“Te Utu ni Maekatiin ni Kabuta te Aonaaba,” Nob. 2021.
Te Utu ni Maekatiin ni Kabuta te Aonaaba
Ni moa man Tianuare 2021, te Ekaretia e waaki ni boretii teniua maekatiin ibukin te aonaaba ni kabuta: te Rao (ibukiia ataei aika 3-11 aia ririki), Ibukin Kakorakoraia Kairake (ibukiia kairake aika 11-18 aia ririki), ao te Riaona (ibukiia ikawai). Taian maekatiin aikai a onei mwiin ana Maekatin te Ekaretia ngkoa aika aua, teniua mai ibuakoia are a boretiaki n ti te taetae n Imatang.
Ngke a katanoataaki maekatiin aika boou aikai, te Moan Beretitentii e taku, “Ara kantaninga bwa a na bane membwa n taabo nako n anga araia bwa a na kakarekei ao ni butimwaea te waaki aei ae e kateimatoa te onimaki i nanoia ao ni mweengaia” (Ana reta te Moan Beretitentii, Aokati 14, 2020).
Ti mwakuri korakora n taraia raoi bwa e ngae ngkana ngkoe kain Slovenia ke Tibein, Madagascar ke Massachusetts, taian maekatiin aikai bon ibukim. Ngaia are ngkana ko taetae n Korea ke ni Kiribati, ngkana mwengam te buriki ke te kai bwaabwa, ke ko bwabetitoaki 80 te ririki n nako ke ai tibwa ngkoananoa, taian karaki aikai a katamneia am kakoaua, am taneiai ao aia onimaki kaain mweengam. Anne teuana aia kakabwaia ae korakora taian maekatiin ni kabuta aikai: a katiteuanaira ao a kauringiira ae ngaira ni bane kaain ana utu te Ekaretia ni kabutaa te aonaaba.
Karekean taian maekatiin ni kabuta ni kateniua e na kona n anganiia 97 te batienti irouia membwa ae a na karekea te maekatiin ae boretiaki ni katoa namwakaina ke tao namwakaina. (Taai ake ngkoa, tabeua taetae a ti karekea teuana te maekatiin n te ririki!) Taraa te iteraniba ibukin FAQs ibukin rongorongon boretian kanoan te maekatiin n taetae aika kakakaokoro.
N te bwariko ni Maekatiin n te Gospel Library, ko kona n noora te taera ibukin taian maekatiin ni kabuta ake teniua, n raonaki ma te taera ibukin te boreti iaon te intanete ibukiia ikawai ae aranaki bwa YA ni Katoa Wiiki. Ko kona n reiakina ae mwaiti riki iaon taekan bwaai aika boretiaki aikai n te mwakoro ae “Rongorongon ana Maekatin te Ekaretia”.