Tabeua riki FAQs

Ibukin titiraki iaon am kabwakamwane, kawara store.ChurchofJesusChrist.org ao kakaea nambwan am tabo iaan “Contact Us.”

Te Moan Beretitentii e a tia ni kaungaia taan kairiiri n te uoote ma mwaanga bwa a na buokiia membwa ibukin karekean kanoan maekatiin aika a boretiiaki ke ake iaon te intanete man te Ekaretia n anga aikai:​

Anganakiia membwa aika tibwa bwabetitoaki taian maekatiin: Imwiin bwabetitoakiia membwa aika boou, e riai n kaotaki nakoia aron karekean ana Maekatiin te Ekaretia n te Gospel Library app ke rinanon te intanete. Ngkana a nano ni maekatiin are a boreetiaki, taian membwa ake a boou a kona n anganaki teuana te ririki ni kakarekei maekatiin ae a na aki kabooa bwa e na kabonganaaki ana mwane te iunite.

Katauraoi maekatiin ibukiia kairake ao ataei: Kaboongana ana kataumwane te unite ni katauraoi bwakamwane aika a reitinako nakoia ataei ao kairake ake a tataromauri ao akea aia karo ma taan tararuaia ae raoniia.

Ibukin karinan te karaki, iango ke te katamaroa nakon taian maekatiin, kabonganai ringke aika inano:

Riaona: Karinii karaki, iango, ao katamaroa nakon te Riaona aonraain.

YA ni Katoa Wiiki: Karinii karaki, iango, ao katamaroa nakon te YA ni Katoa Wiiki onraain.

Ibukin Kakorakoraia Kairake: Karinii karaki, iango, ao katamaroa nakon Ibukin Kakorakoraia Kairake aonraain ke imeeri nakoira n ftsoy@ChurchofJesusChrist.org.

Te Rao: Karinii karaki, iango, ao katamaroa nakon Te Rao onraain ke n imeeri nakoira n friend@ChurchofJesusChrist.org.

Inanon ririki aika mwaiti ao e a tia te Ekaretia ni boretii maekatiin aika teniua n Ingiriti (Te Rao, New Era, ao Ensign), n raonaki ma teuana te maekatiin ae rairaki nakon taetae riki tabeua (Riaona).

Ni moa man Tianuare 2021, beeba ni kaongora aikai a oneaki mwiia ma maekatiin aika teniua are e na buokiia membwa ni kabutaa te aonaba rinanon taetae aika mwaiti: Te Rao ibukiia ataei aika 3–11 aia ririki, Ibukin Kakorakoraia Kairake ibukiia kairake aika 11–18 aia ririki, ao te Riaona ibukiia ikawai.

Maekatiin ni kabuta te aonaaba aikai a na ibuobuoki n tibwauai rongorongo aika katiteuanaaki rinanoia taan wareware inanon kurubu aika a kakaokoro. Te mwakuri ni kabebete aei e na kona naba iai te Ekaretia ni kateimatoa kanakoan rongorongo ake inanona nakon taabo aika kakaokoro n te aonaaba nakon riki are mai imwaina.

Ko kona ni kanakoa am kabwakamwane ibukin karekeana n te store.ChurchofJesusChrist.orgrinanon te tienta n tibwatibwa n am mwakoro, ke n reitaki ma te Global Services Department. Ibukiia ake n te United States ao Canada a kona n tareboonia 1-800-537-5971.

Ni moa man Tianuare 2021, maekatiin ake a boretiaki ao ake iaon te intanete a na tauraoi ni katoa namwakaina n taetae aikai: Cebuano, Chinese, Simplified Chinese, Danish, Dutch, English, Finnish, French, German, Hungarian, Italian, Japanese, Korean, Norwegian, Portuguese, Russian, Samoan, Spanish, Swedish, Tagalog, Thai, Tongan, ao Ukrainian.

N taian taetae aikai, maekatiin ake a boretiiaki ao ake iaon te intanete a na tauraoi ni katoa uoua te namwakaina (onoua te tai n te ririki): Albanian, Armenian, Bislama, Bulgarian, Cambodian, Croatian, Czech, Estonian, Fijian, Greek, Icelandic, Indonesian, Kiribati, Latvian, Lithuanian, Malagasy, Marshallese, Mongolian, Polish, Romanian, Slovenian, Swahili, Tahitian, ao Vietnamese. N raonaki ma anne, kanoan maekatiin aika a rinerineaki a na tauraoi n taian taetae aikai iaon te intanete n namwakaina are e aki tauraoi iai te maekatiin ae boretiiaki.

N taetae aikai, rongorongo mai inanon tabeua kanoan te maekatiin ake a rineaki a na kona n ti tauraoi ni katoa namwakaina iaon bwaai aika a maiu man te iti: Afrikaans, Amharic, Arabic, Burmese, Chuukese, Efik, Fante, Georgian, Haitian, Hiligaynon, Hindi, Hindi (Fiji), Hmong, Igbo, Ilokano, Kinyarwanda, Kosraean, Laotian, Lingala, Malay, Maltese, Nepali, Palauan, Pohnpeian, S. Sotho, Serbian, Shona, Sinhala, Slovak, Tamil, Telugu, Tshiluba, Tswana, Turkish, Twi, Urdu, Xhosa, Yapese, Yoruba, ao Zulu.