Ang Higala: Usa ka Tibuok Kalibotan nga Magasin alang sa Kabataan

Ang Higala nga magasin nagdapit sa kabataan sa tibuok kalibotan nga mag-uban sa pagsunod ni Jesus. Ang matag isyu naglangkob og mga istorya sa kasulatan, mga mensahe nga mahigalaon sa bata gikan sa mga propeta ug ubang lider sa Simbahan, mga pahina sa mga dula ug pagkolor, ug mga istorya sa kabataan sa tibuok kalibotan kinsa nagalihok sa ilang hugot nga pagtuo diha sa Manluluwas. Ang Higala adunay hilisgotan nga makapadasig, makalig-on sa hugot nga pagtuo nga gihubad ngadto sa 48 ka pinulongan.

Adunay mga seksiyon nga alang lamang sa mas dagko nga mga bata ug mas manghod nga mga bata, ang matag isyu sa Higala naglangkob usab og mga ideya aron sa paghimo sa home evening ug Dali, Sunod Kanako nga mga leksiyon nga makalingaw alang sa kabataan sa tanang edad. Ang Higala makatabang sa kabataan ug mga pamilya sa pagpalambo sa mga kahanas sa pagbasa, pagdugang sa pagsabot sa ebanghelyo, ug motubo nga mas duol ngadto kang Jesukristo, ilang Manluluwas ug higala.

Ang mga ginikanan ug mga magtutudlo makagamit sa magasin aron sa pagtabang sa pagtudlo sa mga kasulatan uban sa Dali, Sunod Kanako. Ang mga istorya sa magasin mahimong magamit isip usa ka gamhanang gamit sa pagtudlo ug sa pagsugod sa panag-istoryahanay uban sa mga bata mahitungod sa ilang kaugalingong mga kasinatian.

Ang Higala nagmantala og mga video sa istorya sa kasulatan ug mga video sa kanta-kanta alang sa kabataan, ingon man usab sa digital lamang nga mga istorya mahitungod sa mga hilisgotan nga sensitibo. Pangita og mga video ug dugang pa sa ChurchofJesusChrist.org o sa Gospel Library nga app.

Ang Higala gusto makadungog gikan sa kabataan sa tibuok kalibotan! Palihog padad-i kami sa bisan unsa sa mosunod:

• usa ka higayon sa dihang inyong gipili ang sakto, bisan kon kini lisod

• usa ka hulagway o drowing sa imong kaugalingon nga anaa sa templo

• usa ka panahon sa dihang nagtabang ka og usa ka tawo

• usa ka ehemplo kon giunsa paggamit sa imong pamilya ang Higala (paglakip og hulagway!)

• usa ka drowing o laing buhat sa art nga nagpakita og istorya sa kasulatan, ni Jesus, mga templo, ubp.

Ipadala ang inyong istorya o art ngadto sa friend@ChurchofJesusChrist.org.