek er a telbiil” (3 Nephi 20:25–26).

Ko mesa ultutelel tiang? Tirkel tir a otirakl a telbilir lobengkel a Dios a moba mesisiich el reng lotngakl a-klengit! Tirkel tir a otirakl a telbilir a mo ngarngii a klisichir el mo otngakl a mekudem el ongetikaik er a beluulechad.

siasing/Llecheklel

chad el melai er a cheaol belsoil

A Rubak a mla oderchid el mo omerk er a ebangkelio e ouchais er a telbiil. Tiaikid a uchul e ngarngii a re misionari er kid. Ngii a soal a rokui el ngelekel a le nguu a techall el mo ngiltii a ebangkelio er a Osobel e mo omuchel er a rael er a telbiil. A Dios a soal el omak er a rokui el chad el mora telbiil el Ngii a tilbir er a rechuodel lobengkel a Abraham.

Ma le uaisei, ea urerel a missionari a klou a ultutelel er a mengideb er a Israel. A mengideb a kot el klou a ultutelel el ureor el ngii a ngarngii er a beluulechad er chelechal sils. Ng diak a ngii dil ngera el sebechel mengaisisiu er a klungel. Ng diak a ngii dil ngera el sebechel mengaisisiu er a ultutelel. Re misionari er a Rubak—re oltirakl er Ngii—a oureor er sel kot el klou el de chelbangel er ngii, el ngarbab a moktek er ngii, e kot el ngarbab el ureor er a beluulechad er chelecha el sils.

E ngdi ngar ngii a bebil—lemuut el bebil. Ng klou a usbechellel a berkel a ebangkelio el mo er a belurir a re mla mad. A Dios a soal a rokui el chad, el mla mad me a re dirk ke kiei, el mo ngmai a deureng er a klengeltengat er a Telbilel. A rael er a telbiil a blok el mora rokui. A ki olengit er a rokui el chad el mei e lorael er tial rael lobengkemam. Ng diak a ngii di lurreor el olsiseb a bekbedengir a rechad er a rokui el beluu. E le a Rubak ngii a chubechubechad el mora rokui el tir, el meral ngarngii er a rengrir, omekedong er a chedaol el ngkel (Helaman 3:27).

Ele uchul a Melchizedek Priesthood a mla moluut, a oltirakl a-telbiil el redil me a rsechal a oba techall el mora “rokui el chedaol klengeltengat” er a ebangkelio(Doctrine and Covenants 107:18; smisichii a belkul).

Sera oterkeklel a Kirtland Temple er a 1836, el ngara chederdellel a Rubak, ea Elijah a mle duum. Ngera moktek er ngii? El mo omuut … a rengrir a rengalek el mora rdemerir (Doctrine and Covenants 110:15). A Elias a dirrek el mle duum. Ngera moktek er ngii? El mo omsang a Joseph Smith me a Oliver Cowdery “a rengedel a ebangkelio er a Abraham, el melekoi el kmo ngokiu kemam ea rengelekam er a rokui el telecheroll ruriul er kemam a mo mukngeltengat” (Doctrine and Covenants 110:12). Meng uaisei, a Mastang a ulterekeklii el mora Joseph Smith me a Oliver Cowdery a ngerachel er a priesthood me a llemalt el mo omesterir a klengeltengat er a telbiil er a Abrahamic el mora rebebil.⁹

Ngara Ikelesia, e kede merael er a rael er a telbiil el chad me a ngii me kid el rokui. El kmal diua chebechiil me a telungalek el oba di tang e meral deleuill el ngii a mechelii a tokubets el beltikelreng er a delongelir, tial tekoi a dirrek el osisiu el mora beches el deleuill el mukdubech sel domak er kid lokiu a telbiil edechor el melemalt el mora Dios!

Tiaikid sel locha mle belkul a tekingel a Nephi er sera ledu a Dios “a betik a rengul er tirkel mo ou Dios er Ngii.” (1 Nephi 17:40). Seikid e a uchul, eng tebedechel tial telbiil, a tokubets el klechubechub me a beltikelreng—malechub hesed—ng medechel el mor tirkel soiseb er tial omak e kmes el deleuill lobengkel a Dios, dirrek el “mora tal telael el telecheroll” (Deuteronomy 7:9).

A omak a telbiil lobengkel a Dios a ngodechii a deleuill lobengkel el mocherechar. Ng omekngeltengat er kid loba lmuut el dmolech el beltikelreng me a klechubechub.¹⁰ Ngarngii a rrelii el mer kid me a teletael el Dios a mo olngeseu er kid el mo ngkel chad el kid a sebeched el mo uai ngii. Ke de mla nguu a yaksok el kmo kid, el dirrek, a sebeched el mo “ngodech e mekreos” el mo er Ngii (Psalm 135:4).

Tirkel meruul a chedaol telbiil e oltirakl a nguu a yaksok er a diak a ulebengelel klengar me a ngarbab el dauch er a klebkall, “el kot el ngarbab er a rokui el sengk er a Dios” (Doctrine and Covenants 14:7). A Jesus Kristo ngii a otil a ikal telbiil (mesa Hebru 7:22; 8:6). A re oltirakl a telbiil e betik a rengrir er a Dios e mecherei meng mesisiich er a rokui el tekoi er a klengar er tir a rulii meng Ngii a mo kot el mesisiich el ongesuseu er a klengar er tir.

Chelechal temed eng klungiaol merkid el melai a klengeltengat er a klechedam e mo medengelii sel omak er kid el mo er a rechuodel el re chedam. Aikang el klengeltengat a dirrek el meskid a ues el mora ikel ngar medad.

siasing/Llecheklel

Jesus el mengedecheduch er a Petrus

Kau ke Betik a Rengum er Ngak el kuk Ngarbab er a Ikang? mlara David Lindsley

Tial ngercheled el ngara telbiil er a Israel a mo olterkokl el bek el chedal a Ikelesia a melchesuar er a deurreng me a techall el dmak ngii mesel domak a telbiil lobengkel a Dios. Tiang a okedong el mo melisiich er a rokui loltirakl a telbiil el sechal me a redil, mekekerei el sechal ma redil, el louchais er a ebangkelio el mortirkel kmeed er tir el sebechir rongesterir. Ng dirrek el okedong el molengeseu e melisiich er a re misionari er kid, el mlodurech lolab a osisechakl el mo melecholb e molengeseu el mengideb er a Israel, mesel de dak e kede mo chedal a Dios e Ngii a mo Dios er kid (mesa Doctrine and Covenants 42:9).

A rebek el chad me a bek el redil el meruul a chedaol ruoll er a priesthood e urekodel a telbiil lobengkel a Dios a ngarngii a melemalt el rolir el mora klisichel a Dios. Kid a nguu a ngklel a Rubak el mei er a der ta er kid. Kid a dirrek el nguu a Ngklel el mei er kid el betok el chad. Sel rengud el soad lousbech er a meral ngklel a Ikelesia er a Jesus Kristo er a Uriul-klebesei el Santo a klou a ultutelel el kid el rokui el chad a nguu a ngklel el mei er kid. Meral, bek el ungil omeruul er a Ikelesia er a Jesus Kristo er a Uriul-klebesei el Santo me a rechedal tial ikelesia a olechotel a beltik el reng er a Dios hesed.

Ngera uchul me a Israel e ulebriid? E le a uchul a rechad el tilemall a llach e ulemetech er a re profet. A ungil e ngdi ngara klengit el reng el Chedam a ulenger el kirel tiang meng mlo omriid er a Israel el mlora dilochel e cheroid.¹¹

Engdi, Ngii a ulemriid er tir el ulebang a yaksok el kmo a tara klebesei ea Israel a lmuut el mo mechudel el mora kerensel.

A ongalek er a Judah a ngiluu a ngerachel el mo mengedmokl er a beluulechad el kirel sel kot el mei a Rubak. Ngar tial ongalek, ea Mary a mlokedong el mo delal a Ngelekel a Dios.

Sel ongalek lokiu a Joseph, ngii me a Asenath ea rengelekelkir el sechal, Ephraim me a Manasseh (mesa Genesis 41:50–52; 46:20), a ngiluu a ngerachel el mo omekrael er a oldak er a re Israel, el mo mengedmokl er a beluulechad el kirel sel Ongeru el Lemei a Rubak.

Mesel diak a uchelel ma ulebengelel hesed el deliongel, eng meral chemolt el kmo a Dios a soal el mo mengideb er a Israel. Ngii a Demad er a Babeluades! Ngii a soal a derta el ngelekel—a re nga er tial klengar me tirkel mla mo er sel bitang—a le rengesii sel klumech er a mla moluut el ebangkelio er a Jesus Kristo.

A rael e ra telbill a rael er a beltik el reng—sel smiich el hesed, sel dmolech el bekokeuil a reng el kirel e ungil kaukledem. Sel domelchesiu er seikid el beltik el reng a mimokl e deureng. Sel kot el ngarbab el deurreng el bo molchesuar er ngii sel kau a mo mui ra beltik el reng el bedul a Dios e dirrek el kirir a rokui el ngelekel.

Oubeltik el reng el mora Dios el nga ruchei er a ngidil chad me a ngii dil tekoi a teletael el meskau a meral budech, ongelaod, kelou el reng, me a deurreng.

A rael er a telbiil a kirel a delongeled lobengkel a Dios—tial hesed er kid a deleongel lobengkel. Sel de siseb er a telbiil lobengkel a Dios, e kid a mla mekur a telbiled lobengkel e Ngii a di blechoel el oltirakl a tekingel. Ngii a mo meruul a rokui el tekoi el sebechel, e diak el bo lolemall er a llemelted, leng ngolengeseu er kid lotirakl a lemelted.

A Babier er a Mormon a omuchel e merekui lomtutk el kirel tial diak a ulebengelel telbiil. Nga er sel uchelel tial babier el mora ikel ulebongel el klaumerang er a Mormon me a Moroni, e a Babier er a Mormon a bleketakl el lomtutk el kirel sel telbiil (mesa Mormon 5:20; 9:37). “A mermang el chemotang el Babier er a Mormon a ocholt el mo er tial rokir el beluulechad el kmo a Rubak a mla omuchel el mengideb er a Israel e oltaut a ikel telbiil el Ngii a tilib el mora Abraham, Isaac, ma Jacob.”¹²

Betik e ra renguk el rodam me a rodos, kid a mla mo kedong er tial chetiteuokel taem er a reksii er a beluulechad el mo olisechakl er a beluulechad el kirel a klebekelel me a klisichel tial diak a ulebengelel telbiil. A Demad er a Babeluades a mui loumerang er kid el kutmeklii tial klou el lureor.