“Te Rao: Te Maekatiin ni Kabuta ibukiia Ataei,” Tianuare. 2021.
Te Rao: Te Maekatiin ni Kabuta ibukiia Ataei
Te bane n Iriira Iesu
Te Maekatiin ni Kabuta te Aonaaba
Te Rao maekatiin e kaoia ataei ni kabutaa te aonaaba bwa a na bane n iriira Iesu. Ni katoaa te maekatiin aio ao e kakanoa n karaki iaon koroboki aika a tabu, rongorongo n iraorao nakoia ataei mai irouia burabeti ao taan kairiiri n te Ekaretia tabeman, bwaai n kakukurei ao iteraniba ae e na karanaki, karaki mai irouia ataei ni kabutaa te aonaaba are a kamwakura aia onimaki iroun te Tia Kamaiu. Te Rao e kakanoa n karaki aika a kakaongora man buoka kakorakoraan te onimaki aika rairaki nakon 48 te taetae.
Ibukiia Ataei n Roro Nako
N mwakoro ake ibukiia ataei ake a ikawai riki ao ake a uarereke, ni katooa te maekatiin ae te Rao e kakanoa n iango aika a kona n kaungaa aron am kai n utu n te tairiki ao iaon naba reirei am te Nakomai, Iriirai ibukiia ataei n roro nako. Te Rao e kona n buokiia ataei ao utu n katamaroa rabakauiia n wareware, karikirakea ootaia n te euangkerio, ao ni kaaniia riki nakon Iesu Kristo, aia Tia Kamaiu ao raoraoia.
Nakoia Kaaro ao Taan Reirei
Kaaro ao taan reirei a kona n kabonganai maekatiin bwa buokaia n reirei iaon koroboki aika a tabu n raonaki ma Nakomai, Iriirai. Karaki ake man te maekatiin a kona n kabonganaaki bwa bwaai n reirei aika korakora ao bwaai n waaki n marooro ma ataei iaon oin aia taneiai.
Witeo ao a Mwaiti Riki
Te Rao e booretii witeo iaon karakin booki aika tabu ao witeo n anene ake ko na iriria ibukiia ataei, ao n raonaki naba ma karaki ake iaon te intanete ae boboto iaon marooro ae kai roota te namakin. Noori witeo ao a mwaiti riki iaon ChurchofJesusChrist.org ke n te Gospel Library app.
Ti Tangiria n Ongora mai Iroum!
Te Rao e tangiria n ongo mai irouia ataein te aonaaba ni kabuta! Taiaoka n kanakomai bwaai n aron aikai:
-
te tai ae ko rinea ae eti, e ngae ngke e rangi n kaangaanga
-
te tamnei ke tamnein te tembora ae ko koreia
-
te tai ae ko buoka iai temanna
-
te katooto iaon aroia am utu ni kabongaana te Rao (kairia ma te tamnei!)
-
te korotamnei ke korobanna iaon karakin booki aika tabu, Iesu, tembora, a mwaiti riki.
Kanakoa am karaki ke korobanna nakon friend@ChurchofJesusChrist.org.