Fren: Wan Wol Magasin blong Ol Pikinini

Magasin ia, Fren i stap invaetem ol pikinini raon long wol blong, tugeta, oli folem Jisas. Wanwan namba, insaed long hem i gat ol skripja stori, ol mesej we i gud long ol pikinini; ol mesej ia oli kam long ol profet mo ol nara lida blong Jos; i gat tu ol gem, mo ol kala pej, mo i gat ol stori blong ol pikinini raon long wol we oli stap putum bilif blong olgeta long Sevya i kam aksen. Magasin ia, Fren, insaed i gat ol atikol we oli pusum pikinini blong mekem samting, ol atikol we oli save bildimap fet, mo oli transletem i go long 48 lanwis.

I gat ol seksen we i speseli blong ol pikinini we oli bigwan, mo ol smol pikinini; wanwan namba blong Fren, insaed i gat ol aedia blong mekem haos naet mo mekem ol lesen blong Kam Folem Mi oli wan gudfala taem blong evri pikinini, i nomata wanem yia blong olgeta. Magasin ia, Fren, i save helpem ol pikinini mo ol famli blong kam antap long fasin blong save rid, kam antap long fasin blong haremsave gospel, mo kam kolosap moa long Jisas Kraes, Sevya mo fren blong olgeta.

Ol papa, mama mo ol tija oli save yusum magasin ia blong help blong tijim ol skripja, mo yusum hemia wetem Kam Folem Mi. Ol stori we oli stap long magasin ia, oli save yusum olsem wan strong tijing tul mo blong statem ol toktok storian wetem ol pikinini abaot eksperiens blong olgeta.

Magasin ia, Fren, i pablisim ol skripja stori vidio mo ol singsing folem vidio blong ol pikinini, mo tu, ol dijitol stori abaot sam topik we i gud blong lukaot long ol. Faenem ol vidio ia mo moa long ChurchofJesusChrist.org/study?lang=bis o, insaed long Gospel Laebri ap.

Magasin ia, Fren, i wantem harem nius blong ol pikinini raon long wol. Plis sendem eni long ol samting ia i kam long mifala:

• Wan taem we yu bin fetful blong laef folem gospel, iven we i bin had.

• Wan pikja o wan droing blong yu we yu stap long tempol

• Wan taem we yu bin helpem wan man o woman.

• Wan eksampol long wei we famli blong yu i stap yusum Fren (!putum wan pikja wetem!)

• Wan droing o wan nara artwok we i soem wan skripja stori, o Jisas, o ol tempol mo sam narawan moa.

Sendem stori blong yu i go long friend@ChurchofJesusChrist.org.