“34. Jāān ko im Bōnbōn in Etale Jāān ko,” Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata (2024).
“34. Jāān ko im Bōnbōn in Etale Jāān ko,” Bok in Bōk Meļeļe Eļap.
Pija
ajri eo ej jibwe kilin leta eo
34.
Jāān ko im Bōnbōn in Etale Jāān ko
34.0
Kadkad in
Juon m̧ōttan jon̄oul ko im jortak ko rej kōtļo̧k an Kabun̄ in pukōt jerbal in lo̧mo̧o̧r eo an An Anij im mour ijo eutiej tata (lale 1.2). Jāān in jipan̄ kein rekwojarjar. Rej kakōļļe in kaarmejete im tōmak an membōr ro an Kabun̄ in (lale Mark 12:41–44).
Jet iaan men ko kōjerbal juon m̧ōttan jon̄oul ko im jortak ko ilo rejtake jerbal eo an Irooj ekoba:
Kalōk im kōjparok (maintain) tampeļ ko, im̧ōn kweilo̧k ko, im im̧ōko jet im̧ōn Kabun̄ in.
Rejtake m̧akūtkūt ko im jerbal ko an Kabun̄in im jarlepju ko an ijo jokwe ie.
Kwaļo̧k gospel eo ilo aolepān laļ in.
Rejtake būrookraam̧ ko an Kabun̄ in, ko āinwōt jeļāļo̧kjeņ (education) im menmenbwij an baam̧le.
Elleļo̧k m̧ōn̄ā, jikin jokwe, im menin aikuj ko jet n̄an armej ro ilo aikuj.
Stake būreejtōn ro im bisop ro ewōr juon aer eddo ekwojarjar n̄an eddoik jāān ko an Kabun̄ in (lale Katak im Bujen Ko 72:9–10). Jāān kein aikuj kōjerbali wōt jān membōr ro kar kōmālimi n̄an jibadbad ko kar kōmālimi an Kabun̄ in. Rej aikuj mejmejkaruo ļōmņak kaki im kōjparoki.
34.1
Ritōl ro an Jāān ilo Stake
34.1.1
Stake Būreejtōnji
Stake būreejtōn eo ewōr ippān eddo kein kōn jāān ko an stake eo. Ej jitōn̄ jet iaan jerbal in n̄an rikakpilōklōk ro an im kūļōk ro.
Stake būreejtōn eo:
Ej katakin im im̧we membōr ro n̄an kōļļāik juon juon m̧ōttan jon̄oul eo edipio im leļo̧k jortak ko retenkwadik (lale 34.3).
En kanooj lale bwe jāān ko an stake eo rej jetjet kōjerbali im bwini (lale 34.5).
Ej etale wāween kōjerbal jāān (financial statement) kajjojo allōn̄ im kanooj lale bwe jabdewōt jorrāān ko rej ņa mejļaer ilo iien em̧ōkaj tata.
En kanooj lale bwe bisoprik ko, ritōl ro an doulul, im kūļōk ro rej ekkatak eddo eo aer kōn jāān ko an Kabun̄ in rekwojarjar.
Ej kōpooj im ej bōk eddo in bajōt eo an stake iiō otemjej (lale 34.6).
Ej kanooj lale bwe unin tōl ko an bajet eo an stake rej ļoore (lale 34.6.2).
Ej kapilōk iien otemjej ippān kajjojo bisop n̄an ekōnono kōn jāān ko an ward.
Ej kam̧oole bwe kajjojo ward ej bōk kean̄ in juon m̧ōttan jon̄oul ko an membōr ro iiō otemjej.
Ej kanooj lale bwe password ko n̄an deļo̧n̄e Church financial system ko rej jab kwaļo̧k.
Ej kanooj lale bwe kamiti in bōnbōn jāān eo an stake ej ejaak im jetjet an jerbal (lale 34.7.1).
Ej pād n̄an uwaake kajjitōk ko ilo iien bōnbōn jāān ko rekoot in jāān ko an stake (lale 34.7).
Ej etale bōnbōn ko an rekoot in jāān ko an stake im ward im kanooj lale bwe jabdewōt jorrāān ko rej ņa mejļaer ilo iien eo em̧ōkaj tata (lale 34.7).
Ej kanooj lale bwe stake eo im ward eo rej ļoor aolep kakien ko repād kō eowōj (lale 34.8).
34.1.2
Kūļōk ro an stake
Stake būreejtōn ej jittōn̄ kūļōk eo an stake ak rijipan̄ eo an kūļōk eo an stake n̄an jipan̄ kōjparoki rekootin jāān. Kūļōk ro rej kanooj mejmejkaruo ilo ļoor kakien ko rekāāl n̄an tōlarōki jāān ko an Kabun̄ in im kanooj lale bwe rekoot ko an Kabun̄ in rej jetjet.
Kūlōk eo ewōr ippān eddo kein:
Rekoote im kadeļo̧n̄ (deposit) jabdewōt jāān ko kar būki jān juon membōr in stake būreejtōnji eo.
Ej etale wāween kōjerbal jāān (financial statement) kajjojo allōn̄ im kanooj lale bwe jabdewōt jorrāān ko rej ņa mejļaer ilo iien em̧ōkaj tata.
Jipan̄ stake būreejtōnji eo kōpooj bajet eo an stake iiō otemjej (lale 34.6.1 im 34.6.2).
Kanooj etale bwe kajjojo ward raar jilkinļo̧k kean̄ in juon m̧ōttan jon̄oul riboot eo an iiō otemjej.
Bōk koņaan ilo bōnbōn in jāān ko jān ribōnbōn ro an stake im bōk bun̄tōn ko rejim̧we eļan̄n̄e aikuj (lale 34.7).
Jipan̄ bisoprik ro kōn kamineneik kūļōk ro an ward.
Kūļōk ro rej aikuj kabwijer Melkesidek Priesthood eo im erreo n̄an bōk juon peba in mālim an tampeļ ekāāl. Kōn elōn̄ļo̧k meļeļe kōn kūr kūļōk ro an stake, lale 33.3.2 im 33.3.3.
34.2
Ritōl ro an Jāān ilo Ward
34.2.1
Bisoprik
Bisop eo ewōr ippān eddo kein kōn jāān ko an ward eo. Ej jitōn̄ jet iaan jerbal in n̄an rikakpilōklōk ro an im kūļōk ro.
Bisop eo:
Ej katakin im im̧we membōr ro n̄an kōļļā juon m̧ōttan jon̄oul eo edipio im leļo̧k jortak ko retenkwadik (lale 34.3).
Ej kanooj lale bwe jāān ko an ward eo ren jetjet kōjerbali im en bōnbōn aolep (lale 34.5).
Ej etale wāween kōjerbal jāān (financial statement) kajjojo allōn̄ im kanooj lale bwe jabdewōt jorrāān ko rej ņa mejļaer ilo iien em̧ōkaj tata.
Ej kanooj lale bwe ritōl ro an doulul im kūļōk ro rej ekkatak eddo eo aer kōn jāān ko rekwojarjar an Kabun̄ in.
Ej kōpooj im ej bōk eddo in bajōt eo an stake iiō otemjej (lale 34.6).
Ej kanooj lale bwe unin tōl ko an bajet eo an ward rej ļoore (lale 34.6.2).
Kweilo̧k ippān ward membōr ro kajjojo iiō n̄an bōk kean̄ an juon m̧ōttan jon̄oul eo aer.
Ej kanooj lale bwe password ko n̄an deļo̧n̄e Church financial system ko rej jab kwaļo̧k.
Ej pād n̄an uwaake kajjitōk ko ilo iien bōnbōn jāān eo an rekoot in jāān ko an ward eo im kanooj lale bwe jabdewōt jorrāān rej ņa mejļaer ilo iien eo em̧ōkaj tata (lale 34.7).
34.2.2
Kūļōk ro an Ward
Bisop eo ej jitōn̄ kūļōk eo an ward ak juon rijipan̄ kūļōk eo an ward n̄an jipan̄ kōjparoki rekoot in jāān. Kūļōk ro rej kanooj mejmejkaruo ilo ļoor kakien ko rekāāl n̄an tōlarōki jāān ko an Kabun̄ in im kanooj lale bwe rekoot ko an Kabun̄ in rej jetjet.
Kūlōk eo ewōr ippān eddo kein:
Rekoote im kadeļo̧n̄ (deposit) jabdewōt jāān ko kar būki jān juon membōr in bisoprik eo.
Ej etale wāween kōjerbal jāān (financial statement) kajjojo allōn̄ im kanooj lale bwe jabdewōt jorrāān ko rej ņa mejļaer ilo iien eo em̧ōkaj tata.
Ej jipan̄ bisoprik eo kōpooj bajet eo an ward iiō otemjej (lale 34.6.1 im 34.6.2).
Ej kanooj lale bwe membōr ro ren bōk meļeļe ko kōn menin jipan̄ ko (statements in contributions) aer im jipan̄ n̄e aikuj.
Jipan̄ bisop eo kōpooj im rekoote kea ko an juon m̧ōttan jon̄oul ko.
Bōk koņaan ilo bōnbōn in jāān ko jān ribōnbōn ro an stake im bōk bun̄tōn ko rejim̧we eļan̄n̄e aikuj (lale 34.7
Kūļōk ro rej aikuj kabwijer Melkesidek Priesthood eo im erreo n̄an bōk juon peba in mālim an tampeļ ekāāl. Kōn elōn̄ļo̧k meļeļe kōn kūr kūļōk ro an ward, lale 33.4.2 im 33.4.3.
34.3
Menin leļo̧k ko
Ritōl ro an Kabun̄ in rej katakin membōr ro pedped in katak ko an juon m̧ōttan jon̄oul ko im jortak ko jet im kōketak membōr ro n̄an mour kōn pedped in katak kein. Armej ro me rejjab membōr in Kabun̄ in maron̄ barāinwōt kōm̧m̧ani menin leļo̧k ko Ijo ke, membōr ro wōt an Kabun̄ in remaron̄ kōļļā juon m̧ōttan jon̄oul.
Membōr ro rej kōketak n̄an kōm̧m̧ani menin jipan̄ ko aer ilo online ijo emaron̄ (lale donations.ChurchofJesusChrist.org). Membōr ro remaron̄ barāinwōt leļo̧k kein jipan̄ ko aer im kadedeļo̧k juon boom̧ in Juon M̧ōttan Jon̄oul im Jortak ko Jet n̄an bisop eo ak juon iaan rikakpilōklōk ro an (lale 34.5.2)
34.3.1
Juon M̧ōttan Jon̄oul
Juon m̧ōttan jon̄oul eo ej menin leļo̧k an juon m̧ōttan-jon̄oul in wōņāām̧ n̄an Kabun̄ eo an Anij (lale Katak im Bujen Ko 119:3–4; ļapļo̧k ej meļeļe kake ej meļeļe in wōņāām̧). Aolep membōr ro me rej kōļļā aikuj kōļļā juon m̧ōttan jon̄oul.
Armej in bujen ro an Anij raar mour kōn kien juon m̧ōttan jon̄oul jān tōre ko etto (lale Jenesōs 14:18–20; Leviticus 27:30–32). Irooj ekar ba, “M̧ōttan-jon̄oul an armej ro Aō … enaaj kien jamin kōm̧akūt n̄an er indeeo” (Katak im Bujen Ko 119:3–4).
M̧ōttan-jon̄oul ko rej ekkwojarjar n̄an Irooj, im membōr rej kautiej E kōn kōļļā juon m̧ōttan jon̄oul. Menin ej juon kakōļļe in tōmak ilo Anij im kallim̧ur ko An. Ro me rej kōļļā juon m̧ōttan jon̄oul rej bōk kallim̧ur in jān Irooj: “Kom̧win mālejjon̄ Eō kiiō ilo men in, Jeova in inelep eo ej ba, eļan̄n̄e I jab kapeļļo̧k wūntō ko an lan̄ im lutōkļo̧k jeraam̧m̧an n̄an kom̧ m̧ae iien enaaj ejjeļo̧k aikuj” (Malakai 3:10).
34.3.1.1
Jerbal in Jāān ko Juon M̧ōttan Jon̄oul
Juon m̧ōttan jon̄oul ko liļo̧k (donation) rej aolep iien jerbal n̄an jibadbad ko an Irooj, āinwōt an tōl jān Ko̧o̧njeļ eo kōn Kōm̧akūtkūt M̧ōttan-jon̄oul ko (lale Katak im Bujen Ko 120). Jet iaan jibadbad kein rej ellaajrak ilo 34.0.
34.3.1.2
Kean̄ an Juon M̧ōttan Jon̄oul (Tithing Declaration)
Bisop eo ej kweilo̧k ippān kajjojo membōr ilo allōn̄ ko jejjo āliktata an kajjojo iiō n̄an bōk kean̄ in juon m̧ōttan jon̄oul eo an. Ilo jekjek ko rōjeja n̄e bisop eo ej jako, stake būreejtōn eo emaron̄ kōmālim juon iaan rikakpilōklōk ro an bisop eo n̄an kōm̧m̧ane eddo in.
Ilo iien kean̄ eo an juon m̧ōttan jon̄oul (tithing settlement) eo, bisop eo ej kwaļo̧k kam̧m̧oolol n̄an membōr ro kōn tiljek eo aer. E ej barāinwōt katakin pedped in katak eo an juon m̧ōttan jon̄oul, ej kōketak membōr ro n̄an leļo̧k juon jortak in jitlo̧k etōnkwadik, im ekōnono kōn jerbal ko jet rekkar.
Naan in kōmeļeļe ko kōn kean̄ eo an juon m̧ōttan jon̄oul (tithing settlement) eo kar kōpooje jān opiij ko reļļap an Kabun̄ in ak eria opiij eo kar kappeik.
Pija
baam̧le eo ej kōnono n̄an em̧m̧aan eo
34.3.2
Joortak in Jitlo̧k ko
Ritōl ro an Kabun̄ rej rōjan̄ ro uwaan n̄an aer mour kake kien jitlo̧k. Menin ekoba leļo̧k juon jortak in jitļo̧k etenkwadik (lale 22.2.2).
Ilo jet ward ko, bisop ej emaron̄ kōmālim rikabwijer Priesthood eo an Aron n̄an aiin jortak in jitlo̧k ko. Ilo kāālet menin, bisop eo ej ļōmņak kōn oran rikabwijer Priesthood eo Aron rej pād, kōjparok eo aer, im kōjeraam̧m̧an ko n̄an membōr ro me remaron̄ jab leļo̧k (contribute).
Ro rikabwijer preisthood eo rej aikuj in ilo̧k ruo ilo̧k n̄e rej aiin joortak in jitlo̧k ko. Rej m̧ōkaj in būkilo̧k jortak in jitlo̧k ko n̄an juon membōr in bisoprik eo.
Membōr rejjab aikuj lilo̧k menin liļo̧k ko jet, āinwōt juon m̧ōttan jōn̄oul ak joortak ko jet, n̄an ro me rej aiini joortak in jitlo̧k ko.
Unin tōl ko n̄an kōjerbali jāān in joortak in jitlo̧k ko rej kōpooji tok ilo 22.5.2
34.3.3
Jāān in Mijenede
Jāān ko liļo̧k n̄an jāān an mijenede an ward eo rej kōjerbali eļap tata n̄an tōpar jāān ko leļo̧k eo kar kallim̧ur kake an mijenede ro rej jerbal aolep raan jān ward eo. Dam̧oļo̧k in jāān ko ilo ward eo maron̄ kōjerbali n̄an tōpar kallim̧ur ko an mijenede ro jet ilo stake eo. Dam̧oļok in jāān ko ilo juon stake maron̄ kōjerbali n̄an stake ko jet ilo ko̧o̧njeļ in kōtōbalbal eo āinwōt tōl jān Erial Jiljilimjuonn̄oul eo eo ej tōl ko̧o̧njeļ eo.
Jāān in jipañ an ward ñan mijenede ro rejjab aikūj in jilkinļok ñan mijenede ro kajjojo. Jāān kein rej aikuj jab kōjerbali n̄an jabdewōt m̧akūtkūt an mijenede ilo ward eo ak stake eo.
Jāān in jipan̄ ko n̄an General Missionary Fund eo rej kōjerbali jān Kabun̄ in ilo kijejeto ko an aolep mijenede.
Stake būreejtōn ro im bisop ro rej aikuj jilkinļo̧k jāān ko an mijenede (missionary fund) me ebwe aer kōbari aikuj ko an stake eo im ward eo n̄an General Missionary Fund eo ilo opiij ko reļļap an Kabun̄ in ak n̄an eria opiij eo.
N̄an elōn̄ļo̧k meļeļe ko kōn jāān ko an mijenede im kōļļāik jerbal in mijenede, lale 24.3.4.
34.3.4
Elleļo̧k (contribution) ko Jet
Membōr ro remaron̄ leļo̧k jipan̄ (contribute finacially) ilo jāān n̄an kōllaajrak ko jet kar kōmālim. Eļan̄n̄e rilleļo̧k (donor) ro rej kōjerbal boom̧ eo Tithing and Other Offerings, ren je etan kōllaajrak (category) eo ilo jekjōn eo “Other” ilo boom̧ eo.
Stake ko im ward ko rej aikuj jab ejaki kōllaajrak (categories) ko ilo jekjōn eo “Other” n̄an kajjitōk, aiin, ak joļo̧k jāān n̄an būroojāk ko me rejjab mālim jān Eria Būreejtōnji eo. Kōn juon laajrak in kōllaajrak (category) kar kōmālim, membōr ro rej aikuj kepaak ward kūļōk eo.
34.3.5
Philanthropies
Philanthropies eo an Kabun̄ eo an Jisōs Kraist im Armej ro Rekwojarjar ilo Raan-ko Āliktata ej juon ra an Opiij eo an Bisoprik eo Eutiej ej Tōl. Ra in ej kōtōbalbal im ej kapidodoikļo̧k elleļo̧k ko (contrbutions) baļintieeri an phianthropic n̄an Kabun̄ in im charity ko ej koba ippāer im m̧akūtkūt ko, ijello̧k juon m̧ōttan jon̄oul eo im jortak ko jet. Jipan̄ ilo kōm̧m̧ani leļo̧k (contribution) ko maron̄ būki jān kepaak opiij eo an Philanthropies:
Ilo Jipan̄ ko Rem̧m̧an, Ekoba Juon M̧ōttan Jon̄oul
Kabun̄ in ekka an jab kōketak kōm̧m̧an kain (contribution) leļo̧k ko (rejjab kōn jāān) āinwōt juon m̧ōttan jon̄oul ak jortak ko jet. Menin em̧m̧anļo̧k n̄an an membōr ro joļo̧k m̧weiuk kōn er make innām kōļļā juon m̧ōttan jon̄oul im menin jipan̄ ko jet kōn jāān. Ijoke, kain kein jipan̄ ko (donation) maron̄ būki ilo jet jekjek ko. Kain kein jipan̄ kein (donation) maron̄ juon iminene jeļā kake ilo jet eria ko an laļ in.
Kabun̄ in ej ebbōk (1) stock ko, bond ko, ak securities ko jet me em̧ōkaj wia kaki, im (2) jet real estate ko em̧ōj wia kaki. Membōr ro rej aikuj email donationsinkind@churchofjesuschrist.org kōn naan in kōmeļeļe ko kōn ekōjkan jino kain menin jipan̄ kein rejouj. Eļan̄n̄e membōr ro rej kōņaan leļok jāān n̄an item ko jet, stake būreejtōn eo ej kepaak opiij ko an Kabun̄ in ak eria opiij eo n̄an mālim m̧okta jān an kōmālim bisop eo n̄an būki.
Rijiit ko n̄an membōr ro me rej kōm̧m̧an kain menin jipan̄ ko (donation) rej leļo̧k jān opiij ko reļļap an Kabun̄ in ak eria opiij eo.
34.3.7
Leļo̧k ko(contribution) Rejjab Maron̄ Bar Kōro̧o̧li (refund)
N̄e m̧ōttan jon̄oul ko im jortak ko jet rej liļo̧k n̄an Kabun̄ in, rej an Irooj. Rej kōkkwojarjari n̄an E. Aolep kain leļo̧k (contribution) ko rej jortak ko m̧ōņōņō in leļo̧k. Rej kōm̧m̧ani kōn ejjeļo̧k watōk ekōjkan aer jerbal, bar bōk eddo in (retention of contro), am make (ownership) ilo jabdewōt jekjek, ak kōjatdikdik eo an jabdewōt jeraam̧m̧an jān rileļo̧k eo (donor) ijello̧kin kōjeraam̧m̧an ko an Irooj.
Stake būreejtōn ro im bisop ro rej karon̄ ro me rej leļo̧k (contribute) m̧ōttan jon̄oul ko im jortak ko me leļo̧k (contribution) kein rejjab maron̄ bar kōro̧o̧li (refund). Ak jab maron̄ bar kōro̧o̧lļo̧k I(refund) jāān ko an mijenede kar kōļļāik m̧okta. (prepaid).
34.4
Ennojak an Juon M̧ōttan jon̄oul im Menin Joortak ko Jet
Dettan juon m̧ōttan jon̄oul eo im jortak ko jet kar kōļļāik jān juon rileļo̧k (donor) ej eņņojak. Bisop eo wōt im ro me kar kōmālim n̄an kōm̧m̧ani ak etale leļo̧k (contribute) kein aikuj wōr aear maron̄ lo meļeļe in. Stake būreejtōnji ko, bisoprik ro, im kūlōk ro rej aikuj jab ļo̧k wōt n̄an jidik kōnono ilo jab jetjet jekjek eo in juon m̧ōttan jon̄oul eo an membōr eo. Ak rejjab aikuj kōnono kōn totaļ eo an juon m̧ōttan jon̄oul eo ak jortak ko jet raar būki.
34.5
Kōjerbal (handling) Jāān ko an Kabun̄ in
Stake būreejtōn eo im bisop eo rej kanooj lale bwe aolep jāān ko an Kabun̄ in rej kōjerbali ilo jetjet. Menin ej juon eddo ekwojarjar an kūr ko aer. Pedped in tōl im jipan̄ ko rej kalikkari ilo laajrakin jekjōn kein ilaļ. Bisoprik ro im kūlōk ro kar rōjan̄ er n̄an alooje pija in alooj eo “Sacred Funds, Sacred Responsibilities” dik tata juon alen juon iiō.
34.5.1
Pedped in katak eo an Leiaia (companionship)
Peded in katak eo an leiaia ej aikuj in ruo armej—juon membōr in bisoprik eo im kūlōk eo, ak ruo membōr in bisoprik eo—n̄an lukkuun bōk koņaer n̄e rekoote im kōjerbal jāān ko an Kabun̄ in. Pedped in katak in ej n̄an tōlarōk jāān ko rekwojarjar im kōjparok ritōl ro an Kabun̄.
Ritōl ro rej aikuj kōjparok im laleļo̧k wōt n̄an jidik kwaļo̧k password ko aer (lale 33.9.1.1).
34.5.2
Bōk Juon M̧ōttan Jon̄oul im Menin Joortak ko Jet
Irooj eaar leļo̧k n̄an bisop ro lōke eo ekwojarjar kōn bōk im kōjparok juon m̧ōttan jon̄oul ko im jortak ko jet an Armej ro (lale Katak im Bujen Ko 42:30–33; 119). Bisop eo im rikakpilōklōk ro an wōt remaron̄ aiini juon m̧ōttan jon̄oul ko im joortak ko jet. Ium̧in men ko ejjeļo̧k wāweeir lim̧aro pāleir rej aikuj in ke, ro jet uaan baam̧le ko aer, kūļōk ro, ak ro uwan bōki menin leļok kein. Men eo de eo kōtļo̧k ej n̄e rikabwijer ro an Priesthood eo an Aron rej kappeik n̄an ain jortak in jitlo̧k ko (lale 34.3.2).
Check ko rej aikuj jeje n̄an Kabun̄ eo an Jisōs Kraist im Armej ro Rekwojarjar ilo Raan-ko Āliktata. Jāān ko kar būk jān bisoprik eo aikuj in rekooti im kadeļo̧n̄i (deposite) ilo iien eo em̧ōkaj tata n̄e emaron̄. Ritōl ro an Kabun̄ in im membōr ro aikuj in jab door menin jipan̄ ko bwe ren (donation) ejerwawa.
34.5.3
Kam̧oole im Rekoote Juon M̧ōttan Jon̄oul im Joortak ko Jet
Leļo̧k ko (contribution) rej aikuj in kam̧ooli im rekooti ilo Jabōt eo rej būki. Juon membōr in bisoprik eo im juon kūļōk, ak ruo membōr in bisoprik eo, rej kōpeļļo̧k kajjojo kilen leta ippān doon. Rej kam̧oole bwe jāān ko kar āti rej dettan wōt dettan eo kar je ilo boom̧ eo an Tithing im Other Offering. Rej rekoote kajjojo menin jipan̄ (donation) ilo jetjet. Eļan̄n̄e jāān ko im dettan eo kar je rej oktak, rej kepaak rileļo̧k eo (donor) ilo iien eo em̧ōkaj tata emaron̄ n̄an ņa mejļan oktak eo.
34.5.4
Deposit e Juon M̧ōttan Jon̄oul ko im Joortak ko Jet
Juon kadeļo̧n̄ (deposit) aikuj in kōpooje ālkin kanooj lale dettan ko kar rekooti rej jetjet n̄an jāān eo kar bōke.
Ijo ewōr juon kein kaddeļo̧n̄ (depository) an bank ej 24 awa, membōr in bisoprik eo im bar juon rikabwijer an Melkisedek Priesthood eo rej kadeļo̧n̄ (deposit) jāān ko ilo bank eo ilo ejja raan eo wōt kar kōpeļļo̧k jāān ko im kam̧ooli.
Ijo ejjeļo̧k juon kein kaddeļo̧n̄ (depository) an bank ie ej 24 awa im bank eo ej kilōk ilo Jabōt, bisop eo ej kōjenolo̧k juon rikabwijer Melkisedek Priesthood eo n̄an kōm̧m̧ane kadeļo̧n̄ eo (deposit) raan eo tok juon. Ekka wōt an armej in aikuj in juon membōr in bisoprik eo. E ej bōk eddo in jāān kein. Ej aikuj in:
Bōke juon reciept in deposit eo ej kwaļo̧k raan im allōn̄ im iiō eo im dettan kadeļo̧n̄ (deposit) eo.
Ilo kakkobaba, juon membōr in bisoprik eo im juon kūļōk, ak ruo membōr in bisoprik eo, aikuj kadedeļo̧k jekjek in ilo Jabōt eo tok juon m̧okta kōm̧m̧ani kein jipan̄ (donation) ko n̄an raan jab eo.
Keidi receipt in kadeļo̧n̄ (deposit) eo n̄an rekoot in kadeļo̧n̄ (deposit) ko an wiik eo m̧oktakļo̧k n̄an kam̧ooli dettan eo ejim̧we kar kadeļo̧n̄ (deposit).
Jaini reciept in kadeļo̧n̄ (deposit) eo im baeļe ippān meļeļe ko an kein jipan̄ (donation) ko an wiik eo m̧oktakļo̧k.
34.5.5
Kōjparoki Jāān ko an Kabun̄
Ro uwaan im rej eddoin jāān ko an Kabun̄ in rej aikuj in jab likūti ilo im̧ōn jar eo eļļā ļo̧k jān juon bon̄in ak jekkeini ilo jabdewōt iien, ko āinwōt ilo tōrein kweilo̧k ko im m̧akūtkūt ko.
34.5.6
Meļeļe ko Kōn Menin Jipan̄ (donation statement)
Ennaan ko an Kein Jipan̄ ko an Rileļo̧k rej pād n̄an aolep membōr ro ilo donations.ChurchofJesusChrist.org. Ritōl ro rej aikuj kōketak membōr ro n̄an etale iien otemjej meļeļe ko kōn menin jipan̄ eo aer. Ijo ekkar, meļeļe ko kōn eowōj (offical tax) rej barāinwōt pād ilo donations.ChurchofJesusChrist.org, n̄an iunit eo ijo jokwe ie, ak jān eria opiij eo.
Pija
kōrā eo ej jeje
34.5.7
Bōk Eddo in Kōļļā ko an Stake im Ward
Aolep jāān ko an stake eo rej bōk eddo in ilo Church financial system ko. Stake būreejtōn eo ej bōk eddo in jāān ko an stake eo. Rikakpilōklōk ro an im kūļōr ro remaron̄ jipan̄ e. Rikōkapilōklōk eo me ej jerbal āinwōt chairman an kamiti in bōnbōn eo an stake ekka an aikuj jab kobaļo̧k ilo stake financial record keeping an stake.
Aolep jāān ko an ward rej bōk eddo in ilo Church financial system ko. Bisop eo ej bōk eddo in jāān ko an ward eo. Rikakpilōklōk ro an im kūļōr ro remaron̄ jipan̄ e.
Kōļļā ko ekka aer kōm̧m̧an kōn electronic fund transfer ak kōn check. Ilo jet eria ko, iunit ko maron̄ in kōmālim n̄an kōjerbal kaat in bank ko.
Ejjeļo̧k men ko rej joļo̧ki kōņ jāan an stake ak ward maron̄ in kar waļo̧k ak kar kōļļāiki ilo an ejjeļo̧k mālim an ritōl eo ej tōl.
Ruo ritōl ro rej tōl aikuj in kōmālim kajjojo kōļļā. Juon iaer ej aikuj in juon membōr in stake būreejtōnji eo ak bisoprik eo. Jekdo̧o̧n men̄e rikakpilōklōk ro remaron̄ mālim n̄an kōmālim kōļļā ko, stake būreejtōn eo ak bisop eo aikuj etale kajjojo kōļļā. Ritōl ro rej aikuj jab kōmālim juon kōļļā n̄an er make.
Stake būreejtōn eo ej je kōmālim eo m̧okta jen an juon bisop kōjerbal joortak in jitlo̧k eo ak mālim in juon bisop ortar n̄an e make im baam̧le eo an. Mālim eo kar je jān juon membōr in Eria Būreejtōnji eo ej menin aikuj m̧okta jān an bisop eo maron̄ kōjerbal jortak in jitlo̧k ko ak kōmālim wōrtar eo an juon bisop n̄an stake būreejtōn eo ak baam̧le eo an. Lale 22.5.1.2 kōn unin tōl ko.
Juon membōr eo ej kajjitōk kōn reimbursement ej leļo̧k juon kape in jabdewōt rijiit (reciept) ak invoice ko ilo peba ak electronic. Ļeo ak lio ej barāinwōt koba un eo, dettan eo, im raan, allōn̄, im iiō eo kar wia.
Eļan̄n̄e jāān ko kar bōk im̧aanļo̧k (advance), membōr eo ej jilkinļo̧k boom̧ in payment request eo, je un eo, dettan eo, im raan, allōn̄, im iiō eo. Ālkin an jon̄an joļo̧k (expense) eo kar kōļļāik, innām membōr eo ej (1) leļo̧k rijiit (receipt) ko ak invoice ko n̄an jāān ko joļo̧k n̄an im (2) ej kōro̧o̧l jabdewōt jāān kar jab kōjerbale. Jāān ko bar kōro̧o̧li (refund) aikuj in bar kadeļo̧n̄e (redeposit).
Ritōl ro rej tōl im kūļōk ro aikuj jab kōmālim kōļļā ko ilo jab kanooj etale joļo̧k eo (expense) im rijiit ko (receipt) ak invoice ko.
Stake ko im ward ko maron̄ jab kōpeļļo̧k akkaun ko aer make ak dāpiij wōt juon petty cash fund.
Eļan̄n̄e stake eo ak ward eo ej kōjerbal kōļļā ko ilo electronic, rej kōketak membōr ro n̄an kadeļo̧n̄e meļeļe ko kōn akkaun in bāān̄ eo an make ilo Expense Reimbursement Account jekjōn eo ium̧win Setting ilo Online Donation eo ilo donations.ChurchofJesusChrist.org. Ward eo ak stake eo ejjab aikuj kakooņ kape ko ilo peba ak electronic in meļeļe ko an bāān̄ akkaun eo an membōr eo.
Eļan̄n̄e stake eo ak ward eo ej kōjerbal jāāk ko, juon jāāk ej aikuj jab jaini (sign) m̧ae iien eo ededeļo̧k kanne. Bok in Check ko im check ko ejjeļo̧k kobaer rej aikuj in kar kakkon ilo juon baeļ eo ej ļak ak cabinet. Rej aikuj in jab kar likūti im jab pād jaki n̄e rejjab kar ļak ilo kōjparok. Eļan̄n̄e jabdewōt jāāk ko ejjeļo̧k kobbaer rej jako, stake būreejtōn eo ak bisop eo ej m̧ōkaj in riboote nōm̧ba in jāāk ko n̄an oiij ko reļļap an Kabun̄ in ak eria opiij eo.
Eļan̄n̄e stake eo ak ward eo kōjerbal kaat ko n̄an kōļļā n̄an men ko iunit eo ijo jokwe ie ej wiaiki, remaron̄ kōjerbal n̄an jerbal (transaction) ko kōn wia ak kaddiwōj jāān (cash). Jerbal (transaction) ko im kaddiwōj jāān (cash) ko rej kajju upload n̄an Church financial system ko. Aolep men ko kōjerbal kaat eo n̄ani rej aikuj m̧ōkaj rekootil Eļan̄n̄e kōjerbal kein rejjab rekooti, kaat eo emaron̄ in jab jerbal.
Aolep peļan (balance) ko kōn kōļļā kōn kaat eo aikuj in jiro (zero) iiō otemjeļo̧k.
Eria opiij eo ej letok unin tōl ko remakeļo̧k n̄an iunit ko me ejjeļo̧k aer akkaun in bāāk Kabun̄ in ej leļo̧k.
34.5.9
Kōjparok Rekoot ko an Jāān
Kajjojo stake im ward rej aikuj in kar kōjparok kiin, rekoot in jāān ko im rejim̧we. Rekoot kein rej jipan̄ jerbal eo an stake būreejtōn im bisop ro n̄an im kōjparok jāān ko rekwojarjar an Kabun̄. Rekoot ko rejim̧we rej barāinwōt menin aikuj n̄an:
Kōn meļeļe ko kōn kōjerbal im kakuun rekoot ko im riboot ko, kūļōk eo ej aikuj etal n̄an naan in kōmeļeļe ko jān opiij ko reļļap an Kabun̄ in ak eria opiij eo. Rekoot in jāān ko rej aikuj kakuņi ium̧win dik tata jilu iiō ko ekoba iiō eo kiiō. Kakien ko an jikin eo remenin aikuji n̄an aer aiktok ļo̧k tōrein aer dāpiji.
34.6
Bajet im Jon̄an Kōjerbal Jāān ko
Jon̄an dettan bajet eo an būrookraam̧ ej lelo̧k jāān ko an Kabun̄ in n̄an kōļļāik m̧akūtkūt ko im būrookraam̧ ko an stake ko im ward ko. Būrookraam̧ in ej joļo̧k aikuj eo n̄an bōk (budget contributions) leļo̧k ko n̄an bajōt jān membōr ro. Tiljek in kōļļā juon m̧ōttan jon̄oul ko ekar kōm̧m̧an bwe jon̄an dettan bajet eo bwe en tōbrak.
Eļan̄n̄e emenin aikuj, ritōl ro rej aikuj in kadikļo̧k im kapidodoik ļo̧k makūtkūt ko n̄an aer pād iloaan allowance eo. Enan̄in aolep m̧akūtkūt ko rej aikuj in ļam waan im ewōr jidik ak ejjeļo̧k wōņāān.
34.6.1
Bajet ko an Stake eo im Ward eo
Aolep stake im ward rej kōpooje im jerbal ioon juon bajet iiō otemjej. Stake būreejtōn eo ej bōk eddo in bajet eo an stake im bisop eo ej bōk eddo in bajet eo an ward eo. Remaron̄ kappeik juon rikakpilōklōk n̄an mije bajet eo ium̧win tōl eo aer. Rej maron̄ barāinwōt kabbeik juon kūļōk n̄an jipan̄ kōpooj im lale bajet eo.
Stake būreejtōnji ko im bisoprik ro rej jino kōpooj bajet ko m̧oktakļo̧k jān jinoin kajjojo kōļōnta iiō. Unin tōl ko rej ellaajrak itulaļ:
Bar etale dettan eo kar joļo̧ki iloaan iiō eo m̧okta n̄an kōm̧mane im etale bwe men ko kar joļo̧k jāān kaki ren kar dedeļo̧k ļōmņak kaki.
Kajjitōk ippān doulul ko n̄an aer elmakote aikuj ko an bajet ko aer ilo tipdikin.
Eiik bajōt eo kōjerbal iminene ko kōn bajet kar kōmālim. Bajet ko rej aikuj kanooj lale bwe wōņāān ko ļōmaki ren jab ļapļo̧k jān jon̄an jāān ko ilo bajet ko kōjenolo̧k.
Kein jerbal ko (tool) kar kobaik ilo Church financial system ko rej aikuj in jerbal ijo ewōr ie.
34.6.2
Jon̄an Dettan Bajet eo
34.6.2.1
Kōjjemo̧o̧j an Bajet
Jāān in bajōt ko rej kōjjemo̧o̧j ilo kuwōta otemjej pedped ioon ro rej etal (attendance) ilo laajrak kein:
Kweilo̧k in kwojkwoj eo
Doulul eo an Likao ro
Doulul eo an Jiron̄ ro
Ajri in Būraimene iiō dettaer 7–10.
Rūm̧m̧an Ded ro ejjeļo̧k pāleer
Ej aorōk n̄an kajetjet riboote ro rej ilo̧k (attendance) im ilo iien ejetjet (lale 33.5.11).
M̧okta jān kajjojo kōjjemo̧o̧j ilo kuwōta, stake būreejtōn eo ej bōk meļeļe eo kōn dettan eo ajije. Innām ej kāālet ewi jon̄an jāān ko rej kōjjemo̧o̧j n̄an ward ko. E ej jerbal ippān bisop ro ilo juon jerbal in juon wōt, ippān doon n̄an kanooj lale bwe stake eo im ward ko ajej jāān ilo jokkuun wōt juon im jetjet. Eļan̄n̄e oktak ko kar jab loi me remaron̄ ukōt kōjjemo̧o̧j in bajōt ko m̧okta ilo em̧m̧an, stake būreejtōn eo ej kanooj lale bwe okoktak ko rej kōm̧m̧an ren em̧m̧an.
Bisop eo ej bōk eddo in kōjjemo̧o̧j in jāān in bajet eo ajije ilo ward eo. Ej bar lale bwe doulul ko ilo ward eo ren jokun wōt juon ilo kōjemo̧o̧ji jāān ko im jejjet.
Ritōl ro an priesthood rej kanooj lale bwe kōjjemo̧o̧j ko an bajet eo im m̧akūtkūt ko n̄an likao ro im jiron̄ ro rej dettan wōt juon im bwe kōjjemo̧o̧j ko n̄an ajri ro ilo Būraimere rebwe.
34.6.2.2
Kōjerbal Bajet ilo Jetjet
Stake būreejtōn ro im bisop ro rej aikuj in lale bwe jon̄an dettan jāān in bajet eo ren kōjerbali ilo lo̧ļe. Jāān ko rej aikuj in kar jerbal n̄an kōjeram̧m̧an armej ro im kowōnm̧aanļo̧k un ko an kojpeļ. Ritōl ro rej barāinwōt lale bwe aolep jāān ko julo̧k ren pād ilowaan kōjemo̧o̧j eo.
Jāān in bajet ko an stake im ward rej aikuj in kar kōjerbali n̄an kōļļāik aolepān m̧akūtkūt ko,būrookraam̧ ko, bok in katak, im kein ekkatak. Membōr ro ejjab aikuj emakijkij aer kōļļāik n̄an bōk koņaer ilo m̧akūtkūt ko. Rejjab barāinwōt aikuj in bōk ippāer bok in katak ko, kein katak ko, wōņāān rent ak deļon̄, ak iaļ in ito itak ilo juon kōtaan aitok kōn aer make kōļļā. Membōr ro remaron̄ bōktok m̧ōn̄ā eļan̄n̄e aindein en jab juon eddo (lale 20.6.1).
Ro uwaan im rej kōņaan leļo̧k kakobaba in jāān ko n̄an Kabun̄ remaron̄ kar jab ļooraer wōt budget eo an stake ak ward. Ijello̧kin, ritōl ro rej kōketak er n̄an leļo̧k (contribute) jāān n̄an jortak in jitlo̧k ko, jāān an mijenede, humanitarian aid, ak laajrak (category) ko jet an menin jipan̄ (donation) kōmālim.
Wōņāān ko n̄an ekkal em̧, kōjparoki, talboon ko, jarom im dān ko, kamputōr ko, im ito itak an ritōl ro an priesthood rej kōļļāik jān general Church fund ko ekkar n̄an unin tōl ko rekāāl tata.
34.6.2.3
Bwe in Bajet
Bwe in jāān in bajet kōjjemo̧o̧j ko rej aikuj jab kōjerbali. Bwe in jāān ko an ward rej aikuj in bar kōro̧o̧li n̄an stake eo. Bwe in jāān ko an stake rej bar kōro̧o̧li n̄an Kabun̄ in.
Āinwōt juon oktak, stake ko im ward ko remaron̄ in kōjparoki jet iaan jāān ko im kar joļo̧ki eļan̄n̄e remenin kar aikuji n̄an makūtkūt ko ralikkar im rem̧ōj kar pepe kaki n̄an iiō tok juon, ko āinwōt juon kweilo̧k eo eļap an Jodikdik ro. Ijoke, m̧ōttan ko reļļap an bajet kōjjemo̧o̧j eo an stake ak ward eo aikuj jab dāpij jān juon iiō n̄an iiō eo tok juon.
34.6.3
Kōļļāik M̧akūtkūt Ko Rein Juon im Men ko Kōjerbali
34.6.3.1
Stake im M̧akūtkūt ko an Ruo ak elōn̄ Stake
Ritōl ro rej rōjan̄ n̄an kōm̧m̧ane m̧akūtkūt ko an juon stake ruo ak elōn̄ļo̧k stake im rej bōktok iien ko rem̧m̧an n̄an ejaak ilo juon wōt im jemjerā ko, eļaptata ilubwiljin jodikdik ro im rūmman ded ejjeļo̧k pāleer. Ritōl ro rej aikuj in lale bwe rej bajet eo ejjejet n̄an jipan̄ nōm̧ba in m̧akūtkūt ko rekkar an stake eo im ruo ak elōn̄ļo̧k stake ko.
Jāān n̄an m̧akūtkūt ko ekkā an ruo ak elōn̄ļo̧k stake ko rej itok jān jāān in bajet eo an stake ko rej bōk koņaer. Kōļļāik m̧akūtkūt ko an eria remaron̄ itok jān bajet ko an headquarter ko an eria ak Kabun̄ in n̄e kōmālimi.
34.6.3.2
M̧akūtkūt ko Rein Juon im Kein Jerbal (equipment)
Kōn meļeļe eo kōn m̧akūtkūt ko rein juon im kein jerbal, lale jepta 20.
34.7
Bōnbōn ko
34.7.1
Kammiti in Bōnbōn Jāān eo an Stake
Stake būreejtōn eo ej jitōn̄ juon kamiti in bōnbōn jāān eo an stake eo. Kamiti eo kanooj lale bwe jāān ko an stake eo im ward eo rej kōjbwebweik ekkar n̄an kakien eo an Kabun̄ in. Ej (kamiti) eo ej kobaik in juon iaan rikakpilōklōk ro an stake būreejtōn eo āinwōt chairman eo im bar ruo membōr in stake eo me rej meļeļe ak maron̄ in kaminene ilo jerbal ko kōn jāān. M̧aan im kōrā rein jeid im jatid ej aikuj wōr juon aer peba im mālim an tampeļ kāāl.
Rikōkapilōklōk eo im ej jerbal āinwōt jon chairman ekka an aikuj jab kōmālim kōļļā ko ak bōk koņaan ilo kōjparok rekoot in jāān(financial record keeping) an stake eo.
Ro uwaan kamiti eo rej aikuj jab ribōnbōn ro an stake eo. Ak er rejjab aikuj in kōm̧m̧an kōjparok rekoot in jāān (financial record keeping) an stake ak ward eo.
34.7.2
Rietale Bōnbōn in Jāān ko an Stake
Stake būreejtōn ak rikakapilōklōk eo an eo im ej chairman kammiti in etale bōnbōn in jāān eo an stake rej kūr diktata ruo rietal ribōnbōn in jāān ro an stake. M̧aan im kōrā rein jeid im jatid ej aikuj wōr juon aer peba im mālim an tampeļ kāāl. Eļan̄n̄e emaron̄, rej aikuj in kar iminene ilo jerbal in bōnbōn jāān ak etale bōnbōn in jāān ko. Rej aikuj bōk mālim jān stake būreejtōnji eo im high ko̧o̧njeļ eo. Mekarta, rejjab aikuj in rejtak. Stake būreejtōn eo ej ļōmak eļan̄n̄e er rej (set apart) kōjenolo̧k.
Ko̧o̧njeļ ro reutiej remaron̄ in barāinwōt jerbal āinwōt rietal bōnbōn in jāān ko an Stake. Mekarta, kūļōk eo an stake im rijipan̄ ro an kūļōk eo an stake remaron̄ in kar jab kūr er āinwōt ribōņbōņ ro. Ro im rej jerbal āinwōt rietale bōnbōn in jāān ro maron̄ barāinwōt kabwijer kūr ko jet.
34.7.3
Bōnbōn Jāān (financial audit)
Ribōnbōn jāān ro an stake rej būni rekoot in jāān ko an stake eo, ward ko, im FamilySearch center ko ruo alen ilo juon iiō. Ribōnbōn ro rej barāinwōt būni rekoot ko an jikin ikkure ko juon alen kajjojo iiō. Men kein rej iien ko rem̧m̧an n̄an kōketak, rejtak, im kamineneik ro me kar kūr er n̄an kōjbwebweik jāān ko an Kabun̄ eo an Irooj.
Ribōnbōn rej kanooj lale bwe:
Juon m̧ōttan jon̄oul im leļo̧k ko (contribution) ko jet rej jetjet rekooti.
Jāān ko an Kabun̄ in rej jetjet kōjerbali, bōk eddo in, im kōjparoki.
Rekoot in jāān ko rej dedeļo̧k im jim̧we.
Opiije eo an iunit eo im ej bōk eddoin tōl im kūļōk kar jittōn̄e n̄an jāān rej aikuj in peļļo̧k iienotemjej n̄an uaaki kajjitōk ko ilo tōrein bōnbōn ko.
Stake būreejtōn eo im kamiti in bōnbōn eo an stake rej etale aolep bōnbōn ko. Ālkin etale ko aer, chairman in kamiti in bōnbōn in Jāān eo an Stake im stake būreejtōn rej jaini bōnbōn in jāān eo. Bōnbōn in jāān emaron̄ jain im jilkinļo̧k m̧okta jān aolep likjab ko rej aikuj kajjim̧we. Stake būreejtōn im kamiti in bōnbōn in jāān eo an stake ej likkuun lale bwe jabdewōt likjab ko ikkijeen bōnbōn in jāān rej aikuj kajjim̧we.
34.7.4
Eria Ribōnbōn ro im Eria Rijjipan̄ Ribōnbōn ro
Eria Būreejtōnji eo ej ļoor unin tōl ko ilo Guide to the Area Audit Program n̄e kūr juon eria ribōnbōn ak rijjipan̄ eria ribōnbōn.
34.7.5
Jako, Ko̧o̧t, Kakkure Jāān, ak Bōd Kōjerbal Jāān ko an Kabun̄ in
Stake būreejtōn eo ak chairman eo an kamiti in bōnbōn eo an stake aikuj in kōjeļļāik e ilo iien eo em̧ōkaj tata eļan̄n̄e:
Jāān ko an Kabun̄ in rejako ak kar ko̧o̧ti.
Juon ritōl ekar ko̧o̧te ak bōd an kōjerbale jāān ko an Kabun̄ in.
Stake būreejtōn eo ak chairman eo an kamiti in bōnbōn eo ej kōjjeļāik Ra in Bōnbōn eo an Kabun̄ in Ej kōjjeļāik eria controller eo eļan̄n̄e iunit eo ej pād itulikin in United States im Canada.
Raan Bōnbōn eo an Kabun̄ in (ak eria eo ej lale) ej jilkinļo̧k juon boom̧ in ripoot in jako n̄an ippān stake būreejtōn ak chairman eo n̄an kammiti in bōnbōn eo. Ium̧win tōl eo an Ra in Bōnbōn eo an Kabun̄ in (ak eria controller) eo, stake būreejtōn eo ak chairman eo an kamiti in bōnbōn eo ej kanooj lale bwe jerbal eo ej jetjet etale. E ej barāinwōt kanooj lale bwe boom̧ in kalikkar ke ejako eo ej jetjet kadedeļo̧k im jilkinļo̧k.
Alkin an etale eo dedeļo̧k, eļan̄n̄e Ra in Bōnbōn eo an Kabun̄ ej kōmlet bwe ritōl eo ak rijerbal in Kabun̄ in eo ekar ko̧o̧ti jāān ko an Kabun̄ in ak men eo m̧wien, jerbal eo an uwaan (membership action) aikuj in ļōmņak kake. Unin tōl ko rej pād ilo 32.6.3.3.
Eļan̄n̄e juon bōd in kōjerbal jāān ko loe, stake būreejtōn eo ak chairman eo an kamiti in bōnbōn eo ej barāinwōt kōjeļļāikļo̧k Eria Būreejtōnji eo.
34.7.6
Kūļōk eo an Stake ak Rijipan̄ eo an Kūļōk eo an Stake kar Jitōn̄e n̄an Jāān ko
Kamiti in bōnbōn eo an stake emaron̄ kappeik kūļōk eo an stake ak rijjipan̄ kūļōk eo an stake kar kappeik n̄an jāān ko n̄an katakin ritōl ro an ward ilo kakien eo ejetjet kōn jāān. E ej barāinwōt kōmeļeļeik er ilo jerbal ko reiookļo̧k men ko reņņojak kōtļo̧k (execption disclosed) jān ribōnbōn ro.
34.7.7
Kōn Elōn̄ļo̧k Meļeļe ko
Kōn elōn̄ļo̧k meļeļe kōn kamiti in bōnbōn ko, ribōnbōn ro, im jekjek ko an bōnbōn, lale Help Center ilo ChurchofJesusChrist.org. Kamiti in bōnbōn ko an stake eo maron̄ kajju kōn kajjitōk ko aer n̄an rijjipan̄ eria ribōnbōn eo.
34.8
Owōj ko
Meļeļe in owōj eo ilo m̧wen̄an in ej n̄an wōt United States im Canada. Eļan̄n̄e ritōl ro an priesthood ilo United State im Canada rej aikuj elōn̄ļo̧k meļeļe, rej aikuj kepaak Tax Administration Division eo:
Tax Administration
50 East North Temple Street, Room 2276
Salt Lake City, UT 84150-0022
Talboon: 1-801-240-4405 or 1-800-453-3860, extension 2-4405
Ritōl ro an priesthood itulikin United States im Canada rej kepaak eria opiij eo n̄an ņa mejļan kajjitōk ko kōn eowōj ko.
34.8.1
Kadkad in an Ejjeļo̧k Owōj
Kabun̄ in ekkā an jab kōļļāiki wōtlo̧kin oņān ko, m̧weiuk, deļo̧n̄tok (income), im eowōj ko jet kōnke ej juon doulul in kabun̄. Im̧ōko im̧ōn Kabun̄ im men ko jet m̧weien rej jerbal n̄an jibadbad ko kabun̄-jar, katakin an kabun̄, im m̧akūtkūt ko jet reiookļo̧k Kabun̄ in. Ritōl ro an Stake im ward rej kanooj lale bwe men ko m̧weien Kabun̄ in ren jab jerbal n̄an politic, peejnej, ak jibadbad ko an investment āinwōt kar kōllaajrake ilo waanjon̄ak ko im̧aanļo̧k ilo 35.5.6.1 im 35.5.6.3. N̄an kōm̧m̧ane innām emaron̄ iienotemjej kakkure kien ko im rej kōmālim an Kabun̄ jab owōj kōn men eo m̧weien.
Eaorōk menin bwe ritōl ro an stake im ward ren ļoori laajrakin jipan̄ kein n̄an kōjparok kadkadin owōj ko an Kabun̄. N̄e juon stake ak ward ej bōd an kōjerbale jon̄an kadkadin owōj eo an Kabun̄, iunit ko jet an Kabun̄ eo remaron̄ in kar jeleti.
34.8.2
Dikļo̧k in Wōņāān ko im Kōjerbal Taak
Dikļo̧kin wōņāān ko im kōjerbal kien ko an owōj im wāween aer jerbali n̄an Kabun̄ im oktak jān laļ im jān bukwōn. Ritōl ro rej kepaak Church Tax Administration Division eo ak eria opiij eo kar kappeik n̄an lale eļan̄n̄e Kabun̄ in ejjab kōļļā (exempt) ak ej aikuj kōļļā eowōj ko.
34.8.3
Owōj in M̧weiūk
Church’s Tax Administration Division ej baeļe aolepān men ko im rejjab owōj m̧weiūk im kōļļāik ko aolep m̧weien im remenin aikuj n̄an owōji. Ejjeļo̧k jerbal emenin aikuji jān ritōl ro an jikin eo.
