Dugang nga mga FAQ

Alang sa mga pangutana kabahin sa inyong subskripsiyon, bisitaha ang store.ChurchofJesusChrist.org ug pangitaa ang numero alang sa inyong lokasyon ubos sa “Contact Us.”

Ang Unang Kapangulohan nag-awhag sa mga lider sa ward ug sa branch sa pagtabang sa mga miyembro sa pag-angkon og giimprinta o digital nga hilisgotan sa magasin gikan sa Simbahan sa mosunod nga mga paagi:

Itanyag ang mga magasin ngadto sa bag-ong gibunyagan nga mga miyembro: Human nabunyagan ang bag-ong mga miyembro, kinahanglan silang pakit-on unsaon pagpangita sa mga magasin sa Simbahan diha sa Gospel Library app o sa online. Kon gusto nila ang giimprinta nga magasin, ang bag-ong mga miyembro mahimong hatagan og usa ka tuig nga libreng subskripsiyon gamit ang mga pundo sa yunit.

Paghatag og mga magasin ngadto sa kabatan-onan ug kabataan:​ Gamit sa mga pundo sa yunit, ang mga subskripsiyon kinahanglan nga maanaa sa tanang kabataan ug kabatan-onan kinsa nagsimba nga walay ginikanan o magbalantay.

Sa pagsumiter og usa ka artikulo, usa ka ideya, o pag-feedback sa mga magasin, gamita ang mga link sa ubos:

Liahona: Pagsumiter og mga artikulo, mga ideya, ug pag-feedback ngadto sa Liahona online.

YA Matag Semana: Pagsumiter og mga artikulo, mga ideya, ug pag-feedback ngadto sa YA Matag Semana online.

Alang sa Kalig-on sa mga Kabatan-onan: Pagsumiter og mga artikulo, mga ideya, ug pag-feedback ngadto sa Alang sa Kalig-on sa mga Kabatan-onan online o email kanamo sa ftsoy@ChurchofJesusChrist.org.

Higala: Pagsumiter og mga artikulo, mga ideya, ug pag-feedback ngadto sa Higala sa online o email kanamo sa friend@ChurchofJesusChrist.org.

Sulod sa daghang katuigan, ang Simbahan nakamantala og tulo ka magasin sa Iningles (Higala, New Era, ug Ensign), ug ingon man usab sa usa ka magasin nga gihubad ngadto sa ubang mga pinulongan (Liahona).

Sugod sa Enero 2021, kini nga mga publikasiyon gipulihan sa tulo ka magasin nga magamit sa mga miyembro sa tibuok kalibotan sa daghang pinulongan: ang Higala alang sa kabataan nga nag-edad og 3–11, Alang sa Kalig-on sa mga Kabatan-onan alang sa kabatan-onan nga nag-edad og 11–18, ug ang Liahona alang sa mga hamtong.

Kining tibuok kalibotan nga mga magasin motabang sa pagpaambit og mas hiniusang mga mensahe ngadto sa mas lapad nga grupo sa mga mambabasa. Kini nga pagpayano makatugot usab sa Simbahan sa pagpadala kanunay sa hilisgotan ngadto sa lain-laing mga dapit sa kalibotan kay sa kaniadto.

Kamo maka-subscribe sa store.ChurchofJesusChrist.org, pinaagi sa inyong lokal nga sentro sa pagpang-apud-apod [distribution center], o pinaagi sa pagkontak sa Global Services Department. Niadtong anaa sa Estados Unidos ug Canada mahimong makatawag sa 1-800-537-5971.

Sugod sa Enero 2021, ang giimprinta ug digital nga mga magasin anaa sa matag bulan sa mosunod nga mga pinulongan: Cebuano, Chinese, Simplified Chinese, Danish, Dutch, English, Finnish, French, German, Hungarian, Italian, Japanese, Korean, Norwegian, Portuguese, Russian, Samoan, Spanish, Swedish, Tagalog, Thai, Tongan, ug Ukrainian.

Sa mosunod nga mga pinulongan, ang giimprinta ug digital nga mga magasin maanaa kausa sa duha ka bulan (kaunom sa usa ka tuig) sa: Albanian, Armenian, Bislama, Bulgarian, Cambodian, Croatian, Czech, Estonian, Fijian, Greek, Icelandic, Indonesian, Kiribati, Latvian, Lithuanian, Malagasy, Marshallese, Mongolian, Polish, Romanian, Slovenian, Swahili, Tahitian, ug Vietnamese. Agi og dugang, ang pinili nga hilisgotan sa magasin maanaa niini nga mga pinulongan sa digital lamang sa mga bulan nga walay giimprinta nga magasin.

Sa mosunod nga mga pinulongan, ang pinili nga sulod [content] sa magasin anaa lamang sa digital matag bulan: Afrikaans, Amharic, Arabic, Burmese, Chuukese, Efik, Fante, Georgian, Haitian, Hiligaynon, Hindi, Hindi (Fiji), Hmong, Igbo, Ilokano, Kinyarwanda, Kosraean, Laotian, Lingala, Malay, Maltese, Nepali, Palauan, Pohnpeian, S. Sotho, Serbian, Shona, Sinhala, Slovak, Tamil, Telugu, Tshiluba, Tswana, Turkish, Twi, Urdu, Xhosa, Yapese, Yoruba, ug Zulu.