N̄an Būraimere—Kōpooj Ajri ro n̄an juon Mour Ejjeļo̧k Jem̧ļo̧kin ilo Iaļen Bujen in an Anij

Leļo̧k n̄an ajri ro pija ko me rej pinej jenkwan tōmak ilo Jisōs Kraist, ukweļo̧k, peptaij, im kapene (lale Bok in Gospel Jin̄a, nōm̧ba ko 1, 111, 103, im 105). Riiti ak lale ippān ajri ro laajrak in tōmak emān, im kajjitōk ippāer n̄an kotak pija ko aer n̄e rej ba pedped in katak eo ak kain̄i ko. Jipan̄ ajri ro meļeļe kilen an kajjojo iaan katak kein im kain̄i ko jipan̄ kōj erom̧ eļapļo̧k āinwōt Jemedwōj Ilan̄ im Jisōs Kraist.

Elmen am̧ maron̄ jipan̄ ajri ro meļeļe bwe tōmak, ukweļo̧k, peptaij, im kapene rejjab juon men bajjōk ak rej im̧we ad eddōkļo̧k ilo jetōb ilo aolepen mour ko ad? N̄an waanjon̄ak, kwomaron̄ kwaļo̧k n̄an er juon pija in juon ine im juon wōjke (ak jin̄aik men kein ilo ioon bo̧o̧t eo). Jipan̄ er ļōmņake men kein me ej jipan̄ ine eo eddōk bwe en juon wōjke, āinwōt wuttidikdiki bwidej eo, im meram in al. Jipan̄ er lo ke men kein rej āinwōt men ko jej kōm̧m̧ani n̄an epaakeļo̧k Anij ilo aolepen mour ko aer—kalōke tōmak ko ad ilo Jisōs Kraist, ukweļo̧k kajjojo raan, mour kōn bujen peptaij ko ad, im ron̄jake Jetōb Kwojarjar.

Kwaļo̧k n̄an ajri ro bwebwenato eo kōn firecracker jān ennaan eo an “How Can Repenting Help Me Feel Happy?” Jera, Tij. 2017, 12–13, ak Liaona, Tij. 2017, 70–71; lale video eo “Repentance: A Joyful Choice” [Gospel Library]).

Ilo aolepen bwebwenato in, kajjitōk ippān ajri ro n̄an ļōmņak elmen an kar Elder Renlund en̄jake. Etke jej en̄jake m̧ōņōņō n̄e jej ukweļo̧k? Kwaļo̧k n̄an ajri ro kōn m̧ōņōņō im iakwe eo kwar en̄jake ke kwaar kajjitōk ippān Jemedwōj Ilan̄ n̄an jeo̧rļo̧k am̧ bōd.

Kwaļo̧k juon pija in peptaij eo an Rilo̧mo̧o̧r im an armej ro jet peptaij (ak lale Gospel Art Book, no.35 im bar no.103 ak no.104). Kajjitōk ippān ajri ro n̄an kwaļo̧k ta oktak eo im ta eo āinjuon wōt ikōtaan pija kein ruo. Riit ippān doon Matu 3:13–17 ak “Jebta 10: Jesus Is Baptized” ilo Bwebwenato ko an Kallim̧ur Ekāāl, 26–29, ak alooje pija eo ilo Gospel Ļaibrāre.

Kōtļo̧k bwe ajri ro ren kwaļo̧k men ko ilo pija ko me rej waļo̧k ilo ritiin̄ eo ak bitio eo. Kwaļo̧k n̄an ajri ro kōn am̧ iakwe Rilo̧mo̧o̧r im ikideleel eo am̧ n̄an ļoor E.

Ron̄jake ak al juon al kōn peptaij, āinwōt “When Jesus Christ Was Baptized” (Children’s Songbook, 102). Ta ko jej katak kōn peptaij jān al in? Riiti 2 Nipai 31:9–10, im kajjitōk ippān ajri ro n̄an ron̄jake etke Jisōs Kraist ekar peptaij. Kajjitōk ippān ajri ro n̄an jin̄aik er make ilo raan in peptaij eo aer.

Kōmeļeļeiki bwe bujen eo ej juon kallim̧ur ikōtaan armej eo im Jemedwōj Ilan̄. Ilo ad kajjieon̄ in kōjparok kallim̧ur ko ad ippān Anij, Anij ej kallim̧ur n̄an kōjeraam̧m̧an kōj. Je ioon bo̧o̧t eo Kallim̧ur ko aō n̄an Anij im Kallim̧ur ko an Anij n̄an eō. Riit ippān doon Mosaia 18:10, 13 im Katak im Bujen Ko 20:37, im jipan̄ ajri ro kōm̧m̧ane juon elaajrak in kallim̧ur ko rej loi ium̧win naan ko (bar lale Dallin H. Oaks, “Your Baptism Covenant,” Friend, Pāb 2021, 2–3). Kwaļo̧k elmen an Jemedwōj Ilan̄ kar kōjeraam̧m̧an eok ilo am̧ kajjieon̄ in kōjparok bujen peptaij eo am̧.

Kwaļo̧k n̄an ajri ro pija in men ko Jisōs Kraist ekar kōm̧m̧ani ke Ekar pād ioon laļ in (n̄an waanjon̄ak, lale Gospel Art Book, nos.33–49). Kajjitōk ippān ajri ro n̄an kōmeļeļeiki ta eo Jisōs ej kōm̧m̧ane ilo kajjojo pija. Riiti Mosaia 18:8–10, 13, im kajjitōk ippān ajri ro n̄an ron̄jake men ko rej kallim̧ur n̄an kōm̧m̧ane n̄e rej peptaij (bar lale “The Baptism Covenant,” Jera, Pāp. 2019, 7; Liaona, Pāp. 2019, F3). Elmen an kallim̧ur kein im̧we kōm̧m̧an ko ad kajjojo raan? Kajjitōk ippān ajri ro n̄an jin̄aik juon pijaer make aer jipan̄ ro jet ilo wāween eo Jisōs en kar kōm̧m̧ane. Ak kwomaron̄ kōm̧m̧an bwe ajri ro ren kōņak juon pāāj (badge) etan Rilo̧mo̧o̧r ej pād ie.

Pija

ļaddik eo ej peptaij

Kajjitōk ippān ajri ro ro ej kab m̧ōj aer peptaij im kapene n̄an itok n̄an kūlaaj eo im kwaļo̧k ta en̄jake eo aer kōn an m̧ōj aer kapen. Ta meļeļein n̄an armej in bwe en erom̧ juon membōr in Kabun̄ eo an Jisōs Kraist im Armej ro Rekwojarjar ilo Raan Ko Āliktata? Jipan̄ ajri ro ļōmņaki wāween ko remaron̄ kōjparok bujen peptaij eo aer āinwōt juon membōr in Kabun̄ in (āinwōt jerbal n̄an ro jet, karuwaineneik ro jet n̄an katak eļapļo̧k kōn Jisōs, jar ilo kweilo̧k ko, im ko jet). Kwaļo̧k kilen kōm̧m̧ani men kein kar jipan̄ eok en̄jake m̧ōņōņō āinwōt juon membōr in Kabun̄ eo an Kraist.

Kwaļo̧k juon pijain armej ro ilo Dān ko an Mormon (lale Gospel Art Book, no. 76), im kajjitōk ippān ajri ro n̄an kōmeļeļeiki ta eo rej loe ilo pija in. Kwaļo̧k bwebwenato in Alma im armej ro rej peptaij ijo (lale Mosaia 18:1–17; “Jebta 15: Alma Teaches and Baptizes,” Bwebwenato ko an Bok in Mormon, 43–44, ak pija eo ilo Gospel Ļāibrāre e)

Lale Mosaia 18:8–9 im kajjitōk ippān ajri ro n̄an kōm̧m̧ani m̧akūtkūt ko n̄an jipan̄ er keememej men ko armej ro rekar kōņaan n̄an kōm̧m̧ane āinwōt membōr ro an Kabun̄ eo an Kraist. Kwaļo̧k juon en̄jake ke kwaar bōk kam̧oole an membōr ro an Kabun̄ in jerbal ilo wāween kein.

Riiti Katak im Bujen Ko 33:15, im kajjitōk ippān ajri ro n̄an ron̄jake menin letok eo ejenoļo̧k me Jemedwōj Ilan̄ ej letok n̄an kōj ke jekar peptaij im kapen. N̄an jipan̄ er ekkatak eļapļo̧k kōn wāween an menin letok eo an Jetōb Kwojarjar naaj jipan̄ er, lale ippān doon Jon 14:26; Galatia 5:22–23; 2 Nipai 32:5; 3 Nipai 27:20. Kwomaron̄ bar lale ennaan in “The Holy Ghost Is …” (Friend, June 2019, 24–25; Liahona, June 2019, F12–F13).

M̧okta jen kūlaaj, kajjitōk ippān pāāren ro an juon ak elōn̄ļo̧k ajri ro n̄an kwaļo̧k elmen aer kar jeraam̧m̧an kōnke raar bōk menin letok eo an Jetōb Kwojarjar. Elmen An jipan̄ er? Elmen aer ron̄ Ainikien?

Al ippān doon juon al kōn Jetōb Kwojarjar, āinwōt “The Holy Ghost” (Children’s Songbook, 105). Kajjitōk ippān ajri ro ta eo al eo ej katakin kōj kōn ekōjkan an Jetōb Kwojarjar jipan̄ kōj.

Jipan̄ ajri ro ļōmņake wāween ko reoktak jemaron̄ kōnono kake n̄an juon eo m̧ōttad eo ej jokwe ettoļo̧k, āinwōt je juon leta, jilkinļo̧k juon email, ak kōnono ilo taļboon. Katakin er ke Jemedwōj Ilan̄ emaron̄ kōnono n̄an kōj kōn Jetōb Kwojarjar. Kōjerbal ennaan eo an Būreetjōn Dallin H. Oaks “How Does Heavenly Father Speak to Us?” n̄an jipan̄ ajri ro meļeļe wāween ko reoktak me Jetōb Kwojarjar emaron̄ kōnono n̄an ļōmņak ko ad im būruwōd (Friend, Mar. 2020, 2–3; Liahona, Mar. 2020, F2–F3).

Kwaļo̧k juon en̄jake me Jetōb Kwojarjar ekar kōnono ippam̧, emaron̄ ilo ļōmņak ko am̧ ak ilo en̄jake ko ilo būruwōm̧ (lale Katak im Bujen Ko 6:22–23; 8:2–3; bar lale Henry B. Eyring, “Open Your Heart to the Holy Ghost,” Friend, Aug. 2019, 2–3; Liahona, Aug. 2019, F2–F3). Kam̧ool n̄an ajri ro bwe Jetōb Kwojarjar emaron̄ jipan̄ er ilo ejja wāween in wōt.

Jipan̄ ajri ro ļōmņake iien ko remaron̄ kar en̄jake Jetōb—n̄an waanjon̄ak, n̄e al juon al kōn Rilōmo̧o̧r ak n̄e kōm̧m̧an em̧m̧an n̄an ro jet. Jipan̄ er kile en̄jake ko an jetōb me Jetōb Kwojarjar ej boktok. Etke kwoj ļōmņak Jetōb Kwojarjar ej letok en̄jake kein? Jipan̄ ajri ro ļōmņaki men ko me jej aikuji n̄an kōm̧m̧ani n̄an ron̄jake an Jetōb Kwojarjar kōnono n̄an kōj. Kōnono kōn ta eo kwoj kōm̧m̧ane n̄an kōļapļo̧k an alikkar am̧ ron̄ ainikien Jetōb.

Kajjitōk ippān ajri ro n̄an kōļare “Jesus Introduced the Sacrament to the Nephites” ilo Scripture Stories Coloring Book: Book of Mormon (2019), 26. Kajjitōk ippāer n̄an kwaļo̧k ta eo armej ro rej ļōmņake ilo pija eo. Riit n̄an ajri ro jidikin 3 Nipai 18:1–12 ak “Jebta 45: Jesus Christ Teaches about the Sacrament and Prayer,” Bwebwenato ko an Bok in Mormon, 126–27, ak alooje bitio eo ilo ChurchofJesusChrist.org. Ta eo jemaron̄ kōm̧m̧ane n̄an keememej Jisōs Kraist ilo iien kwojkwoj eo?

Kajjitōk ippān ajri ro n̄an kwaļo̧k n̄an kwe jet men ko rej aikuj keememej aolep iien n̄an kōm̧m̧ani, āinwōt kajjieon̄ kōņaki juuj ko aer ak kwaļ peier m̧okta jen m̧ōn̄ā. Etke eaorōk n̄an keememej men kein? Riiti Moronai 4:3 n̄an ajri ro, im kajjitōk ippāer n̄an ron̄jake ta eo jej kallim̧ur kake n̄an keememej iien otemjej n̄e jej bōk kwojkwoj eo. Etke eaorōk n̄an keememej Jisōs Kraist? Jipan̄ ajri ro meļeļe elmen an pilawā im dān in kwojkwoj eo jipan̄ kōj keememej ta eo Jisōs ekar kōm̧m̧ane n̄an kōj (lale Moronai 4:3; 5:2).

Je ioon bo̧o̧t eo “Ij kallim̧ur n̄an …” Riiti jar in kwojkwoj eo n̄an ajri ro (lale Katak im Bujen Ko 20:77, 79). N̄e rej ron̄ kallim̧ur eo jej kōm̧m̧ane ippān Anij, bōjrak im jipan̄ er kadedeļo̧k jentōj eo ioon bo̧o̧t ippānļo̧k kallim̧ur eo rej ron̄. Jipan̄ er meļeļe bwe n̄e jej bōk kwojkwoj eo, jej kōm̧m̧ane ejja kallim̧ur eo wōt jaar kōm̧m̧ane ilo iien peptaij.

Ta meļeļe in n̄an bōk iood make etan Jisōs Kraist? N̄an jipan̄ ajri ro uwaake kajjitōk in, kwaļo̧k juon waanjon̄ak in men ko jej likūt etad iood. Etke jej likūt etad ioon men kein? Etke Jisōs Kraist ekōņaan likūt Etan iood? Ļōmņak in kwaļo̧k kōmeļeļe in jān Būreejtōn Russell M. Nelson: “Bōk etan Rilo̧mo̧o̧r iood ekitbuuj kwaļo̧k im kam̧ool n̄an ro jet—jen m̧akūtkūt ko ad im naan ko ad—bwe Jisōs ej RiKraist eo” (“Jim̧we in Etan Kabun̄ in,” Liaona, Okt. 2018).

Jipan̄ ajri ro kile kōjeraam̧m̧an ko rej būki kōn wōt priesthood eo. N̄an leļo̧k n̄an er jet ļōmņak ko, kwomaron̄ kwaļo̧k pija eo “Blessings of the Priesthood” (Gospel Library).

Ļōmņak in je kōjeraam̧m̧an kein ilo bo̧o̧t eo. Etke kōjeraam̧m̧an kein raorōk n̄an kōj? Kam̧ool bwe kōjeraam̧m̧an kein rej itok n̄an kōj kōn wōt Jisōs Kraist im kajoor in priesthood eo An.

Je naan ko ioon bo̧o̧t eo: Kajoor an Anij im Kajoor an Anij im mālim kar leļo̧k n̄an em̧m̧aan ro ioon laļin. Kajjitōk ippān ajri ro n̄an likūt pija ko ium̧win naan eo jinoin me ej jipan̄ kōj meļeļe elmen an Anij kar kōjerbal kajoor eo An n̄an kōjeraamman kōj, āinwōt kōm̧anm̧an laļ in, tōl kōj, kwaļo̧k n̄an kōj bwe E ej iakwe kōj im ejeļā kajjied, im ron̄jake im uwaake jar ko ad (lale Gospel Art Book, nos.3, 68, 90,111 Kajjitōk ippāer n̄an likūt pija ko ium̧win naan eo kein karuo n̄an jipan̄ kōj meļeļe elmen an em̧m̧aan ro rōreeo ioon laļ in kōjerbal kajoor im mālim eo an Anij n̄an kōjeraam̧m̧an kōj, āinwōt n̄an kōjeraam̧m̧an ro rej nan̄inmej, peptaij, kapene, kōjeraam̧m̧an kwojkwoj eo, im liāpe baam̧le ko (lale Gospel Art Book, nos.46, 104, 105, 107,120). Kwaļo̧k etke kwoj kam̧m̧oolol kōn priesthood eo im kōjeraam̧m̧an ko rej waļo̧k.

Juon iaan wāween ko jej bōk kōjeraam̧m̧an ko jān kajoor eo an Anij ilo mour ko ad ej jān kain̄i ko an priesthood (lale Katak im Bujen Ko 84:20). N̄an jipan̄ ajri ro ekkatak m̧ool in, kwomaron̄ kōlaajrake eoon kein ilaļ ioon bo̧o̧t eo: 3 Nipai 11:21–26, 33 (peptaij); Moronai 2 (kapene); Moronai 4–5 (kwojkwoj). Ajri ro remaron̄ kālet juon iaan eoon kein im kōmeļeļeik kain̄i eo. Kajjitōk ippān ajri ro n̄an kwaļo̧k ta eo raar make jeraam̧m̧an kake ilo aer būki kain̄i ko an priesthood.

Jipan̄ ajri ro meļeļe bwe renaaj bōk kajoor jān Anij n̄e renaaj peptaij im kōjparok bujen peptaij eo aer. Kajjitōk ippān ajri ro elmen an kajoor in maron̄ jipan̄ er.

Riit ippān ajri ro Mark 3:14–15, im kwaļo̧k n̄an er juon pija in m̧akūtkūt eo me eoon in ej kōmeļeļeiki (āinwōt Gospel Art Book, no. 38). Kajjitōk ippān ajri ro n̄e rekar lo an ro jet ekkapit n̄an juon opij an priesthood ak kōjenoļo̧k n̄an juon kūr (ak ba n̄an er kōn en̄jake ko am̧). Elmen aer juon wōt n̄an ta eo Rilo̧mo̧o̧r ekar kōm̧m̧ane n̄an Rijilōk ro An? Jipan̄ ajri ro kōlaajrake ioon bo̧o̧t eo opij ko an priesthood ak kūr ko me remaron̄ leļo̧k n̄an membōr ro an Kabun̄ in, āinwōt juon rūkaki ak ritōl in juon doulul. Iturin kajjojo opij ak kūr, kwomaron̄ je ta eo armej eo me ej pād ilo opij eo ak kūr ewōr an mālim n̄an kōm̧m̧ane. Kwaļo̧k n̄an ajri ro wāween an juon kōjenoļo̧k (set apart) jān juon eo ej pād ium̧win tōl eo an ki ko an priesthood kar jipan̄ eok kōm̧m̧ane jerbal in ak kūr in.

Kajjitōk ippān ajri ro n̄an ļōmm̧ake men ko kwoj aikuji juon ki n̄ane, āinwōt wa ak kōjem. Ta eo ewaļo̧k n̄e ejjeļo̧k am̧ ki? Riit ippān doon Katak im Bujen Ko 65:2, im kwaļo̧k am̧ naan in kam̧ool kōn aorōk eo n̄an bōk ki ko an priesthood ioon laļ in. Kom̧ maron̄ barāinwōt alooje bitio eo “Where Are the Keys?” (Gospel Ļaibrāre) im lale ta eo Elder Stevenson ej kwaļo̧k kake kōn ki ko an priesthood eo.

Kajjitōk ippān juon eo ej kabwijer ki ko ilo ward eo n̄an itok n̄an kūlaaj eo im kwaļo̧k n̄an ajri ro ta meļeļein n̄an kabwijer ki ko an priesthood eo. Kajjitōk ippān n̄an kōmeļeļeik eddo ko an. Ta m̧ōttan jerbal eo an Irooj ej kōm̧m̧ane? Ekōjkan an Rilo̧mo̧o̧r eo jipan̄ e?

Kwaļo̧k juon ak elōn̄ļo̧k pijain tampeļ ko. Kajjitōk ippān ajri ro ta eo ej kōm̧m̧an bwe tampeļ ko ren jenoļo̧k. Kalikkar bwe ilo kajjojo tampeļ ej kwaļo̧k naan in “Kwojarjar n̄an Irooj: M̧weeo Im̧ōn Irooj.” Kajjitōk ippān ajri ro ta eo rej ļōmņake ta meļeļein “Kwojarjar n̄an Irooj.” Etke kar ņaetan tampeļ m̧weeo im̧ōn Irooj? Ta eo menin ej katakin kōj kake kōn tampeļ? Eļan̄n̄e jabdewōt iaan ajri ro rekar pād ilo tampeļ, remaron̄ bar kwaļo̧k elmen aer kar en̄jake ke rekar pād ijo. Eļan̄n̄e em̧ōj am̧ pād ilo tampeļ, kwaļo̧k elmen am̧ kar en̄jake an Irooj pād ijo, im ekōnono kōn unin an tampeļ eo juon jikin ekwojarjar n̄an eok.

Riiti ippān doonKatak im Bujen Ko 97:15–17. Kajjitōk ippān ajri ro n̄an lale ta eo Irooj ej kōtmen jen ro rekar deļo̧n̄e m̧weeo Im̧ōn ekwojarjar. Etke jej aikuj erreeo n̄an deļo̧n̄e m̧weeo Im̧ōn? Āinwōt m̧ōttan ekōnono in, kōnono n̄an ajri ro kōn mālim n̄an deļon̄e tampeļ, ekoba wāween bōk juon. Kwomaron̄ kūrtok juon iaan ro uwaan bisoprik eo n̄an kwaļo̧k n̄an er ta in mālim n̄an deļon̄e tampeļ im kajjitōk ko rej kajjitōk kaki.

Kajjitōk ippān ajri ro n̄an jipan̄ eok etale bujen eo me jej kōm̧m̧ane ippān Anij ke jaar peptaij im bwe jej kōkāāle n̄e jej bōk m̧ōttan kwojkwoj eo (laleMosaia 18:10; Katak im Bujen Ko 20:77, 79). Kwaļo̧k juon pijain juon tampeļ im kōmeļeļeiki bwe Jemedwōj Ilan̄ elōn̄ kōjeraam̧m̧an ko Ej kōņaan letok n̄an kōj ilo tampel eo.

Jin̄aik juon kōjem in oror ej tōlļo̧k n̄an iaļ eo. Kajjitōk ippān ajri ro etke rej ļōmņak ejipan̄ n̄an pād ilo iaļ in n̄an etetal ie. Riit ippān doon 2 Nipai 31:17–20, ijo Nipai ej keidi bujen eo an peptaij n̄an juon iaļ im kajjitōk ippān n̄an etal wōt ilo iaļ in ālkin peptaij. Elōn̄ļo̧k bujen ko n̄an kōm̧m̧ani ālkin peptaij, ekoba bujen ko kar kōm̧m̧ani ilo tampeļ eo. Kōmeļeļeik bwe Būreejtōn Nelson eaar ņaetan iaļ in “iaļen bujen.”

Kōnono jidik kake n̄e ro jet rekar kōm̧m̧an jet men n̄an eok me kwojjab maron̄ kōm̧m̧ane n̄an kwe make. Kajjitōk ippān ajri ro n̄an kwaļo̧k en̄jake ko aer rein ļak wōt juon. Kōmeļeļeik bwe ilo ad etal n̄an tampeļ eo, jemaron̄ bōk kain̄i ko rekwojarjar āinwōt peptaij kōn ro jet em̧ōj aer mej. Elmen ad āinwōt Jisōs ilo ad kōm̧m̧ane jerbal eo n̄an ro remej? Ta eo E ekar kōm̧m̧ane n̄an kōj me jeban kar maron̄ kōm̧m̧ane n̄an kōj make?

Kajjitōk ippān juon ak elōn̄ļo̧k jodikdik ro ro em̧ōj aer peptaij kōn ro jibwier im jim̧m̧aer n̄an kwaļo̧k en̄jake eo aer. Kajjitōk ippāer ta eo em̧m̧an ilo tampeļ. Rōjan̄ er n̄an kwaļo̧k elmen aer kar en̄jake n̄an kōm̧m̧ane jerbal in n̄an ro jibwieer im jim̧m̧aer.

Jin̄aiki juon wōjke ioon bo̧o̧t eo, kobaiki okar im ra ko. Kajjitōk ippān ajri ro n̄an ļo̧mņake baam̧le eo āinwōt juon wōjke. Likūt ra ko Rūtto ro jibwier im jim̧aer, likūt ra ko Ro bwijjid, im likūt keen wōjke eo Kwe. Riit ippān doon jentōj in jān Katak im Bujen Ko 128:18: “Bwe kōj ijello̧kier jejjab maron̄ weeppān im jab er ijello̧kwid [ro jibwid im jim̧m̧ad] reban maron̄ weeppān.” Kajjitōk kajjitōk ko āinwōt kein ilaļ: “Etke jej aikuj ro jibwiid im jim̧m̧ad? Etke ro bwijjid rej aikuj kōj? Elmen an ro jined im jemed, ro jibwid im jim̧m̧ad, im ro jet jibwid im jim̧m̧ad kar jipan̄ kōj?” Kajjitōk ippān ajri ro n̄an lale aolepen Katak im Bujen Ko 128:18 n̄an pukot naan eo ej kōmeļeļeik elmen ad maron̄ jipan̄ ro jibwid im jim̧m̧ad.

Ļōmņak in jerbal ippān pāāren ro an kajjojo ajri n̄an pukot juon etan jibwin ak jim̧m̧an bwe ajri eo en bōke n̄an tampeļ (lale FamilySearch.org).