Laka he Tui pea Fakahā

1. Laka he tui pea fakahā,

Ko e ʻOtua Hono huafa.

Fakamoʻoni ko e ʻAlo ia,

Tala ʻEne folofolá,

Laka atu he loto-toʻa,

Feinga ke fakahā.

Ki he ngaahi puleʻanga,

Ko e fānau ʻa e ʻOtuá.

2. Laka fakahā he ʻofa,

Fiefia ʻa e fāmili.

Fakataha mo e kāinga,

He lau ʻitāniti.

Laka pea faivelenga,

ʻIkai ha totongi .

Pea maʻu ai e fiefia lahi,

Tauhi kia Kalaisi.

3. Laka he ʻofa mālohi,

ʻOatu ʻa e kosipeli.

Kuo toe fakafoki mai,

ʻIa Sīsū Kalaisi.

Malangaʻi pea fakahā,

Melino mo e ʻofa.

Fakafetaʻi ki he ʻEiki,

Toe ʻomi ʻa e mafai.