“Sam Moa KAO,” Jen. 2021.
Sam Moa KAO
?Olsem wanem mi save askem ol kwestin abaot sabskripsen blong mi?
Blong luk ol kwestin abaot sabskripsen blong yu, luk long store.ChurchofJesusChrist.org mo faenem namba blong ples blong yu anda long “Kontaktem Mifala.”
?Huia nao i save kasem wan fri pepa kopi?
Fas Presidensi i leftemap tingting blong ol lida blong wod mo branj blong helpem ol memba blong oli gat akses long ol magasin ia blong Jos, hemia ol pepawan mo ol dijitolwan, long ol wei olsem:
Givim ol magasin blong Jos long ol memba we oli jes baptaes: Afta we ol niu memba oli baptaes, oli mas soem olgeta olsem wanem blong yusum ol magasin blong Jos insaed long Gospel Laebri ap, o onlaen. Sapos oli wantem wan pepa magasin, oli save givim wan fri sabskripsen long ol niu memba, wetem mane blong yunit.
Givim ol magasin long ol yut mo ol pikinini: Yusum mane blong yunit, mo pem ol sabskripsen blong evri pikinini mo yut we i stap kam long jos we oli no gat wan papa, mama o wan we i lukaot long olgeta.
?Hao mi save sendem wan atikol i go, o wan aedia, o wan fidbak i go long olgeta we oli wokem ol magasin ia?
Blong sendem wan atikol, o wan aedia, o wan fidbak i go long olgeta we oli wokem magasin ia, yusum ol link andanit ia:
Liahona: Sendem ol atikol, ol aedia mo ol fidbak i go long Liahona online.
YA long Wik Sendem ol atikol, ol aedia mo ol fidbak i go long YA long Wik online.
Blong Ol Yut Oli Kam Strong: Sendem ol atikol, ol aedia mo ol fidbak i go long For the Strength of Youth online o imelem mifala long ftsoy@ChurchofJesusChrist.org.
Fren: Sendem ol atikol, ol aedia mo ol fidbak i go long Friend online o imelem mifala long friend@ChurchofJesusChrist.org.
?From wanem nao oli jenisim Ensign mo New Era ?
Blong plante yia i pas, Jos i bin stap printim tri Inglis magasin (Friend, New Era, mo Ensign) mo tu, wan magasin we oli transletem i go long ol nara lanwis (Liahona).
Stat long Jenuware 2021, ol tri magasin ia bae i tekem ples blong ol printing ia we bae i givim wan moa gud seves long ol memba raon long wol mo long fulap lanwis: Fren i blong ol pikinini we yia blong olgeta i 3–11, Blong Ol Yut Oli Kam Strong i blong ol yut we yia blong olgeta i 12–18, mo Liahona i blong ol adalt.
Ol wol waed magasin ia bae i help blong serem ol mesej blong mekem pipol i kam wan moa, long grup blong ol man we oli stap rid we i moa bigwan. Wei ia we oli mekem i moa simpol, bae i letem Jos tu blong sendem ol samting i go long ol defren eria blong wol oltaem bitim we oli bin stap mekem bifo.
?Hao mi sabskraeb, o kasem wan evri taem i kamaot?
Yu save sabskraeb long store.ChurchofJesusChrist.org tru long long lokol distribusen senta blong yu, o yu kontaktem Global Services Department. Olgeta we oli stap long Yunaeted Stet mo Kanada, yufala i save ring long 1-800-537-5971.
?Hamas taem bae mi save kasem wan magasin?
Stat long Jenuware 2021, ol magasin we oli printim mo hemia we i stap onlaen bae i gat evri manis long ol lanwis ia: Sebuano, Jaenis, Jaenis (simpol), Danis, Dutch, Inglis, FinIan, Franis, Jeman, Hangari, Itali, Japanis, Koria, Nowei, Potugal, Rasia, Samoa, Spanis, Tagalog, Taelan, Tonga mo Yukren.
Long ol lanwis ia, ol magasin long pepa mo dijitol bae oli stap kamaot sikis taem long wan yia: Albenia, Amenia, Bislama, Bulgari, Kambodia, Kroesia, Tsek, Estonia, Fiji, Gtik, Aeslan, Indonesia, Kiribas, Latvia, Lituenia, Malagasin, Masol, Mongolia, Polis, Romenia, Slovenia, Swahili, Tahiti, mo Vietnam. Antap long hemia, samfala atikol blong ol magasin ia, we bae oli jusum, bae i stap long ol lanwis ia, be long dijitol vesen nomo, hemia long ol manis we i no gat pepa magasin.
Long ol lanwis ia, ol samting we oli jusumaot long ol magasin bae i gat onlaen nomo evri manis: Afrikaan, Itopia, Arab, Mianmar, Jukis, Efik, Fante, Jojia, Haiti, Hiligaenon, Hindi, Hindi (Fiji), Hmong, Igbo, Iokano, Kinyarwanda, Kosraean, Loa, Lingala, Malei, Malta, Nepali, Palau, Maekronesia, S. Soto, Serbia, Sona, Sinala, Slovak, Tamil, Telugu, Kongo, Botswana, Tekis, Twi, Udu, Kosa, Yapis, Naegeria mo Sulu.