Blong Ol Yut Oli Kam Strong: Wan Niufala Magasin blong Ol Yut

Blong Ol Yut Oli Kam Strong i wan magasin we i blong ol yut nomo. Wanwan namba blong magasin ia, insaed long hem i gat ol mesej we oli leftemap tingting, we oli kam long Ol Aposol, mo ol nara lida blong Jos, i gat ol testemoni, mo ol eksperiens blong ol yut raon long wol, i gat ol gudfala aktiviti, mo plante moa. Long wanwan pej, yu save faenem insperesen mo paoa we i save helpem yu blong faenem glad olsem wan disaepol blong Jisas Kraes.

I gat plante atikol mo aktiviti insaed long Blong Ol Yut Oli Kam Strong we oli save sapotem stadi blong yu blong ol skripja, we oli stap tokbaot insaed long Kam Folem Mi evri manis. Hemia i save help blong mekem stadi blong yuwan, mo famli stadi blong ol skripja, mo i save konektem yu wetem ol nara yut raon long wol taem oli stap stadi long semfala skripja. I nomata weaples yu stap laef long hem, !ol atikol ia bambae oli givim insperesen mo bambae oli helpem yu taem yu stap traehad blong laef folem wanem yu yu stap lanem aot long ol skripja evri dei!

Blong Ol Yut Oli Kam Strong !i wantem harem nius blong yu! Yu save help blong blesem ol yut olsem yu raon long wol. Taem yu stap serem ol eksperiens blong yu wetem ol wei blong laef folem gospel, bae yu stap givim insperesen long ol yut long evri ples.

Plis sendem eni long ol samting ia i kam long mifala:

• Wan taem we yu bin fetful blong laef folem gospel, iven we i bin had.

• Wan jalenj we bilif blong yu long God i mekem, o i bin helpem yu blong gotru long jalenj ia.

• Sam niu tingting long saed blong i olsem wanem blong stap olsem wan memba blong Jos Ia blong Jisas Kraes, long ples we yu yu stap laef long hem.

• Wan eksperiens abaot wan taem we wan i bin soem tru lav ia blong Kraes long yu

• Testemoni blong yu

• Eni nara stori we i soem olsem wanem gospel i bin blesem laef blong yu

Sendem stori blong yu i go long ftsoy@ChurchofJesusChrist.org

?Yu yu save se Blong Ol Yut Oli Kam Strong oli pablisim moa samting bitim wanem we bae yu faenem long pepa magasin? Ol dijitol atikol ia, yu save faenem olgeta long ChurchofJesusChrist.org/study?lang=bis o long Gospel Laebri ap.

!Blong gat moa naes samting we i leftemap tingting, traem Gospel Living ap! I gat wan ples we i fulap wetem ol smol gem, ol vido, ol help blong mekem skripja stadi, ol wolpepa, mo plante moa.

Luk long “Dijitol Joes” blong gat moa infomesen long saed blong dijitol atikol blong ol yut.