“Ibukin Kakorakoraia Kairake: Te Maekatiin ae Boou ibukiia Kairake,” Tianuare 2021.
Ibukin Kakorakoraia Kairake: Te Maekatiin ae Boou ibukiia Kairake
Karekean te Kimwareirei inanon Kristo
Te Maekatiin ni Kabuta ibukiia Kairake Tii Ibukim!
Ibukin Kakorakoraia Kairake te maekatiin tii ibukiia kairake. Maekatiin ni kabane a kakanoa n rongorongo aika a kakimwareireia te tamnei mairouia Abotoro ao taan kairiiri n te Ekaretia tabeman, kakoaua ma taneiai mairouia kairake ni kabutaa te aonaaba, bwaai ni kakukurei, ao a mwiti riki. Iaon iteranibaana ni kabane ao ko kona n karekei kairi ma kakorakora are a kona n buokiko n karekea te kimwareirei n arom ae te tia irira Iesu Kristo.
Boutoka ibukin Nakomai, Iriirai
A mwaiti karaki ma bwaai ni kakukurei n te Ibukin Kakorakoraia Kairake ae a boutokaa am kamatebwai iaon koroboki aika a tabu are a mena n te Nakomai, Iriirai ni katoa namwakaina. E na kona aio ni buokiko ni kakorakora oin am kamatebwai ao am kamatebwai n am utu iaon koroboki aika a tabu ao n toomaiko nakoia kairake ni kabutaa te aonaaba ngkai kam kamatebwaii koroboki aika a tabu ae titeboo. E ngae ngkana ko mena iaa, taian karaki aika a na kairiko man buokiko inanon am tai n kekeiaki-mwaaka n maiuakini bwaai ake ko reiakin man koroboki aika a tabu ni katoa bong!
Kanakomai Am Karaki Nakoira
Ibukin Kakorakoraia Kairake e tangiria n ongo mai iroum! Ko kona n kakabwaiaia kairake n ai arom ni kabutaa te aonaaba. Tibwauaan am taneiai ni maiuakinan te euangkerio e kona n kaungaia kairake n taabo nako.
Taiaoka n kanakomai bwaai n aron aikai:
-
te tai are ko kakaonimaki n maiuakina te euangkerio, e ngae ngke e rangi n kaangaanga
-
te kakaewenako ae ko tokanikai iaon rinanon am onimaki iroun te Atua
-
am nonoori iaon aroroam ngkai ngkoe te membwa n ana Ekaretia Iesu Kristo n te tabo are ko maeka iai
-
te taneiai ae iai ae kaota bannan ana Tangira Kristo ni koaua nakoim
-
am kakoaua
-
karaki riki tabeua ae kaotia bwa e kanga te euangkerio n tia ni kakabwaia maium
Kanakoa am karaki nakon ftsoy@ChurchofJesusChrist.org.
Karaki riki tabeua iaon te intanete
Ko ataia ae Ibukin Kakorakoraia Kairake e booreti kanoana aika mwaiti riki nakon are ko kona n noria iaon te maekatiin are boretiiaki? A kona n reke aika n ChurchofJesusChrist.org ke n te Gospel Library app.
Ibukin bwaai ni kakukurei ao karaki aika kaunganano aika mwaiti riki, kawara te Gospel Living app! Iai mwakorona ae kakanoa n taian titiraki, witeo, aron kabebetean am kamatebwai iaon koroboki aika a tabu, tamnei, ao a mwaiti riki.
Taraa “Digital Options” ibukin rongorongon riki kanoan ake iaon te intanete ibukiia kairake.